സുസുകിയുടെ ചെറുകാര്‍ സ്വിഫ്‌ട്‌ അടുത്തമാസം

ടോക്കിയോ: ജപ്പാനിലെ പ്രമുഖ കാര്‍ നിര്‍മാതാക്കളായ സുസുകി മോട്ടോര്‍ കോര്‍പറേഷന്റെ ചെറുകാര്‍ സ്വിഫ്‌ട്‌ അടുത്തമാസം നിരത്തിലിറങ്ങും. സെപ്‌തംബര്‍ 18 ന്‌ പുറത്തിറങ്ങുന്ന ഈ ചെറുകാര്‍ കയറ്റുമതി ലക്ഷ്യമാക്കിയാണ്‌ ഉത്‌പാദിപ്പിക്കുന്നതെന്ന്‌ കമ്പനി ഔദ്യോഗികമായി അറിയിച്ചു.
നിലവിലുള്ള സ്വിഫ്‌ട്‌ അപ്പാടെ പരിഷ്‌കരിച്ചതാണ്‌ പുതിയ വാഹനം. ഹൈ-എന്‍ഡ്‌ സ്‌റ്റീല്‍ ഉപയോഗിച്ചുള്ള നിര്‍മാണമായതിനാല്‍ വാഹനത്തിന്റെ ഭാരത്തില്‍തന്നെ 10 കിലോയുടെ കുറവുണ്ടാകും. ഒരു ലിറ്റര്‍ പെട്രോളിന്‌ 23 കിലോമീറ്ററാണ്‌ കമ്പനി അവകാശപ്പെടുന്ന മൈലേജ്‌.12,44,250 മുതല്‍ 16,53,750 യെന്‍ വരെയാണ്‌ കാറിന്റെ വില.