ബ്രൂസ്‌റ്റര്‍: പണ്ടെന്നോ കഴിച്ച്‌ ഒരു പയര്‍ ചെന്നുവീണത്‌ ശ്വാസകോശത്തില്‍. നട്ടുനനയ്‌ക്കാന്‍ ആളില്ലാഞ്ഞിട്ടും അത്‌ അവിടെക്കിടന്ന്‌ മുളച്ചു. കുറച്ചു വളരുകയും ചെയ്‌തു. അതോടെ വിഷമത്തിലായത്‌ ബ്രൂസ്‌റ്റര്‍ സ്വദേശി 75 കാരനായ റോണ്‍ സീഡന്‍.
പതുക്കെ റോണിന്റ രക്തസമ്മര്‍ദ്ദം താഴാന്‍ തുടങ്ങി. അതോടെ കുഴഞ്ഞുവീഴ പതിവായി. ശ്വാസം എടുക്കാന്‍ ഏറെ ബുദ്ധിമുട്ടും അനുഭവപ്പെട്ടു. ആശുപത്രിയിലെത്തിയപ്പോള്‍ അവര്‍ക്ക്‌ സംശയമില്ല, ലക്ഷണങ്ങള്‍ കാണിക്കുന്നത്‌ ശ്വാസകോശാര്‍ബുദം തന്നെയെന്ന്‌. അതിനുള്ള ചികിത്സയുമായി മുന്നോട്ടുപോയപ്പോഴാണ്‌ സംഗതി വേറെയാണെന്ന്‌ കണ്ടെത്തിയത്‌.
ഉടനെതന്നെ കോഡ്‌ ഹോസ്‌പിറ്റലിലെ ഡോക്ടര്‍മാര്‍ അടിയന്തര ശസ്‌ത്രക്രിയയ്‌ക്ക്‌ റോണിനെ വിധേയനാക്കി. പയറുചെടി നീക്കിയതോടെ വിരമിച്ച അധ്യാപകനായ റോണിന്‌ ആശ്വാസവുമായി. ഈപ്പോള്‍ ആശുപത്രിക്കിടക്കയില്‍ റോണ്‍ സുഖം പ്രാപിച്ചുവരുന്നു. തൊട്ടടുത്തുതന്നെ സൂക്ഷിച്ചിട്ടുണ്ട്‌, ശ്വാസകോശത്തില്‍ മുളച്ച പയറുചെടിയും.
0 comments:
ഒരു അഭിപ്രായം പോസ്റ്റ് ചെയ്യൂ