ഓഹരി വിപണിയില്‍ തുടക്കം നഷ്ടത്തോടെ

മുംബൈ: ഓഹരി വിപണിയില്‍ ഇന്ന്‌ തുടക്കം നഷ്ടത്തോടെ. ഇന്നലെ 173 പോയിന്റിന്റെ നേട്ടമുണ്ടാക്കിയ ബോംബൈ ഓഹരി സൂചിക സെന്‍സെക്‌സ്‌ ഇന്ന്‌ ആദ്യമണിക്കൂറുകളില്‍തന്നെ 99.03 പോയിന്റിന്റെ നഷ്ടത്തിലായി. 17,515.45 പോയിന്റിലാണ്‌ സെന്‍സെക്‌സ്‌ ഇപ്പോള്‍. 24.50 പോയിന്റിന്റെ നഷ്ടം േനരിട്ട ദേശീയ ഓഹരി സൂചിക ഇപ്പോള്‍ 5264.55 പോയിന്റിലാണ്‌ വ്യാപാരം നടത്തുന്നത്‌.
കടുത്ത വില്‍പ്പന സമ്മര്‍ദ്ദമാണ്‌ വിപണിയെ പിന്നോട്ടടിപ്പിച്ചത്‌. ബാങ്കിംഗ്‌, ലോഹം, ഐ ടി മേഖലയിലാണ്‌ തിരിച്ചിറക്കം കൂടുതല്‍ ദൃശ്യമാകുന്നത്‌. റിലയന്‍സിന്റെ ഓഹരിവില 0.21 ശതമാനവും സ്‌റ്റെര്‍ലൈറ്റിന്റെ ഓഹരിവില 0.80 ശതമാനവും ഇടിഞ്ഞു. ടാറ്റാ സ്‌റ്റീല്‍ (0.84 ശതമാനം) ഇന്‍ഫോസിസ്‌ (0.48), വിപ്രോ (0.47), എസ്‌ ബി ഐ (0.74), ഐ സി ഐ സി ഐ (1.30) എന്നിവയുടെ ഓഹരിവിലയും താഴോട്ടാണ്‌.