ഗൂഗിള് എന്ന യു എസ് കമ്പനിക്ക് ചൈനയില് പ്രവര്ത്തിക്കുകയും അവരുടെ ബിസിനസ് വ്യാപിപ്പിക്കുകയും ചെയ്യാം. അതിനെ സ്വാഗതം ചെയ്യുന്നു. പക്ഷേ രാജ്യത്ത് നിലനില്ക്കുന്ന നിയമങ്ങള് അനുസരിക്കാന് അവര് ബാധ്യസ്ഥരാണ്. നിര്ഭാഗ്യവശാല് പലപ്പോഴും ചൈനീസ് നിയമങ്ങള്ക്ക് അതീതമായി പ്രവര്ത്തിക്കാനാണ് ഗൂഗിളിന് താത്പര്യം. ഇത് അവസാനിപ്പിച്ചില്ലെങ്കില് അനന്തര നടപടികള് നേരിടേണ്ടിവരുമെന്ന് വ്യവസായ, ഐ ടി മന്ത്രി ലി യിഴോങ് ഓര്മിപ്പിക്കുന്നു.
ചൈനയില് തുടരണമോ വേണ്ടയോയെന്ന് ഗൂഗിളിന് തീരുമാനിക്കാം. അത് അവരുടെ കാര്യം. ഇവിടെ തുടരാനാണ് തീരുമാനിക്കുന്നതെങ്കില് അതിനെ സ്വാഗതം ചെയ്യും. രാജ്യത്തെ ഐ ടി വ്യവസായത്തിന് അത് പ്രോത്സാഹനവുമാകുമെന്നും അദ്ദേഹം പത്രസമ്മേളനത്തില് അറിയിച്ചു.
ഗൂഗിള് സെര്ച്ച് എന്ജിന് ചൈനയില് നിരവധി നിയന്ത്രണങ്ങളാണ് സര്ക്കാര് ഏര്പ്പെടുത്തിയിട്ടുള്ളത്. ഇതില് അസന്തുഷ്ടി പ്രകടിപ്പിച്ച് ചൈനയില്നിന്നും പിന്മാറാനുള്ള ഒരുക്കത്തിലാണ് ഗൂഗിള്. ഇതേതുടര്ന്ന് ഗൂഗിള് അധികൃതരുമായി ചര്ച്ച നടത്തിയശേഷമാണ് മന്ത്രി യിഴോങ് പത്രസമ്മേളനം നടത്തിയത്.
0 comments:
ഒരു അഭിപ്രായം പോസ്റ്റ് ചെയ്യൂ