പുതയുതായി വായ്പ എടുക്കുന്നവര്ക്ക് മാത്രമാണ് ബാങ്കുകള് ഇപ്പോള് പലിശനിരക്ക് കുറച്ചു നല്കുന്നത്. നിലവിലുള്ള എല്ലാ ഉപഭോക്താക്കള്ക്കും ഈ ആനുകൂല്യം ലഭ്യമാക്കണമെന്നാണ് റിസര്വ് ബാങ്കിന്റെ നിലപാട്. ഇക്കാര്യം റിസര്വ് ബാങ്ക് രേഖാമൂലംതന്നെ ഇന്ത്യന് ബാങ്ക് അസോസിയേഷനെ അറിയിച്ചിട്ടുമുണ്ട്.
സാമ്പത്തിക പ്രതിസന്ധി രൂക്ഷമാകും മുമ്പ് ഭവന വായ്പയെടുത്തവര്ക്ക് 10 മുതല് 12 ശതമാനംവരെയായിരുന്നു പലിശ. അവര് ഇപ്പോഴും അതേ നിരക്കില്തന്നെ പലിശ നല്കേണ്ടിവരുകയാണ്. ഫ്ളോട്ടിംഗ് നിരക്ക് സ്വീകരിച്ച വായ്പക്കാരും ഇതേ നിരക്കില്തന്നെയാണ് പലിശ നല്കുന്നത്. അതേസമയം പുതുതായി വായ്പയെടുക്കുന്നവര് എട്ട് ശതമാനം പലിശ നല്കിയാല് മതിയാവും.
രാജ്യത്തെ ഏറ്റവും വലിയ ബാങ്കായ എസ് ബി ഐ കഴിഞ്ഞദിവസം ഇക്കാര്യത്തില് തങ്ങളെ നിര്ബന്ധിക്കരുതെന്ന് റിസര്വ് ബാങ്കിനോട് അഭ്യര്ത്ഥിച്ചുകഴിഞ്ഞു. ഐ സി ഐ സി ഐ, എച്ച് ഡി എഫ് സി തുടങ്ങിയ ബാങ്കുകള്ക്കും റിസര്വ് ബാങ്കിന്റെ അഭിപ്രായത്തോട് യോജിപ്പില്ല.
0 comments:
ഒരു അഭിപ്രായം പോസ്റ്റ് ചെയ്യൂ