മിലിന്ഡിന്റെ തന്നെ സ്വന്തം കമ്പനിയായ ഫെയ്സ് എന്റര്ടൈന്മെന്റ് ആണ് പരിപാടിയുടെ നിര്മാതാക്കള്. എല്ലാ വെള്ളിയാഴ്ചയും രാത്രി 10 നാണ് സെക്സി മോഡലിനായുള്ള തിരച്ചില് എന് ഡി ടി വിയില് സംപ്രേക്ഷണം ചെയ്യുന്നത്.
മോഡലിംഗ് രംഗത്തെത്തുന്നവരെ തങ്ങളുടെ കഴിവുകള് തിരിച്ചറിയാന് സഹായിക്കുക എന്ന ഉദ്ദേശമത്താടെയാണ് ഈ പദ്ധതി അണിയിച്ചൊരുക്കുന്നതെന്ന് മിലിന്ഡ് പറഞ്ഞു. നല്ല കഴിവുകളുള്ള ഒരുപാട് കുട്ടികള് രാജ്യത്തുണ്ട്. more...
എന്നാല് പലരും അത് തിരിച്ചറിയാതെ പോകുന്നു. മോഡലിംഗ് രംഗത്തേക്ക് കടന്നുവരുന്നവര്ക്കാകട്ടെ തങ്ങളുടെ ന്യൂനതകള് തിരിച്ചറിഞ്ഞ് പരിഹരിക്കാന് പലപ്പോഴും കഴിയാതെ പോകുന്നു.
നീന്തല് വേഷത്തില് ടി വിയില് പ്രത്യക്ഷപ്പെടാന് എത്രപേര് തയ്യാറാകുമെന്ന് ആദ്യം ആശങ്കയുണ്ടായിരുന്നു. എന്നാല് ചെറുപ്പക്കാരുടെ മാനസികാവസ്ഥയില് ഏറെ മാറ്റമുണ്ടായിട്ടുണ്ടെന്നാണ് ഇപ്പോള് മനസിലാകുന്നത്. പലരും നീന്തല് വേഷത്തില് തങ്ങള് കൂടുതല് സുന്ദരികളാണെന്ന് തിരിച്ചറിയുന്നുമുണ്ടെന്ന് മിലിന്ഡ് സോമന് പറയുന്നു.
1990 കളില് ഇന്ത്യന് മോഡലിംഗ് രംത്ത് നിറഞ്ഞുനിന്ന മിലിന്ഡ് ഈ പരിപാടിയിലൂടെ വീണ്ടും ടെലിവിഷനുകളില് സജീവമാകുകയാണ്. ഇതോടൊപ്പം കുറച്ചു സിനിമകളും മിലിന്ഡിന്റെ കൈവശമുണ്ട്. രണ്ട് തമിഴ് സിനിമകളും ഒരു മറാത്തി സിനിമയുമാണ് മിലിന്ഡിന്റെതായി പുറംലോകത്തേക്ക് വരുന്നത്.
ഭാഷയോ ലൊക്കേഷനോ ഒരു പ്രശ്നമായി കാണാത്ത താന് അഭിനയത്തിനാണ് മുന്ഗണന നല്കുന്നതെന്ന് അദ്ദേഹം പറയുന്നു.
0 comments:
ഒരു അഭിപ്രായം പോസ്റ്റ് ചെയ്യൂ