ഹിന്ദി, തമിഴ്, ഉറുദു, ബംഗാളി, ഗുജറാത്തി, പഞ്ചാബി, തെലുങ്ക് എന്നീ ഭാഷകളില് ആദ്യഘട്ടത്തില് വെബ്സൈറ്റ് വിലാസങ്ങള് ലഭിക്കും. ഇംഗ്ലീഷ് അക്ഷരമാലയിലെ എ മുതല് ഇസഡു വരെയുള്ള അക്ഷരങ്ങള് ഉപയോഗിച്ചു മാത്രമേ ഇതുവരെ വെബ്സൈറ്റ് വിലാസങ്ങള് ലഭിച്ചിരുന്നൊള്ളു. ഇനിമുതല് അതും ഇന്ത്യന് ഭാഷകളില് ലഭ്യമാകും. മാത്രവുമല്ല കോം, നെറ്റ്, ഒആര്ജി, ഇന് തുടങ്ങിയ പദങ്ങള് വെബ്സൈറ്റ് വിലാസങ്ങളുടെ അവസാന ഭാഗത്തു ഉപയോഗിച്ചിരുന്നു. പുതിയ രീതിയില് ഇവക്കു പകരം ഇന്ത്യന് പദങ്ങള് പ്രയോഗിക്കാം.
ഇന്ത്യയെ സംബന്ധിച്ചിടത്തോളം വിവര സാങ്കേതിക രംഗത്തെ വിപ്ലവകരമായ മാറ്റമാണിതെന്നു വിവര സാങ്കേതിക വകുപ്പു സീനിയര് ഡയറക്ടര് ഗോവിന്ദ് പറഞ്ഞു. മലയാളമടക്കമുള്ള കൂടുതല് ഇന്ത്യന് ഭാഷകളിലേക്ക് ഈസേവനം ലഭ്യമാക്കുന്നതിനുള്ള ശ്രമങ്ങള് നടന്നു വരുകയാണ്. 22 ഇന്ത്യന് ഭാഷകളില് ലിപിസഞ്ചയം വിവര സാങ്കേതികവകുപ്പു സൗജന്യമായി ലഭ്യമാക്കുന്നുണ്ട്. എന്തായാലും ഭാഷാപരമായ കാരണങ്ങള് കൊണ്ടു ഇന്റര്നെറ്റിനെ അകറ്റിനിര്ത്തിയിരിക്കുന്നവര്ക്കു ഇനി ആശ്വസിക്കാം. ലോകം ഇനി സ്വന്തം ഭാഷയില് വിരല്തുമ്പത്തുണ്ടാകും.
0 comments:
ഒരു അഭിപ്രായം പോസ്റ്റ് ചെയ്യൂ