സി ഇ ഒമാരുടെ ശമ്പളം നിയന്ത്രിക്കില്ല

ന്യൂഡല്‍ഹി: കമ്പനികളുടെ ചീഫ്‌ എക്‌സിക്യൂട്ടീവുകള്‍ക്ക്‌ നല്‍കുന്ന പ്രതിഫലം നിയന്ത്രിക്കുന്നതിന്‌ സര്‍ക്കാരിന്‌ ഉദ്ദേശമില്ലെന്ന്‌ കേന്ദ്ര കമ്പനികാര്യമന്ത്രി സല്‍മാന്‍ ഖുര്‍ഷിദ്‌ രാജ്യസഭയെ അറിയിച്ചു. സി പി ഐ അംഗം എം പി അച്യുതന്റെ ചേദ്യത്തിന്‌ രേഖാമൂലം നല്‍കിയ മറുപടിയിലാണ്‌ മന്ത്രി ഇക്കാര്യം വ്യക്തമാക്കിയത്‌.
കമ്പനി ചീഫ്‌ എക്‌സിക്യൂട്ടീവുകളുടെ ശമ്പളവും ആനുകൂല്യങ്ങളും സംബന്ധിച്ച്‌ മാര്‍ഗനിര്‍ദേശങ്ങളൊന്നും പുറപ്പെടുവിച്ചിട്ടില്ല. 1956 ലെ കമ്പനികാര്യ നിയമത്തിലെ പരിധിക്ക്‌ ഉള്ളില്‍ നിന്നുകൊണ്ട്‌ മാനേജീരിയല്‍ തസ്‌തികളില്‍ പ്രതിഫലം നല്‍കാന്‍ കമ്പനികള്‍ക്ക്‌ സ്വാതന്ത്ര്യമുണ്ടെന്ന്‌ ഖുര്‍ഷിദ്‌ വ്യക്തമാക്കി.