ഡിസംബര് ഒന്നു മുതല് ജനുവരി 15 വരെ 45 ദിവസം നീണ്ടുനില്ക്കുന്ന ഈ വ്യാപാരോത്സവത്തില് 14 ജില്ലകളിലെയും 4700 ല്പ്പരം വ്യാപാര സ്ഥാപനങ്ങള് ഇതുവരെ അംഗങ്ങളായി കഴിഞ്ഞു. വ്യാപാര സംഘടനകളുടെ അഭ്യര്ഥനമാനിച്ച് രജിസ്ട്രേഷന് ചെയ്യാനുള്ള സൗകര്യം ഇപ്പോഴും തുടരുന്നുണ്ട്. വന്കിട-ചെറുകിട വ്യത്യാസമില്ലാതെ വ്യാപാരികളെല്ലാം ഏകമനസ്സോടെ അണിനിരക്കുന്ന ഗ്രാന്ഡ് കേരള ഷോപ്പിംഗ് ഫെസ്റ്റിവല് ലോകത്തെ തന്നെ ആദ്യത്തെ സംരംഭമാണ്. 40 കിലോ സ്വര്ണ സമ്മാനങ്ങള് യാതൊരു മുടക്കുമില്ലാതെ വ്യാപാരികള്ക്ക് സ്വന്തം സ്ഥാപനത്തിലൂടെ പ്രഖ്യാപിക്കാമെന്നതാണ് ഫെസ്റ്റിവലിനെ ശ്രദ്ധേയമാക്കുന്ന സവിശേഷത. ഇതുകൂടാതെ നിരവധി സ്ക്രാച്ച് ആന്ഡ് വിന് സമ്മാനങ്ങളും മഹീന്ദ്ര സൈലോ കാര്, വി എല് സി സി പാക്കേജുകള്, മെഡിമിക്സ് ഗിഫ്റ്റ് കിറ്റുകള് തുടങ്ങി സ്പെഷല് സമ്മാനങ്ങളും ഏര്പ്പെടുത്തിയിട്ടുണ്ട്.
0 comments:
ഒരു അഭിപ്രായം പോസ്റ്റ് ചെയ്യൂ