നവ്യ നായര്‍ വിവാഹിതയാവുന്നു

തിരുവനന്തപുരം: മലയാളത്തിന്റെ പ്രിയതാരം നവ്യനായര്‍ വിവാഹിതയാവുന്നു. മുംംബ ശ്രീചക്ര എക്‌സ്‌പോര്‍ട്ടിംഗ്‌സിലെ മാര്‍ക്കറ്റിംഗ്‌ വൈസ്‌ പ്രസിഡന്റ്‌ സന്തോഷ്‌ മേനോനാണ്‌ വരന്‍. വരുന്ന മകരത്തില്‍ ഇരുവരും വിവാഹിതരാകുമെന്നാണ്‌ സൂചന.
നവ്യക്കായി അച്ഛനും അമ്മയും കണ്ടുപിടിച്ച വരനാണ്‌ ചെങ്ങനാശേരി സ്വദേശിയായ സന്തോഷ്‌. ചങ്ങനാശേരി മാടയില്‍ കുടുംബത്തില്‍ നാരായണ മേനോന്റെ മകനാണ്‌ സന്തോഷ്‌. ഒരു ബന്ധുവഴിയാണ്‌ സന്തോഷിന്റെ ആലോചന എത്തിയത്‌. ജാതകപ്പൊരുത്തം നോക്കിയപ്പോള്‍ അത്യുത്തമം. ശേഷം സന്തോഷും നവ്യയും പരസ്‌പരം കാണുകയും സംസാരിക്കുകയും ചെയ്‌തു. ഇരു കൂട്ടര്‍ക്കും ഇഷ്ടപ്പെട്ടതോടെ ആലോചന മുന്നോട്ടുപോകുകയായിരുന്നു.