suchakam

ധോണി ഒഴിയുന്നു; ഇനി സെവാഗ് നായകന്‍

2012-01-29T15:07:00.000+05:30

അഡലൈഡ്: ഇന്ത്യന്‍ ക്രിക്കറ്റ് ടീം നായകസ്ഥാനത്തുനിന്നും മഹേന്ദ്രസിംഗ് ധോണി പടിയിറങ്ങുന്നു. ടെസ്റ്റ് ടീമിന്റെ നായകസ്ഥാനമാണ് ധോണിയില്‍നിന്നും മാറ്റപ്പെടുന്നത്. ഇംഗ്ലണ്ട്, ഓസ്‌ട്രേലിയ പര്യടനങ്ങളില്‍ ഇന്ത്യന്‍ ടീമിനുണ്ടായ നാണംകെട്ട പരാജയമാണ് ധോണിക്ക് തിരിച്ചടിയായത്. അഡലൈഡ് ടെസ്റ്റില്‍ ഇന്ത്യയെ നയിച്ച വീരേന്ദര്‍ സേവാഗായിരിക്കും പുതിയ ടെസ്റ്റ് ക്യാപ്ടനെന്നാണ് സൂചന.
അതേസമയം കുറഞ്ഞ ഓവറുകളുടെ കളിയായ ഏകദിനം, ടി20 എന്നിവയില്‍ ധോണിതന്നെയായിരിക്കും ഇന്ത്യയെ നയിക്കുക. ഇക്കാര്യം ധോണിയുമായി ബി സി സി ഐ അധികൃതര്‍ സംസാരിച്ചുകഴിഞ്ഞുവെന്നാണ് സൂചന.
ടീമിലെ മുതിര്‍ന്ന താരങ്ങള്‍ക്ക് ധോണിയുമായി യോജിച്ചുപോകാന്‍ കഴിയുന്നില്ലെന്നതാണ് ഇപ്പോഴത്തെ പ്രശ്‌നം. സച്ചിന്‍, ദ്രാവിഡ്, ലക്ഷ്മണ്‍ എന്നിവര്‍ക്ക് ധോണിയുടെ തീരുമാനങ്ങളില്‍ എതിര്‍പ്പുണ്ട്. ധോണി കാര്യങ്ങള്‍ കൈകാര്യം ചെയ്യുന്ന രീതിയോടാണ് ഇവര്‍ക്ക് എതിര്‍പ്പ്. സേവാഗ് ആകട്ടെ തന്റെ എതിര്‍പ്പ് ഓസിസ് പര്യടനത്തിനിടെ തുറന്നുപറഞ്ഞുകഴിഞ്ഞു. പ്ലേയിംഗ് ഇലവനെ തിരഞ്ഞെടുക്കല്‍ മുതല്‍ ഫീല്‍ഡ് സെറ്റിംഗില്‍വരെ സ്വയം നിശ്ചയിക്കുന്ന ധോണി മറ്റുള്ളവരുടെ അഭിപ്രായം കേള്‍ക്കാന്‍ പോലും തയ്യാറാകുന്നില്ലെന്നാണ് സെവാഗ് പറഞ്ഞത്. ധോണിയുടെ തീരുമാനങ്ങള്‍ തെറ്റായിരുന്നുവെന്ന് മത്സരഫലങ്ങള്‍ തെളിയിക്കുകയും ചെയ്തു.
ടെസ്റ്റ് ക്രിക്കറ്റില്‍നിന്നും 2013 ഓടെ വിരമിക്കുമെന്ന ധോണിയുടെ പ്രഖ്യാപനം ബി സി സി ഐ അധികൃതരുടെ വിമര്‍ശനത്തിന് വഴിവച്ചിട്ടുണ്ട്. 2012 തുടക്കത്തില്‍ ഇങ്ങനെയൊരു പ്രഖ്യാപനം ധോണി നടത്തിയത് എന്തിനാണെന്നാണ് അവര്‍ ചോദിക്കുന്നത്. ഒരു പരമ്പര നടന്നുകൊണ്ടിരിക്കുമ്പോള്‍ ഒരിക്കലും ഇത്തരമൊരു പ്രഖ്യാപനം ധോണി നടത്തരുതായിരുന്നുവെന്നും അവര്‍ പറയുന്നു.
RELATED STORIES

നയന്‍സ്-പ്രഭുദേവ വിവാഹം വേണ്ടെന്നുവച്ചു

2012-01-29T14:01:00.004+05:30

ചെന്നൈ: തെന്നിന്ത്യന്‍ താര സുന്ദരി നയന്‍താരയും പ്രഭുദേവയുമായുള്ള വിവാഹം ഉപേക്ഷിച്ചതായി റിപ്പോര്‍ട്ട്. ഇരുവരും ഒരുമിച്ചുള്ള വിവാഹ ജീവിതം ആവശ്യമില്ലെന്ന് രണ്ടുപേരും ഒരുമിച്ച് തീരുമാനിച്ചതായാണ് റിപ്പോര്‍ട്ട്. ഇരുവരുടെയും കുടുംബ സുഹൃത്തുക്കള്‍ റിപ്പോര്‍ട്ട് ശരിവച്ചിട്ടുണ്ട്.
മൂന്നര വര്‍ഷം നീണ്ട പ്രണയത്തിനാണ് ഇതോടെ ഇരുവരും തിരശീലയിടുന്നത്. നയന്‍സ് തെന്നിന്ത്യന്‍ നായികമാരില്‍ മുന്‍പന്തിയില്‍ നില്‍ക്കുമ്പോഴാണ് ഇരുവരും വിവാഹത്തിന് തീരുമാനിച്ചത്. ഇതിന്റെ ഭാഗമായാണ് നയന്‍സ് അഭിനയം മതിയാക്കുകയും പ്രഭുദേവ ആദ്യഭാര്യയായ റംലത്തില്‍നിന്നും വിവാഹമോചനം നേടുകയും ചെയ്തത്.
ഏതായാലും കുറച്ചുനാളുകളായി ഇവര്‍ നല്ല ബന്ധത്തിലായിരുന്നില്ലെന്നാണ് വാര്‍ത്തകള്‍. വിവാഹമോചനം നേടിയെങ്കിലും റംലത്തുമായും കുട്ടികളുമായും പ്രഭുദേവ നല്ല ബന്ധം തുടരുന്നുണ്ട്. അഭിനയജീവിതത്തിന് തിരശീലയിട്ട നയന്‍സാവട്ടെ ഒരു തിരിച്ചുവരവിനുള്ള ശ്രമത്തിലുമാണ്. ഇക്കാര്യം നയന്‍സ് തന്നെ പ്രഖ്യാപിച്ചിടുമുണ്ട്.
RELATED STORIES

ബോളിവുഡിലെ ഒരേയൊരു പുരുഷന്‍ ഹൃതിക്‌: സോനം കപൂര്‍

2011-09-23T08:27:00.000+05:30

മുംബൈ: ബോളിവുഡിലെ യുവനടന്‍മാര്‍ക്കിടയിലെ ഒരേയൊരു പുരുഷന്‍ ഹൃതിക്‌ റോഷനാണെന്ന്‌ സോനം കപൂര്‍. ഇപ്പോഴുള്ള നടന്‍മാരില്‍ ഹൃതികിന്‌ മാത്രമേ പുരുഷന്റെ ലക്ഷണമുള്ളൂ. ബാക്കി എല്ലാവരും കുട്ടികളെപോലെയാണ്‌ പെരുമാറുന്നത്‌. ഹൃതിക്കിന്റെ പ്രേമഭാജനമായി സിനിമയില്‍ അഭിനയിക്കാന്‍ തനിക്ക്‌ താത്‌പര്യമുണ്ടെന്നും സോനം പറഞ്ഞു.
ഷാഹിദിനോട്‌ ഞാന്‍ എപ്പോഴും പറയാറുള്ളത്‌ കുട്ടകളെപ്പോലെയല്ല പുരുഷനെപ്പോലെ വസ്‌ത്രം ധരിക്കുവെന്നാണ്‌. ഖാന്‍ ത്രയത്തില്‍ മൂന്നുപേരും അച്ഛന്റെ സുഹൃത്തുക്കളാണ്‌. ഇതില്‍ സല്‍മാന്‌ ഒപ്പം മാത്രമേ അഭിനയിച്ചിട്ടുള്ളൂ. അത്‌ തികച്ചും നല്ല അനുഭവമായിരുന്നു. തീര്‍ത്തും മാന്യനാണ്‌ സല്‍മാന്‍.
സെറ്റുകളില്‍ ഒരുങ്ങാന്‍ കൂടുതല്‍ സമയം എടുക്കുന്നുവെന്ന ആരോപണത്തില്‍ കഴമ്പില്ല. എനിക്ക്‌ 10 മിനിട്ടേ അതിനാവശ്യമുള്ളൂ. പക്ഷേ അപ്പോഴും ഒരുങ്ങാന്‍പോയ നായകന്‍ തിരിച്ചെത്തിയിട്ടുണ്ടാവില്ല.
ബോളിവുഡില്‍ താരറാണി പദവിക്കായി മറ്റ്‌ നടിമാരോട്‌ മത്സരിക്കാനില്ല. എന്റെ മത്സരം നായകനോട്‌ മത്സരിച്ച്‌ അഭിനയിക്കുന്നതിലാണ്‌. അതിലാണ്‌ മുഴുവന്‍ ശ്രദ്ധയും. സെറ്റിന്‌ പുറത്തുനടക്കുന്ന ഗോസിപ്പുകള്‍ ശ്രദ്ധിക്കാറുമില്ലെന്നും സോനം പറഞ്ഞു.
related stories

ഒരു നേരംഭക്ഷണം കഴിക്കുന്നവര്‍ ബി പി എല്ലിന്‌ പുറത്ത്‌

2011-09-21T08:52:00.004+05:30

ന്യൂഡല്‍ഹി: ദിവസം ഒരുനേരമെങ്കിലും ഭക്ഷണം കഴിച്ചാല്‍ ബി പി എല്ലിന്‌ പുറത്തായേക്കും. ദാരിദ്ര്യരേഖയ്‌ക്ക്‌ താഴെയുള്ളവര്‍ക്ക്‌ ഒരു ദിവസം പരമാവധി ചെലവഴിക്കാവുന്ന തുക വെറും 32 രൂപ. ഇത്‌ പട്ടണങ്ങളിലുള്ളവരുടെ കാര്യം. ഗ്രാമങ്ങളിലാണെങ്കില്‍ 26 രൂപയായി ഇത്‌ കുറയും. നേരത്തേ ഇത്‌ യഥാക്രമം 20 ഉം 15 ഉം രൂപയായിരുന്നു. കോടതി വിമര്‍ശനത്തെത്തുടര്‍ന്നാണ്‌ തുക പുതുക്കി നിശ്ചയിച്ചത്‌.
പ്ലാനിംഗ്‌ കമ്മിഷന്‍ സുപ്രീംകോടതിയെ അറിയിച്ച വിശദാംശങ്ങളിലാണ്‌ ഇക്കാര്യം പറയുന്നത്‌. പട്ടണങ്ങളിലെ ദരിദ്രന്‍ ഒരുമാസം 965 രൂപയേ ചെലവഴിക്കാവൂ. ഗ്രാമങ്ങളിലെ ബി പി എല്‍ ലിസ്‌റ്റുകാര്‍ 781 രൂപയില്‍ കൂടുതല്‍ ചെലവഴിക്കാന്‍ പാടില്ല. അങ്ങനെ ചെയ്‌താല്‍ അവരും ബി പി എല്‍ ലിസ്‌റ്റില്‍നിന്നും പുറത്താകും. നാലംഗങ്ങളുള്ള ഒരു കുടുംബത്തിന്‌ ഒരുമാസം പരമാവധി ചെലവിടാവുന്ന തുക 3.860 രൂപയായി നിജപ്പെടുത്തിയിട്ടുണ്ട്‌.
ഒരു ഊണിനുതന്നെ 45 രൂപമുതല്‍ മുകളിലോട്ടാണ്‌ ഹോട്ടലുകാര്‍ വാങ്ങുന്നത്‌. പ്ലാനിംഗ്‌ കമ്മിഷന്റെ മാനദണ്ഡങ്ങള്‍ പ്രകാരമാണെങ്കില്‍ ദിവസം ഉച്ചയ്‌ക്കുള്ള ഊണ്‌ മാത്രം കഴിച്ചാലും ദരിദ്രനല്ലാതെയാവും. കേന്ദ്രസര്‍ക്കാരിന്റെ തെറ്റാനയ നയങ്ങള്‍കാരണം വിലക്കയറ്റം വന്‍തോതില്‍ വര്‍ധിക്കുമ്പോഴാണ്‌ ബി പി എല്‍ ലിസ്‌റ്റില്‍നിന്നും വന്‍തോതില്‍ ആളുകളെ പടിക്കുപുറത്താക്കാനുള്ള ഈ നിര്‍ദ്ദേശം വരുന്നത്‌.
യു പി എ ഭരണകാലത്ത്‌ ഇന്ത്യയില്‍ ദാരിദ്ര്യം വന്‍തോതില്‍ കുറഞ്ഞുവെന്ന്‌ വരുത്തിതീര്‍ക്കാനുള്ള കുറുക്കുവഴിയായാണ്‌ പ്ലാനിംഗ്‌ കമ്മിഷന്റെ ഈ നീക്കം ചൂണ്ടിക്കാണിക്കപ്പെടുന്നത്‌. അതേസമയം തെന്‍ഡുല്‍ക്കര്‍ കമ്മിറ്റി റിപ്പോര്‍ട്ടിലെ ശിപാര്‍ശകള്‍ക്കനുസരിച്ചുള്ള മാനദണ്ഡങ്ങള്‍ മാത്രമാണിതെന്ന്‌ പ്ലാനിംഗ്‌ കമ്മിഷന്‍ വാദിക്കുന്നു.
ഒരുമനുഷ്യന്‌ ആരോഗ്യം കാത്ത്‌ സൂക്ഷിക്കാന്‍ ഒരുദിവസം 5.5 രൂപയുടെ ആവശ്യമേയുള്ളൂവെന്നാണ്‌ പ്ലാനിംഗ്‌ കമ്മിഷന്റെ കണ്ടെത്തല്‍. ഒരു ദിവസം പാലിന്‌ 2.33 രൂപ, എണ്ണയ്‌ക്ക്‌ 1.95 രൂപ എന്നിങ്ങനെയുള്ള കണക്കുകളും കമ്മിഷന്‍ പറയുന്നുണ്ട്‌. പഴവര്‍ഗങ്ങള്‍ വാങ്ങാന്‍ 44 പൈസ, പഞ്ചസാരയ്‌ക്ക്‌ 70 പൈസ, ഉപ്പിനും മറ്റ്‌ മസാലക്കൂട്ടുകള്‍ക്കും കൂടി 78 പൈസ എന്നിങ്ങനെയാണ്‌ ഒരുദിവസത്തെ ചെലവിനായി ദരിദ്രര്‍ വിനിയോഗിക്കേണ്ടത്‌. ഇതില്‍ കൂടിയാല്‍ കഷ്ടപ്പാടുതന്നെ.
വാടകവീട്ടില്‍ കഴിയുന്ന ദരിദ്രര്‍ (പട്ടണങ്ങളില്‍) ഒരുമാസം വാടകയായി നല്‍കേണ്ട തുക 49.10 രൂപയില്‍ കൂടാന്‍ പാടില്ലെന്നുമുണ്ട്‌. ചുരുക്കി പറഞ്ഞാല്‍ ഈ നിര്‍ദ്ദേശങ്ങള്‍ നടപ്പിലായിക്കഴിയുമ്പോള്‍ പട്ടണങ്ങളില്‍ ദരിദ്രര്‍ പൂര്‍ണമായും ഇല്ലാതാവും.
ദരിദ്രര്‍ ഒരുദിവസം ഇന്ധനത്തിനായി മാറ്റിവയ്‌ക്കേണ്ടത്‌ 3.75 രൂപയാണ്‌. ഒരുമാസത്തെ കണക്ക്‌ നോക്കിയാല്‍ രണ്ട്‌ലിറ്റര്‍ പെട്രോളിനുപോലും തികയാത്ത കാശ്‌. ആരോഗ്യ സംരക്ഷണത്തിന്‌ ഒരുമാസം ഉപയോഗിക്കേണ്ട തുക 49.10 രൂപയില്‍ കവിയാന്‍ പാടില്ല. വിദ്യാഭാസത്തിന്‌ മാസം 29.60 രൂപ ചെലവിടാം. വസ്‌ത്രത്തിന്‌ 61.30 രൂപവരെ ചെലവിടാം. ഗുണമേന്‍മയില്ലാത്ത അഞ്ച്‌ കര്‍ചീഫിന്‌ തികയാത്ത തുക. ചെരുപ്പിന്‌ 9.6 രൂപയും മറ്റ്‌ ആവശ്യങ്ങള്‍ക്ക്‌ 28.80 രൂപയുംവരെ ചെലവഴിക്കാം.
ഈ മാനദണ്ഡങ്ങള്‍ക്ക്‌ പ്രധാനമന്ത്രിയുടെ ഓഫീസ്‌ അംഗീകരം നല്‍കിക്കഴിഞ്ഞതായും പ്ലാനിംഗ്‌ കമ്മിഷന്‍ സുപ്രീംകോടതിയെ അറിയിച്ചിട്ടുണ്ട്‌.
related stories

എന്റെ ശരിയും തെറ്റും ബിജു തീരുമാനിക്കണ്ട: പൃഥ്വിരാജ്‌

2011-09-20T22:50:00.000+05:30

ചെന്നൈ: തന്റെ തീരുമാനങ്ങളിലെ ശരിയും തെറ്റും ചൂണ്ടിക്കാട്ടേണ്ടത്‌ സംവിധായകന്‍ കെ ബിജുവല്ലെന്ന്‌ പൃഥ്വിരാജ്‌. ബിജു എഴുതിക്കൊണ്ടുവന്ന ഡോക്ടര്‍ ലൗവിന്റെ തിരക്കഥ പൂര്‍ണമായി ഇഷ്ടപ്പെടാത്തതുകൊണ്ടാണ്‌ ഡേറ്റ്‌ നല്‍കാത്തത്‌. പല സ്ഥലങ്ങളിലും ക്ലാരിറ്റി പോരായിരുന്നതിനാല്‍ തിരക്കഥ തിരുത്തണമെന്ന്‌ ബിജുവിനോട്‌ ആവശ്യപ്പെട്ടിരുന്നതുമാണ്‌.
തിരക്കഥ ശരിയാക്കിയിട്ട്‌ വന്നാല്‍ ഷൂട്ടിംഗ്‌ തുടങ്ങാമെന്ന്‌ ബിജുവിനോട്‌ പറഞ്ഞിരുന്നു. എന്നാല്‍ ബിജു പിന്നെ എന്നെത്തേടി വന്നില്ല. പിന്നീട്‌ മറ്റൊരു നടനെ നായകനാക്കി സിനിമ ചിത്രീകരിക്കുകയും ചെയ്‌തു. ഇതില്‍ ഞാന്‍ എങ്ങനെ കുറ്റക്കാരനാവും. തിരക്കഥ ഇഷ്ടപ്പെട്ടില്ലെന്ന്‌ പറയാനുള്ള സ്വാതന്ത്ര്യം എനിക്കില്ലേ?
ബിജുവിന്‌ രണ്ടുകാര്യങ്ങള്‍ ചെയ്യാമായിരുന്നു. ഈ തിരക്കഥയില്‍ അഭിനയിച്ചാല മതിയെന്ന്‌ തുറന്നുപറയാമായിരുന്നു. അല്ലെങ്കില്‍ തിരക്കഥ തിരുത്തിയിട്ട്‌ വരാമായിരുന്നു. ഇതുരണ്ടും ചെയ്യാതെ അദ്ദേഹത്തിന്റെ വിലപ്പെട്ട നാല്‌ വര്‍ഷം ഞാന്‍ നഷ്ടമാക്കി എന്ന്‌ പറയുന്നതില്‍ എന്തര്‍ത്ഥമാണുള്ളത്‌.
തിരക്കഥയുടെ പേരില്‍ നടന്‍ പിന്‍മാറിയതുമൂലം ഒരു സംവിധായകന്റേയും ഭാവി നശിച്ചിട്ടില്ല. അങ്ങനെ നശിക്കുമായിരുന്നുവെങ്കില്‍ ഇവിടെ എത്ര സംവിധായകരുടെ ഭാവി നശിക്കണം. തിരക്കഥയുടെ പേരില്‍ ഒരു സിനിമയില്‍നിന്നും പിന്‍മാറുന്ന ആദ്യ നടനൊന്നുമല്ല താനെന്നും പൃഥ്വിരാജ്‌ പറഞ്ഞു.
related stories

പൃഥ്വിരാജ്‌ എന്നെ പറ്റിച്ചു: സംവിധായകന്‍ കെ ബിജു

2011-09-20T10:16:00.006+05:30

ചെന്നൈ: മലയാള സിനിമയിലെ യുവരാജാവ്‌ പൃഥ്വിരാജ്‌ തന്നെ പറ്റിച്ചതായി പുതുമുഖ സംവിധായകന്‍ കെ ബിജു. ഓണത്തിന്‌ തിയേറ്റകളിലെത്തിയ ഡോക്ടര്‍ ലൗവില്‍ അഭിനയിക്കാമെന്ന്‌ പറഞ്ഞാണ്‌ പൃഥ്വിരാജ്‌ പറ്റിച്ചത്‌. ആദ്യം പൃഥ്വിരാജിനെയായിരുന്നു പ്രധാന കഥാപാത്രമായി നിശ്ചയിച്ചിരുന്നത്‌. അഭിനയിക്കാമെന്ന്‌ ഉറപ്പ്‌ നല്‍കി നാല്‌ വര്‍ഷം കഴിഞ്ഞിട്ടും പൃഥ്വിരാജ്‌ ഡേറ്റ്‌ നല്‍കിയില്ല. അവസാനമാണ്‌ കുഞ്ചാക്കോ ബോബനെ നായകനാക്കി ബിജു സിനിമയെടുത്തത്‌. അതാകട്ടെ പ്രേക്ഷകര്‍ ഇരുകയ്യും നീട്ടി സ്വീകരിക്കുകയും ചെയ്‌തു.
പൃഥ്വിരാജിന്റെ കഴിവുകളില്‍ എനിക്ക്‌ വിശ്വാസമുണ്ട്‌. അതുകൊണ്ടാണ്‌ ആദ്യപടത്തില്‍ പൃഥ്വിരാജ്‌ നായകനാവണം എന്ന്‌ ആഗ്രഹിച്ചതും. തുടക്കത്തില്‍ സമ്മതം മൂളിയ പൃഥ്വിരാജ്‌ പിന്നെ എന്തുകൊണ്ട്‌ സിനിമയില്‍നിന്നും പിന്‍മാറിയെന്ന്‌ അറിയില്ല. ഇതുവരെ ഒരു വിശദീകരണം നല്‍കാന്‍പോലും പൃഥ്വിരാജ്‌ തയ്യാറായിട്ടില്ല. എന്തായാലും മലയാള സിനിമയില്‍ തനിക്ക്‌ മികച്ച തുടക്കത്തിന്‌ അവസരമൊരുക്കിത്തന്ന കുഞ്ചാക്കോ ബോബനോടും നിര്‍മാതാവ്‌ ജോയ്‌ തോമസ്‌ ശക്തികുളങ്ങരയോടും കടപ്പാടുണ്ടെന്നും കെ ബിജു പറഞ്ഞു.
ഇത്‌ ആദ്യമായല്ല പൃഥ്വിരാജിനെതിരെ ഇത്തരം ആരോപണം ഉയരുന്നത്‌. നേരത്തേ നിര്‍മാതാവ്‌ കെ മോഹന്‍ദാസും സമാനമായ ആരോപണം ഉന്നയിച്ചിരുന്നു. മോഹന്‍ദാസിന്റെ സ്വപ്‌നമാളികയില്‍ അഭിനയിക്കാമെന്ന്‌ പറഞ്ഞ്‌ അഞ്ച്‌ ലക്ഷം രൂപ അഡ്വാന്‍സ്‌ വാങ്ങിയ ശേഷം യാതൊരുകാരണവും പറയാതെ പടത്തില്‍നിന്നും പൃഥ്വിരാജ്‌ പിന്‍മാറിയെന്നാണ്‌ ആരോപണം. അഡ്വാന്‍സ്‌ തുക തിരികെ നല്‍കിയിട്ടില്ലെന്നും മോഹന്‍ദാസ്‌ ആരോപിച്ചിരുന്നു. പൃഥ്വിരാജിന്‌ വേഷങ്ങള്‍ കുറവായിരുന്ന സമയത്താണ്‌ ഈ വാഗ്‌ദാനലംഘനങ്ങള്‍ എന്നതും ശ്രദ്ധേയമാണ്‌.
related stories

വിവാഹമോചനം കുറയ്‌ക്കാന്‍ ലൗവ്‌ ലെറ്റര്‍ സര്‍വീസുമായി ചൈന

2011-09-19T10:18:00.000+05:30

ബിജിംഗ്‌: ചൈനയില്‍ വര്‍ധിച്ചുവരുന്ന വിവാഹമോചനങ്ങള്‍ക്ക്‌ ഒരു പരിഹാരം കണ്ടെത്താന്‍ ചൈനീസ്‌ പോസ്‌റ്റല്‍ സര്‍വീസ്‌ വകുപ്പ്‌ തയ്യാറെടുക്കുന്നു. ലൗവ്‌ ലെറ്റര്‍ സര്‍വീസെന്ന ആശയവുമായാണ്‌ പോസ്‌റ്റല്‍ ഡിപ്പാര്‍ട്ട്‌മെന്റ്‌ മുന്നോട്ട്‌ വന്നിരിക്കുന്നത്‌. ഈ പദ്ധതിയിലൂടെ ഒരു പരിധിവരെയെങ്കിലും വിവാഹമോചനങ്ങള്‍ ഒഴിവാക്കാനാകുമെന്നാണ്‌ അധികൃതരുടെ കണക്കുകൂട്ടല്‍.
രണ്ടുപേര്‍ ദാമ്പത്യജീവിതം തുടങ്ങുമ്പോള്‍ തന്റെ പങ്കാളിയെക്കുറിച്ച്‌ ഓരോ കത്തെഴുതുക. ഇതിന്‌ പ്രത്യേക കവറും പേപ്പറും പോസ്‌റ്റല്‍ വകുപ്പ്‌ നല്‍കും. ഇങ്ങനെ എഴുതുന്ന കത്ത്‌ ഏഴ്‌ വര്‍ഷം പോസ്‌റ്റല്‍ ഡിപ്പാര്‍ട്ട്‌മെന്റ്‌ തങ്ങളുടെ ലോക്കറില്‍ സൂക്ഷിക്കും. ഏഴ്‌വര്‍ഷത്തിനുശേഷം ഈ കത്ത്‌ മേല്‍വിലാസക്കാരന്‌ എത്തിക്കും.
ഏഴ്‌ വര്‍ഷം വൈകിലഭിക്കുന്ന പ്രണയംനിറഞ്ഞ കത്ത്‌ അത്‌ വായിക്കുന്ന ആളുകളില്‍ ഉണ്ടാക്കുന്ന മാറ്റം പുരോഗമനപരമായിരിക്കും. തങ്ങളുടെ പങ്കാളിയുടെ യഥാര്‍ത്ഥ സ്‌നേഹം തിരിച്ചറിയാന്‍ അത്‌ കത്ത്‌ വായിക്കുന്നയാളെ സഹായിക്കും. ഒരു പുനര്‍വിചിന്തനത്തിനും വിട്ടുവീഴ്‌ചയ്‌ക്കുമുള്ള മനസ്‌ അപ്പോള്‍ അവരില്‍ പാകമാകും. കുടുംബ ബന്ധങ്ങളില്‍ അസ്വാരസ്യം ഉണ്ടായിട്ടുണ്ടെങ്കില്‍ അവ ക്ഷമിച്ചും പൊറുത്തും ഇരുവരും വീണ്ടും ഒന്നാകുമെന്ന സാധ്യതയാണ്‌ പോസ്‌റ്റല്‍ ഡിപ്പാര്‍ട്ട്‌മെന്റ്‌ പരീക്ഷിച്ചുനോക്കുന്നത്‌.
ചൈന ഇപ്പോള്‍ നേരിടുന്ന വലിയ പ്രശ്‌നങ്ങളിലൊന്നാണ്‌ വിവാഹമോചനം. ബീജിംഗില്‍പോലും വിവാഹമോചനകേസുകള്‍ ഇരട്ടിയായി വര്‍ധിച്ചിട്ടുണ്ട്‌. 2004 ല്‍ 11,582 പേരാണ്‌ വിവാഹമോചനം തേടിയെത്തിയത്‌. 2010 ആയപ്പോള്‍ ഇത്‌ 21,013 ആയി വര്‍ധിച്ചു. ഇതിന്‌ എന്തെങ്കിലും പരിഹാരം കണ്ടെത്താനുള്ള ശ്രമങ്ങളുടെ ഭാഗമാണ്‌ പോസ്‌റ്റല്‍ വകുപ്പിന്റെ കത്ത്‌ പരീക്ഷണം.
related stories

മാധുരി മടങ്ങിവരുന്നു; ഇന്ത്യയിലേക്ക്

2011-09-18T16:21:00.004+05:30

ന്യൂഡല്‍ഹി: വിവാഹശേഷം അമേരിക്കയില്‍ സ്ഥിരതാമസമാക്കിയ മാധുരീ ദീക്ഷിത് ഇന്ത്യയിലേക്ക് മടങ്ങിവരുന്നു. തന്റെ വേരേുകള്‍ ഇന്ത്യയിലാണെന്ന തിരിച്ചറിവാണ് ബോളിവുഡിന്റെ മണ്ണിലേക്ക് മാധുരിയെ തിരിച്ചെത്തിക്കുന്നത്. ഇന്ത്യയില്‍ തിരിച്ചെത്തുന്നുവെങ്കിലും ബോളിവുഡിലേക്ക് മടങ്ങിവരുന്നകാര്യം മാധുരി ഇനിയും വ്യക്തമാക്കിയിട്ടില്ല.
മാതൃരാജ്യത്തേക്കുള്ള മടങ്ങിവരവിന്റെ കാര്യം മാധുരി തന്നെയാണ് വ്യക്തമാക്കിയത്. ട്വിറ്ററിലൂടെയാണ് മാധുരി ഇക്കാര്യം പറഞ്ഞത്. ആരാധകര്‍ തന്നോട് കാട്ടുന്ന സ്‌നേഹത്തിന്റെ ഉറവ ഒരിക്കലും വറ്റില്ലെന്ന് തിരിച്ചറിഞ്ഞതായി മാധുരി പറയുന്നു. ഈ സ്‌നേഹമാണ് ഇന്ത്യയിലേക്ക് മടങ്ങിവരാന്‍ തന്നെ പ്രേരിപ്പിക്കുന്നതെന്നും മാധുരി പറഞ്ഞിട്ടുണ്ട്.
ഇന്ത്യന്‍ സൗന്ദര്യത്തിന്റെ മൂര്‍ത്തിമത്ഭാവമെന്ന് വിഖ്യാത ചിത്രകാരന്‍ എം എഫ് ഹുസൈന്‍ വിശേഷിപ്പിച്ച മാധുരി 1999 ല്‍ വിവാഹശേഷമാണ് അമേരിക്കയിലേക്ക് കുടിയേറിയത്. ശ്രീറാം നേനെയാണ് ഭര്‍ത്താവ്. ഈ ദമ്പതികള്‍ക്ക് രണ്ട് മക്കളുമുണ്ട്.
അമേരിക്കയില്‍9 കുടിയേറിയെങ്കിലും ബോളിവുഡിനെ പൂര്‍ണമായും ഉപേക്ഷിച്ചിരുന്നില്ല മാധുരി. 2007 ല്‍ പുറത്തിറങ്ങിയ ആജാ നാച്‌ലേയായിരുന്നു ബോളിവുഡിലെ മാധുരിയുടെ അവസാന ചിത്രം. നാല് വര്‍ഷത്തെ ഇടവേളയ്ക്കുശേഷം മാധുരി വീണ്ടും ബോളിവുഡില്‍ സാജീവമാകുന്നതും കാത്തിരിക്കുകയാണ് ആരാധകര്‍.
related stories

ഇലവങ്കോട്‌ ദേശം പരാജയപ്പെട്ടത്‌ മമ്മൂട്ടി കാരണം: കെ ജി ജോര്‍ജ്‌

2011-09-04T08:08:00.004+05:30

തിരുവനന്തപുരം: താന്‍ സംവിധാനം ചെയ്‌ത ഇലവങ്കോട്‌ ദേശമെന്ന ചിത്രം പരാജയപ്പെടാന്‍ പ്രധാന കാരണം മമ്മൂട്ടിയാണെന്ന്‌ കെ ജി ജോര്‍ജ്‌. എന്റെ മനസിലുള്ള പ്രകടനം കാഴ്‌ചവയ്‌ക്കാന്‍ ആ സിനിമയില്‍ മമ്മൂട്ടിക്ക്‌ കഴിഞ്ഞില്ല. എന്റെ മനസിലെ കഥാപാത്രത്തിനായി അദ്ദേഹം ആത്‌മാര്‍ത്ഥമായി പെര്‍ഫോം ചെയ്യുമെന്ന്‌ വിശ്വസിച്ചുപോയി. എന്നാല്‍ മമ്മൂട്ടി കഥാപാത്രത്തില്‍നിന്നും ഏറെ മാറിപ്പോയി. ഇതാണ്‌ ആ ചിത്രം പരാജയപ്പെടാന്‍ പ്രധാന കാരണം- ജനയുഗം ഓണപ്പതിപ്പിന്‌ നല്‍കിയ അഭിമുഖത്തില്‍ കെ ജി ജോര്‍ജ്‌ പറയുന്നു.
നല്ല കലാകാരനാണെന്ന്‌ മനസിലായപ്പോഴാണ്‌ പണ്ട്‌ മേളയില്‍ അവസരം നല്‍കിയത്‌. മുന്‍പ്‌ നാടക നടനായിരുന്നു. സിനിമയോടുള്ള താത്‌പര്യവുമായി നിരവധി തവണ എന്നെ വന്ന്‌ കണ്ടിട്ടുണ്ട്‌. നല്ല വ്യക്തിത്വം. മികച്ച കലാകാരനാണെന്ന്‌ ബോധ്യപ്പെട്ടപ്പോള്‍ അത്‌ ഉപയോഗിക്കുകയായിരുന്നു.
എന്നാല്‍ ലാലിനെപ്പോലെ അനായാസമായി വേഷപകര്‍ച്ച നടത്താന്‍ മമ്മൂട്ടിക്ക്‌ കഴിയാറില്ലെന്നും ജോര്‍ജ്‌ ചൂണ്ടിക്കാട്ടുന്നു. നമ്പര്‍ 20 മദ്രാസ്‌ മെയിലില്‍ കള്ളുകുടിയനായി ലാല്‍ അഭിനയിച്ചതുപോലെ മറ്റാര്‍ക്കും അഭിനയിക്കാന്‍ കഴിയില്ലെന്നും ജോര്‍ജ്‌ ഓര്‍മിപ്പിക്കുന്നു. സിനിമയിലെ സാങ്കേതിക പ്രവര്‍ത്തകരുടെ നന്മയെ ലക്ഷ്യമാക്കി രൂപീകരിച്ച മാക്ട ലക്ഷ്യം കൈവരിക്കാതെ അധപ്പതിച്ചുപോയി. അതിന്‌ പ്രധാന കാരണം അമ്മയുടെ വരവാണ്‌. അമ്മ എന്ന സംഘടന വന്നതോടെ സാമ്പത്തികാധിപത്യം അവര്‍ക്കായി. സമ്പത്ത്‌ കേന്ദ്രീകരിക്കുന്നിടത്ത്‌ ആധിപത്യം വരുക സ്വാഭാവികമാണെന്നും കെ ജി ജോര്‍ജ്‌ പറയുന്നു.

related stories

ശ്രീകാന്ത്‌ രാജിസന്നദ്ധത അറിയിച്ചു

2011-09-01T10:29:00.000+05:30

മാഞ്ചസ്‌റ്റര്‍: ഇന്ത്യന്‍ ക്രിക്കറ്റ്‌ ടീം സെലക്ഷന്‍ കമ്മിറ്റി ചെയര്‍മാന്‍ കെ ശ്രീകാന്ത്‌ സ്ഥാനം ഒഴിയുന്നു. ഇംഗ്ലണ്ട്‌ പര്യടനത്തിലെ ഇന്ത്യന്‍ ടീമിന്റെ ദയനീയ തകര്‍ച്ചയുടെ ധാര്‍മ്മിക ഉത്തരവാദിത്വം ഏറ്റെടുത്താണ്‌ ശ്രീകാന്ത്‌ സ്ഥാനം ഒഴിയുന്നത്‌. ഇപ്പോള്‍ ഓസ്‌ട്രേലിയയിലുള്ള അദ്ദേഹം തന്റെ രാജി സന്നദ്ധത ബി സി സി ഐയെ അറിയിച്ചുകഴിഞ്ഞു.
ബി സി സി ഐ ഇനിയും ഈ വാഗ്‌ദാനം സ്വീകരിച്ചിട്ടില്ല. ഇന്ത്യയ്‌ക്ക്‌ ലോകകപ്പ്‌ നേടിക്കൊടുത്തതില്‍ നിര്‍ണായക പങ്ക്‌ സെലക്ഷന്‍ കമ്മിറ്റി ചെയര്‍മാനായിരുന്ന ശ്രീകാന്തിനായിരുന്നു. അതുകൊണ്ടുതന്നെ ഇത്തവണത്തെ പരാജയത്തിന്റെ പേരില്‍ ശ്രീകാന്തിനെ ബലിയാടാക്കാന്‍ ബി സി സി ഐ താത്‌പര്യം കാട്ടിയിട്ടില്ല. ശ്രീകാന്താവട്ടെ ഇതേക്കുറിച്ച്‌ പ്രതികരിക്കാന്‍ മാധ്യമങ്ങള്‍ക്ക്‌ മുന്നില്‍ പ്രത്യക്ഷപ്പെടാന്‍ താത്‌പര്യം കാട്ടിയിട്ടുമില്ല.
RELATED STORIES

പത്മനാഭസ്വാമി ക്ഷേത്രവും വി എസും

2011-08-29T12:29:00.002+05:30

more>>>

നയന്‍താര വീണ്ടും എത്തുന്നു; ഐറ്റം ഡാന്‍സുമായി

2011-08-10T09:31:00.000+05:30

ചെന്നൈ: നയന്‍താര വീണ്ടും അഭിനയ രംഗത്തേക്ക്‌. മുഴുനീള ചിത്രത്തിലല്ല, മറിച്ച്‌ ഒരു ഡാന്‍സ്‌ രംഗത്തിലേക്കു മാത്രമാണ്‌ നയന്‍സ്‌ വീണ്ടും മേക്കപ്പ്‌ അണിയുന്നത്‌. ബോളിവുഡിലെ സൂപ്പര്‍ഹിറ്റ്‌ ചിത്രം ദബംഗിന്റെ തമിഴ്‌പതിപ്പ്‌ ഒസ്‌തിയിലാണ്‌ നയന്‍സ്‌ എത്തുന്നത്‌.
തെലുങ്ക്‌ ചിത്രമായ ശ്രീരാമ രാജ്യത്തില്‍ സീതയുടെ വേഷം അഭിനയിച്ച്‌ പൂര്‍ത്തിയാക്കിയതോടെ നയന്‍സ്‌ സിനിമാ രംഗം അവസാനിപ്പിച്ചുവെന്നായിരുന്നു വാര്‍ത്തകള്‍. ആ സിനിമയിലെ അവസാന ഷോട്ടും പൂര്‍ത്തിയാക്കിയപ്പോള്‍ നയന്‍സ്‌ പൊട്ടിക്കരയുകയും ചെയ്‌തിരുന്നു. ഇതിനിടെ പ്രഭുദേവയുമായുള്ള വിവാഹത്തിന്‌ മുന്നോടിയായി ഹിന്ദുമതത്തിലേക്ക്‌ നയന്‍സ്‌ മതം മാറുകയും ചെയ്‌തു.
എന്നാല്‍ ആരാധകര്‍ക്ക്‌ പ്രതീക്ഷ നല്‍കിക്കൊണ്ട്‌ നയന്‍സ്‌ വീണ്ടും എത്തുന്നു. ഒസ്‌തിയില്‍ ഐറ്റം ഡാന്‍സ്‌ രംഗത്തായിരിക്കും നയന്‍സ്‌ പ്രത്യക്ഷപ്പെടുക. നേരത്തേ ഈ ഡാന്‍സ്‌ അവതരിപ്പിക്കാന്‍ ശ്രീയാ ശരണിനെയായിരുന്നു അണിയറ പ്രവര്‍ത്തകര്‍ കണ്ടുവച്ചത്‌. എന്നാല്‍ നയന്‍സ്‌ ഈ ആവശ്യവുമായി അങ്ങോട്ട്‌ സമീപിക്കുകയായിരുന്നുവത്രേ.
RELATED STORIES

നയന്‍സ്‌ മതംമാറി; ഇനി നയന്‍താര

2011-08-08T20:22:00.000+05:30

ചെന്നൈ: പ്രഭുദേവയുമായി വിവാഹത്തിനൊരുങ്ങുന്ന നയന്‍താര മതം മാറി. ചെന്നൈ ആര്യസമാജത്തിലെത്തി ഹിന്ദുമതത്തിലേക്ക്‌ മാറിയ നയന്‍സ്‌ `നയന്‍താര' എന്നത്‌ തന്റെ ഔദ്യോഗിക നാമമായി തിരഞ്ഞെടുക്കുകയും ചെയ്‌തു. വിവാഹത്തിന്‌ മുമ്പ്‌ പ്രഭുദേവ മതം മാറുമെന്നായിരുന്നു വാര്‍ത്തകള്‍ പ്രചരിച്ചിരുന്നത്‌. ഓണത്തിന്‌ മുമ്പ്‌ നയന്‍താര-പ്രഭുദേവ വിവാഹം നടക്കുമെന്നാണ്‌ സൂചന.
ഞായറാഴ്‌ചയാണ്‌ ചെന്നൈ ആര്യസമാജത്തിന്റെ ക്ഷേത്രത്തില്‍ നയന്‍താര എത്തിയത്‌. ഡയാന മറിയം കുര്യന്‍ എന്നതായിരുന്നു നയന്‍സിന്റെ യഥാര്‍ത്ഥ പേര്‍. ഈ പേര്‍ ഉപേക്ഷിച്ച്‌ നയന്‍താര എന്നത്‌ ഔദ്യോഗിക പേരാക്കുകയും ചെയ്‌തു. ശുദ്ധികര്‍മങ്ങള്‍ക്ക്‌ ശേഷം ഹോമം നടത്തുകയും ഗായത്രി മന്ത്രങ്ങള്‍ ചൊല്ലുകയും ചെയ്‌തു. തുടര്‍ന്ന്‌ ഹിന്ദുമതത്തിലേക്ക്‌ മതം മാറിയതിന്റെ സര്‍ട്ടിഫിക്കറ്റ്‌ ക്ഷേത്രം ഭാരവാഹികള്‍ നയന്‍താരയ്‌ക്ക്‌ നല്‍കി.
RELATED STORIES

ഐ പി എല്ലിനെ കടത്തിവെട്ടാന്‍ താരങ്ങളുടെ സി സി എല്‍

2011-08-07T10:21:00.001+05:30

മുംബൈ: സിനിമാതാരങ്ങളുടെ സ്വന്തം ക്രിക്കറ്റ്‌ ലീഗായ സെലിബ്രിറ്റി ക്രിക്കറ്റ്‌ ലീഗ്‌ (സി സി എല്‍) വന്‍ കുതിച്ചുചാട്ടത്തിനൊരുങ്ങുന്നു. ഇന്ത്യയ്‌ക്കകത്തും പുറത്തുമായി വന്‍ താരങ്ങളെ അണിനിരത്തി മത്സരം സംഘടിപ്പിക്കാനാണ്‌ നീക്കം. സി സി എല്ലിന്റെ രണ്ടാം സീസണ്‍ മത്സരങ്ങള്‍ അടുത്ത ഫെബ്രുവരിയിലാണ്‌ നടക്കുന്നത്‌. ഐ പി എല്ലിനെക്കാള്‍ ആര്‍ഭാടത്തോടെയാകും രണ്ടാം സീസണ്‍ മത്സരങ്ങള്‍.
ആകെ 12 മത്സരങ്ങളുള്ളതില്‍ അഞ്ച്‌ മത്സരങ്ങള്‍ യു എ ഇയിലായിരിക്കും സംഘടിപ്പിക്കുക. ബാക്കി മത്സരങ്ങള്‍ കൊച്ചി ഉള്‍പ്പെടെയുള്ള ഇന്ത്യന്‍ നഗരങ്ങളില്‍ അരങ്ങേറും. കൊല്‍ക്കത്ത, ഹൈദ്രാബാദ്‌, ചെന്നൈ, ബാംഗ്ലൂര്‍ എന്നിവിടങ്ങളാണ്‌ മറ്റ്‌ വേദികള്‍.
ഇത്തവണ രണ്ട്‌ പുതിയ ടീമുകള്‍കൂടി മത്സരത്തിനുണ്ട്‌. അതില്‍ ഒന്ന്‌ പ്രിയദര്‍ശന്റെ നേതൃത്വത്തിലുള്ള അമ്മ ടീമാണ്‌. കേരള സൂപ്പര്‍ സ്‌റ്റാര്‍സ്‌ എന്ന ഈ ടീമിന്റെ ബ്രാന്‍ഡ്‌ അംബാസഡര്‍ മോഹന്‍ലാല്‍ ആയിരിക്കും.
ബംഗാളില്‍നിന്നുള്ളതാണ്‌ രണ്ടാമത്തെ ടീം. ബോളിവുഡിലെ മുന്‍ താരസുന്ദരി ശ്രീദേവിയുടെ നേതൃത്വത്തിലുള്ള ബംഗാള്‍ ടെഗേഴ്‌സിനെ പരിശിലിപ്പിക്കാന്‍ മുന്‍ ഇന്ത്യന്‍ നായകന്‍ ഗാംഗുലി സമ്മതം മൂളിയതായും വാര്‍ത്തയുണ്ട്‌.
RELATED STORIES

അമലാ പോള്‍ മലയാളത്തിലേക്ക്‌

2011-08-06T10:28:00.000+05:30

ചെന്നൈ: ദൈവത്തിരുമകളിലൂടെ തമിഴകത്തിന്റെ മനംകവര്‍ന്ന അമലാപോള്‍ മലയാളത്തിലേക്ക്‌. ഇന്ദ്രജിത്‌ നായകനാവുന്ന ആകാശത്തിന്റെ നിറം എന്ന ചിത്രത്തിലൂടെയാണ്‌ മലയാളിയായ അമലാപോള്‍ മലയാള സിനിമയില്‍ തുടക്കം കുറിക്കുന്നത്‌. തത്‌കാലം മലയാളത്തയിലേക്കില്ലെന്നാണ്‌ നേരത്തേ അമല പറഞ്ഞിരുന്നത്‌.
മുമ്പ്‌ രഞ്‌ജിത്തിന്റെ ഇന്ത്യന്‍ റുപ്പിയില്‍ നായികയാവാന്‍ അമലയെ ക്ഷണിച്ചിരുന്നു. എന്നാല്‍ അമല നോ പറയുകയായിരുന്നു. തമിഴില്‍ ശ്രദ്ധകേന്ദ്രീകരിക്കാനാണ്‌ താത്‌പര്യമെന്നും വ്യക്തമാക്കിയിരുന്നു. ഇതിനുശേഷമാണ്‌ ആകാശത്തിന്റെ നിറത്തില്‍ അഭിനയിക്കാന്‍ അമല തയ്യാറായത്‌. സ്‌ക്രിപ്‌റ്റ്‌ ആണ്‌ ഇതിന്‌ കാരണമെന്ന്‌ അമല പറയുന്നു.
ആന്‍ഡമാന്‍ ദ്വീപില്‍ അകപ്പെട്ടുപോയ മനുഷ്യരുടെ കഥയാണ്‌ ആകാശത്തിന്റെ നിറം പറയുന്നത്‌. ഡോ. ബിജു സംവിധാനം ചെയ്യുന്ന ഈ ചിത്രത്തിന്റെ ഷൂട്ടിംഗ്‌ ഒക്‌ടോബറില്‍ ആന്‍ഡമാനില്‍ നടക്കും.
RELATED STORIES

ചൊവ്വയില്‍ വരണ്ട നീര്‍ച്ചാലുകള്‍; നാസ ചിത്രങ്ങള്‍ പുറത്തുവിട്ടു

2011-08-05T09:23:00.000+05:30

വാഷിംഗ്‌ടണ്‍: ചൊവ്വാഗ്രഹത്തില്‍ ജലമൊഴുകിയിരുന്നുവെന്നതിന്‌ ആദ്യ തെളിവുകള്‍ ലഭിച്ചു. ഇത്‌ സംബന്ധിച്ച ചിത്രങ്ങള്‍ നാസ പുറത്തുവിട്ടു. ചൊവ്വയിലെ മലനിരകളില്‍ നിന്നാരംഭിക്കുന്ന നീര്‍ച്ചാലുകളുടെ അടയാളങ്ങളാണ്‌ ഏറ്റവുമൊടുവില്‍ നാസ പുറത്തുവിട്ടത്‌. നാസയുടെ എം ആര്‍ ഒ എന്ന വിവിധോദ്ദേശക ബഹിരാകാശവാഹനമാണ്‌ ഈ അപൂര്‍വചിത്രങ്ങള്‍ പകര്‍ത്തിയത്‌.

ജീവന്‍ നിലനിര്‍ത്താന്‍ ഏറ്റവുമാവശ്യമായ ജലം ചൊവ്വയില്‍ ഒരു കാലത്ത്‌ സുലഭമായി ഒഴുകിയിരുന്നുവെന്ന്‌ തെളിയിക്കുന്നതാണ്‌ വരണ്ട നീര്‍ച്ചാലുകളുടെ ഈ ചിത്രങ്ങള്‍. യു എസ്‌-സ്വിസ്‌ സംയുക്ത നിരീക്ഷണത്തിലാണ്‌ ചൊവ്വയിലെ വരണ്ട നീര്‍ച്ചാലുകള്‍ കണ്ടെത്തിയത്‌.

മലകളുടെ മുകള്‍ഭാഗത്തു നിന്നാരംഭിക്കുന്ന നീര്‍ച്ചാലുകള്‍ മീറ്ററുകളോളം താഴേയ്‌ക്കു ഒഴുകയെത്തുന്ന ചിത്രങ്ങളാണ്‌ സയന്‍സ്‌ ജേര്‍ണലില്‍ പ്രസിദ്ധീകരിച്ചത്‌. മലനിരകളിലെ തടസങ്ങളില്‍ തട്ടി ഇഴപിരിഞ്ഞൊഴുകുന്ന അടയാളങ്ങളും ചിത്രത്തില്‍ കാണാന്‍ കഴിയും. കാലക്രമത്തില്‍ സൂര്യപ്രകാശത്തില്‍ ജലം ബാഷ്‌പീകരിക്കപ്പെട്ടതാവാമെന്നാണ്‌ നിഗമനം.

എന്നാല്‍ സൂര്യതാപത്തില്‍ ചൊവ്വയിലെ മണ്ണുരുകി ഒലിച്ചതാണ്‌ നീര്‍ച്ചാലുകള്‍ പോലുള്ള അടയാളങ്ങളെന്ന മറുവാദവും ഉയര്‍ന്നിട്ടുണ്‌ട്‌. നേരത്തെ ചൊവ്വയുടെ ഉത്തരധ്രുവത്തില്‍ മഞ്ഞിന്‌ സമാനമായ വെളുത്ത വസ്‌തു കണ്ടെടെത്തിയതായി നാസ സ്ഥിരീകരിച്ചിരുന്നു.

ഒരു തിരക്കഥ തരുമോ; സംവിധാനം ചെയ്യാന്‍: പൃഥി

2011-08-04T09:44:00.000+05:30

കോട്ടയം: അടുത്തവര്‍ഷം ഒരു സിനിമ സംവിധാനം ചെയ്യണമന്നാണ്‌ തന്റെ ആഗ്രഹമെന്ന്‌ മലയാളത്തിലെ സൂപ്പര്‍താരം പൃഥ്വിരാജ്‌. ഇതിനായി ഒരു തിരക്കഥ എഴുതി തരുമോയെന്ന്‌ സംവിധായകനും തിരക്കഥാ കൃത്തുമായ രഞ്‌ജിത്തിനോട്‌ ചോദിക്കാന്‍ ഇരിക്കുകയാണെന്നും ഒരു സിനിമാ വാരികയ്‌ക്ക്‌ നല്‍കിയ അഭിമുഖത്തില്‍ പൃഥ്വി പറയുന്നു.
ഞാന്‍ സിനിമ സംവിധാനം ചെയ്യണമെന്ന്‌ പറഞ്ഞ്‌ എന്നെ പ്രേരിപ്പിക്കുന്നത്‌ മമ്മൂക്കയാണ്‌. രഞ്‌ജിയേട്ടനും ഇതേകാര്യം പറയാറുണ്ട്‌. ഇനി ഒരു തിരക്കഥ രഞ്‌ജിയേട്ടനോട്‌ ചോദിക്കണം - പൃഥി പറഞ്ഞു. രഞ്‌ജിത്തിന്റെ നന്ദനത്തിലൂടെയാണ്‌ പൃഥി ചലച്ചിത്രലോകത്തേക്ക്‌ കടന്നുവന്നത്‌.
ഇപ്പോള്‍ വലിയ വലിയ ചിത്രങ്ങളിലും ബാനറുകളിലുമൊക്കെ ഓഫര്‍ ലഭിക്കുന്നുണ്ട്‌. എന്നെ വിശ്വസിച്ച്‌ ഒരു കഥാപാത്രത്തെ എല്‍്‌പ്പിക്കാമെന്ന്‌ അവര്‍ക്ക്‌ തോന്നിത്തുടങ്ങിയിരിക്കുന്നു. എനിക്ക്‌ പക്വത വരുന്നുവെന്നതിന്‌ തെളിവായാണ്‌ ഞാനിതിനെ കാണുന്നത്‌. തന്നിലെ നടന്‍ അടുത്ത ഘട്ടത്തിലേക്ക്‌ കാല്‍വച്ചുതുടങ്ങിയതിന്റെ സൂചനകളാവാം ഇതെന്നും പൃഥ്വി വിലയിരുത്തുന്നു.
RELATED STORIES

വിദ്യയുടെ വിവാഹം!!! വിവരക്കേട്‌ പറയരുത്‌

2011-08-03T11:28:00.000+05:30

ബാംഗ്ലൂര്‍: വിദ്യാ ബാലന്‍ വിവാഹിതയായെന്ന വാര്‍ത്ത വ്യാജമെന്ന്‌ തെളിഞ്ഞു. ഇന്നലെ സോഷ്യല്‍ നെറ്റ്‌ വര്‍ക്കുകളിലും ചില ടെലിവിഷന്‍ ചാനലുകളിലും ആഘോഷിച്ച വര്‍ത്തയ്‌ക്ക്‌ യാതൊരു അടിസ്ഥാനവുമുണ്ടായിരുന്നില്ലെന്നും തെളിഞ്ഞു. വിവാഹ വാര്‍ത്ത നിഷേധിച്ച്‌ യു ടി വി തലവന്‍ സിദ്ധാര്‍ത്ഥ്‌ റോയ്‌ കപൂറും വിദ്യയുടെ മാനേജരും രംഗത്തെത്തിയതോടെയാണ്‌ വര്‍ത്ത വ്യാജമെന്ന്‌ െതളിഞ്ഞത്‌.
വിദ്യാബാലന്‍ വിവാഹം കഴിച്ചുവെന്നത്‌ ശുദ്ധ അസംബന്ധവും വിവരക്കേടുമാണെന്ന്‌ വിദ്യയുടെ മാനേജര്‍ അറിയിച്ചു. വാര്‍ത്ത കളവാണെന്നായിരുന്നു സിദ്ധാര്‍ത്ഥ്‌ പ്രതികരിച്ചത്‌. ഇത്‌ എങ്ങനെ നടക്കുമെന്നാണ്‌ പറയുന്നത്‌. ഡെര്‍ട്ടി ചിക്‌ചേഴ്‌സിന്റെ ചിത്രീകരണവുമായി ബന്ധപ്പെട്ട്‌ വിദ്യയിപ്പോള്‍ മുംബൈയിലാണ്‌. വ്യാജവാര്‍ത്തക്കാര്‍ അതെങ്കിലും ഓര്‍ക്കണ്ടേയെന്നും സിദ്ധാര്‍ത്ഥ്‌ ചോദിക്കുന്നു.
RELATED STORIES

വിദ്യാ ബാലന്റെ വിവാഹം കഴിഞ്ഞു!

2011-08-02T16:38:00.001+05:30

ബാംഗ്ലൂര്‍: ബോളിവുഡിലെ താരസുന്ദരി വിദ്യാ ബാലന്റെ വിവാഹം കഴിഞ്ഞതായി വാര്‍ത്തകള്‍. യു ടി വിയിലെ പ്രമുഖന്‍ സിദ്ധാര്‍ത്ഥ്‌ റേ കപൂറാണ്‌ വിദ്യാബാലന്റെ കഴുത്തില്‍ മിന്നു ചാര്‍ത്തിയതെന്നാണ്‌ സോഷ്യല്‍ നെറ്റ്‌ വര്‍ക്കുകളിലൂടെ പ്രചരിക്കുന്ന വാര്‍ത്ത. കഴിഞ്ഞയാഴ്‌ചയായിരുന്നു ഇവരുടെ വിവാഹമെന്നും ദമ്പതികള്‍ ഇപ്പോള്‍ ഹണിമൂണ്‍ ആഘോഷിക്കുകയാണെന്നും പ്രചരിപ്പിക്കപ്പെടുന്നുണ്ട്‌.
അതേസമയം ഈ വാര്‍ത്ത ഇതുവരെയും ഇരുവരും നിഷേധിച്ചിട്ടില്ല. എന്നാല്‍ അംഗീകരിച്ചിട്ടുമില്ല. മുമ്പും ഇത്തരം വാര്‍ത്തകള്‍ വിദ്യാബാലനെ ചുറ്റിപ്പറ്റി പ്രചരിച്ചിട്ടുണ്ട്‌. അന്നൊക്കെ ആ വാര്‍ത്തകള്‍ വിദ്യ തന്നെ നിഷേധിച്ചിട്ടുമുണ്ട്‌. ഇത്തവണത്തെ വാര്‍ത്തയിലെ സത്യമറിയാന്‍ വിദ്യയുടെ കമന്റിനായി കാത്തിരിക്കുകയാണ്‌ ആരാധകരിപ്പോള്‍.
RELATED STORIES

മന്ദാകിനിയുടെ ഹോട്ട്‌ സീനിനില്ലെന്ന്‌ കരീന

2011-08-02T09:34:00.000+05:30

മുംബൈ: മന്ദാകിനിയുടെ ഹോട്ട്‌ സീന്‍ കരീന അവതരിപ്പിക്കുന്നുവെന്ന വാര്‍ത്ത പുറത്തുവന്നതോടെ താരം യൂട്ടേണ്‍ തിരിഞ്ഞു. മന്ദാകിനിയുടെ അത്രയും ബോള്‍ഡാകാന്‍ ഇല്ലെന്നാണ്‌ കരീന ഇപ്പോള്‍ സംവിധാകനെ അറിയിച്ചത്‌. അധോലോക രാജാവ്‌ ദാവൂദ്‌ ഇബ്രാഹിമിന്റെ കഥ പറയുന്ന വണ്‍സ്‌ അപ്പോണ്‍ എ ടൈം രണ്ടാം ഭാഗത്തിലാണ്‌ മന്ദാകിനിയുടെ ഹോട്ട്‌ സീന്‍ പുനരവതരിപ്പിക്കാന്‍ കരീന നേരത്തേ സമ്മതം മുളിയത്‌.
കരീനയുടെ മുത്തച്ഛന്‍ രാജ്‌കപൂര്‍ സംവിധാനംചെയ്‌ത രാം തേരി ഗംഗാ മൈലി എന്ന ചിത്രത്തിലെ ഹോട്ട്‌ സീനാണ്‌ വണ്‍സ്‌ അപ്പോണ്‍ എ ടൈമിനായി പുനസൃഷ്ടിക്കാന്‍ അണിയറ പ്രവര്‍ത്തകര്‍ ശ്രമിച്ചത്‌. ഒരു വെള്ളച്ചാട്ടത്തില്‍ വെളുത്തസാരി മാത്രം ധരിച്ചിരിക്കുന്ന മന്ദാകിനിയുടെ രംഗമാണ്‌ കരീന പുനരവതരിപ്പിക്കാന്‍ ആലോചിച്ചത്‌. മന്ദാകിനിയെ സിനിമാ ആരാധകര്‍ ഇപ്പോഴും ഓര്‍ക്കുന്നത്‌ ഈ രംഗത്തിലൂടെയാണ്‌. മന്ദാകിനിയുടെ അത്രയും ബോള്‍ഡാവാന്‍ തനിക്ക്‌ കഴിയില്ലെന്നാണ്‌ കരീന പറയുന്നത്‌. അതുകൊണ്ടുതന്നെ ഈ രംഗം പുനസൃഷ്ടിക്കുമ്പോള്‍ പല വിട്ടുവീഴ്‌ചകളും വേണ്ടിവരുമെന്ന്‌ അണിയറ പ്രവര്‍ത്തകര്‍ പറയുന്നു.
RELATED STORIES

കാര്‍ വില്‍പ്പന വീണ്ടും താഴേക്ക്‌

2011-08-01T18:13:00.002+05:30

ന്യൂഡല്‍ഹി: പോയ ജൂലൈ മാസത്തിലും ആഭ്യന്തര കാര്‍ വിപണയില്‍ തളര്‍ച്ച. തുടര്‍ച്ചയായ രണ്ടാം മാസമാണ്‌ കാര്‍ വിപണിയില്‍ തളര്‍ച്ച പ്രകടമാവുന്നത്‌. ഇന്ധന വില കൂടിയതും ബാങ്ക്‌ പലിശ നിരക്ക്‌ വര്‍ധിച്ചതുമാണ്‌ കാര്‍ വിപണിയിലെ വളര്‍ച്ചയെ പിന്നാക്കം വലിച്ചത്‌.
മാരുതി, ഹുണ്ടായ്‌, ടാറ്റാ മോട്ടേഴ്‌സ്‌ എന്നിവയ്‌ക്കെല്ലാം ജൂലൈയില്‍ തിരിച്ചടിയുണ്ടായി. ഇന്ത്യന്‍ കാര്‍ വിപണയിലെ സിംഹഭാഗവും കയ്യടക്കിവച്ചിരിക്കുന്ന മാരുതിയുടെ വില്‍പ്പനയില്‍ വന്‍ ഇടിവാണ്‌ രേഖപ്പെടുത്തിയത്‌. 25.34 ശതമാനം ഇടിവാണ്‌ കമ്പനിക്ക്‌ കഴിഞ്ഞമാസമുണ്ടായത്‌. 2010 ജൂലൈയില്‍ 1,00,857 കാറുകള്‍ വിറ്റുപോയ സ്ഥാനത്ത്‌ 2011 ജൂലൈയില്‍ വിറ്റഴിച്ചത്‌ 75,300 കാറുകള്‍ മാത്രമാണ്‌.
ഇന്ത്യന്‍ വിപണിയില്‍ സജീവ സാന്നിധ്യമായ ഹുണ്ടായിക്കും ഈ തിരിച്ചടിയെ മറികടക്കാനായിട്ടില്ല. രാജ്യത്തെ രണ്ടാമത്തെ വലിയ കാര്‍നിര്‍മാതാക്കളായ ഹുണ്ടായ്‌ക്ക്‌ 1.48 ശതമാനം ഇടിവാണ്‌ നേരിട്ടത്‌. 2010 ജൂലൈയില്‍ 50,411 കാറുകള്‍ വിറ്റുപോയെങ്കില്‍ കഴിഞ്ഞമാസം അത്‌ 49,667 കാറായി കുറഞ്ഞു. കയറ്റുമതിയില്‍ 11.23 ശതമാനം വര്‍ധനയുണ്ടായതാണ്‌ ഹുണ്ടായുടെ ആഘാതം കുറച്ചത്‌.
സാധാരണക്കാരന്റെ നാലുചക്രവാഹന സ്വപ്‌നത്തിന്‌ നിറം പകര്‍ന്ന ടാറ്റാ മോട്ടേഴ്‌സിന്‌ പക്ഷേ വന്‍ തിരിച്ചടിയാണ്‌. കുറഞ്ഞചെലവില്‍ സ്വന്തമാക്കാന്‍ കഴിയുന്ന നാനോയുടെ വില്‍പ്പനയില്‍ 64 ശതമാനത്തിന്റെ കുറവാണ്‌ കഴിഞ്ഞമാസം രേഖപ്പെടുത്തിയത്‌. ഇന്‍ഡിക്കയുടെ വില്‍പനയില്‍ 32 ശതമാനം ഇന്‍ഡിഗോയില്‍ 30 ശതമാനവും ഇടിവുണ്ടായി. വാണിജ്യവാഹനങ്ങളുടെ വില്‍പനയില്‍ വളര്‍ച്ചയുണ്ടായതിനാല്‍ മൊത്തം ഇടിവ്‌ 5.96 ശതമാനമാക്കി കുറയ്‌ക്കാന്‍ കമ്പനിക്ക്‌ കഴിഞ്ഞു.
ഇതിനിടെ ജനറല്‍ േമാട്ടേഴ്‌സും മഹീന്ദ്ര ആന്‍ഡ്‌ മഹീന്ദ്രയും വളര്‍ച്ച നേടിയിട്ടുണ്ട്‌. ജനറല്‍ മോട്ടേളസ്‌ 33.46 ശതമാനം വളര്‍ച്ച നേടിയപ്പോള്‍ മഹീന്ദ്ര 41.30 ശതമാനത്തിന്റെ നേട്ടമാണ്‌ ഉണ്ടാക്കിയത്‌.
RELATED STORIES

മന്ദാകിനിയാകാന്‍ കരീന

2011-08-01T09:39:00.000+05:30

മുംബൈ: മന്ദാകിനിയാകാന്‍ കരീനകപൂര്‍ തയ്യാറെടക്കുന്നു. മന്ദാകിനിയുടെ ജീവിതമല്ല, ഒരു സിനിമയില്‍ മന്ദാകിനി അഭിനയിച്ച ഒരു സീന്‍ മാത്രമാണ്‌ കരീന ഇത്തവണ അതേപടി പകര്‍ത്തുന്നത്‌.
1980 കളുടെ പകുതി മുതല്‍ യുവാക്കളുടെ മനസില്‍ ഹരമായിരുന്ന ഒരു രംഗമാണ്‌ പുനരവതരിപ്പിക്കാന്‍ കരീന ശ്രമിക്കുന്നത്‌. രാജ്‌കപൂറിന്റെ ചിത്രമായ രാം തേരി ഗംഗാ മെയ്‌ലി എന്ന ചിത്രത്തില്‍ വെളുത്ത സാരിമാത്രമുടുത്ത്‌ വെള്ളച്ചാട്ടത്തിന്‌ കീഴിലിരുന്ന്‌ മന്ദാകിനി കുളിക്കുന്ന രംഗമുണ്ട്‌. അതേ രംഗമാണ്‌ രാജ്‌കപൂറിന്റെ ചെറുമകളായ കരീന പുനരവതരിപ്പിക്കുന്നത്‌.
കരീനയുടെ ആവശ്യപ്രകാരമാണ്‌ ഈ രംഗം പുനരവതരിപ്പിക്കുന്നതെന്ന്‌ സംവിധായിക എക്താ കപൂര്‍ പറയുന്നു. അധോലോക നായകന്‍ ദാവൂദ്‌ ഇബ്രാഹിമിന്റെ കഥ പറയുന്ന വണ്‍സ്‌ അപ്പോണ്‍ എ ടൈം ഇന്‍ മുംബൈയിലാണ്‌ ഈ രംഗം ഉള്‍പ്പെടുത്തുന്നത്‌.
അതേസമയം ഈ രംഗം ചിത്രത്തില്‍ ഉള്‍പ്പെടുത്തിയാലും സെന്‍സര്‍ബോര്‍ഡിന്റെ കത്തി വീഴാനുള്ള സാധ്യത ഏറെയാണ്‌.
RELATED STORIES

പ്രഭുദേവ-നയന്‍താര വിവാഹം മുംബൈയില്‍!

2011-08-01T09:21:00.000+05:30

മുംബൈ: തെന്നിന്ത്യന്‍ താരസുന്ദരി നയന്‍താരയും പ്രഭുവേദയുമായുള്ള വിവാഹം മുംബൈയില്‍ നടക്കുമെന്ന്‌ സൂചന. ബോളിവുഡില്‍ തിരക്കേറുന്ന പ്രഭദേവയും നയന്‍താരയും അവിടെതന്നെ സ്ഥിരതാമസമാക്കുമെന്നും സൂചനയുണ്ട്‌. ഇവരുടെ വിവാഹദിനം ഇനിയും ഔദ്യോഗികമായി പുറത്തുവിട്ടിട്ടില്ല.
തമിഴ്‌നാട്ടിലെ ഏതെങ്കിലും പട്ടണത്തിലാവും ഇവരുടെ വിവാഹമെന്നായിരുന്നു ആദ്യം പുറത്തുവന്ന വാര്‍ത്തകള്‍. എന്നാല്‍ വിവാഹം മുംബൈയിലേക്ക്‌ മാറ്റാനാണ്‌ തീരുമാനമെന്ന്‌ ഇവരുടെ സുഹൃത്തുക്കള്‍ പറയുന്നു. ഇവരെ വിടാതെ പിന്തുടരുന്ന പാപ്പരാസികളില്‍നിന്നും രക്ഷപ്പെടാനാണ്‌ ഈ നീക്കമത്രേ. വിവാഹദിനവും സ്ഥലവും രഹസ്യമാക്കി വയ്‌ക്കുന്നതും അതുകൊണ്ടാണെന്നും സുഹൃത്തുക്കള്‍ ചൂണ്ടിക്കാട്ടുന്നു.
റംലത്തില്‍നിന്നും പ്രഭുദേവ വിവാഹമോചനം നേടിയപ്പോള്‍തന്നെ നയന്‍താരയുമായുള്ള വിവാഹം ഉടനുണ്ടാവുമെന്ന്‌ സൂചിപ്പിച്ചിരുന്നു. ബോളിവുഡില്‍ റൗഡി റാത്തോറിന്റെ ചിത്രീകരണം പൂര്‍ത്തിയായ ശേഷമാവും വിവാഹമെന്നും സൂചനയുണ്ടായിരുന്നു. ഇപ്പോള്‍ ഈ ചിത്രത്തിന്റെ ജോലിയൊക്കെകഴിഞ്ഞു. പ്രഭുദേവ മുംബൈയിലുമുണ്ട്‌. ഇതാണ്‌ വിവാഹം മുംബെയില്‍ നടക്കുമെന്ന്‌ അഭ്യൂഹങ്ങള്‍ക്ക്‌ ആധാരം.
അതേസമയം പാപ്പരാസികള്‍ ഇനി മുംബൈയിലായിരിക്കും ശ്രദ്ധിക്കുകയെന്നതിനാല്‍ തമിഴ്‌നാട്ടിലോ കേരളത്തിലോ ആകും ഇവരുടെ വിവാഹം നടക്കുകയെന്നും അഭ്യൂഹമുണ്ട്‌.
RELATED STORIES

അവരെന്നെ കണ്ടത്‌ രാജ്ഞിയെപ്പോലെ: സെലിന

2011-07-31T14:21:00.000+05:30

ബാംഗ്ലൂര്‍: കന്നഡ സിനിമാ ലോകം തന്നെ കണ്ടത്‌ രാജ്ഞിയെപോലെയെന്ന്‌ ബോളിവുഡ്‌ താരസുന്ദരി സെലിന ജെയ്‌റ്റ്‌ലി. കന്നഡയില്‍ അഭിനയിക്കാന്‍ തനിക്ക്‌ ആഗ്രഹമുണ്ടായിരുന്നു. ഉപേന്ദ്രയുടെ നായികയാവണമെന്നും ആഗ്രഹിച്ചിരുന്നു. ആ സമയത്താണ്‌ ഉപേന്ദ്രയുടെ നായികയാവാനുള്ള ഓഫര്‍ കന്നഡയില്‍നിന്നും ലഭിച്ചത്‌. അനുകൂല മറുപടി നല്‍കാന്‍ താന്‍ ഒട്ടും താമസിച്ചില്ലെന്നും സെലിന പറഞ്ഞു.
തന്റെ ആദ്യ കന്നഡ ചിത്രമായ ശ്രീമതിയില്‍ അഭിനയിച്ചതിനെക്കുറിച്ച്‌ ആഹ്‌ളാദത്തോടെ മാത്രമേ ഓര്‍ക്കാന്‍ കഴിയൂ. ഒരു രാജ്ഞിയോടെന്ന പോലെയാണ്‌ അവര്‍ എന്നോട്‌ പെരുമാറിയത്‌. കന്നഡയില്‍ കൂടുതല്‍ ചിത്രങ്ങളില്‍ അഭിനയിക്കാന്‍ താന്‍ തയ്യാറെടുത്തുകഴിഞ്ഞുവെന്നും സെലിന പറഞ്ഞു. പക്ഷേ വ്യവസ്ഥയുണ്ട്‌ - സ്‌ക്രിപ്‌റ്റ്‌ ഇഷ്ടപ്പെടണം.
RELATED STORIES

ഡെര്‍ട്ടി പിക്‌ചേഴ്‌സ്‌ സില്‍ക്ക്‌ സ്‌മിതയുടെ പിറന്നാളിന്‌

2011-07-31T08:17:00.000+05:30

മുംബൈ: സൗത്ത്‌ ഇന്ത്യന്‍ രോമാഞ്ചമായിരുന്ന സില്‍ക്ക്‌ സ്‌മിതയുടെ കഥ പറയുന്ന ഡെര്‍ട്ടി പിക്‌ചേഴ്‌സ്‌ പ്രദര്‍ശനത്തിന്‌ തയ്യാറാവുന്നു. സില്‍ക്ക്‌ സ്‌മിതയുടെ ജന്‍മദിനത്തില്‍ ചിത്രം തിയേറ്ററുകളില്‍ എത്തിക്കാനാണ്‌ അണിയറ പ്രവര്‍ത്തകരുടെ തീരുമാനം. ഡിസംബര്‍ രണ്ട്‌ വെള്ളിയാഴ്‌ചയാണ്‌ സ്‌മിതയുടെ ജന്‍മദിനം.
അപശകുന നമ്പരായ 13 ഉം വെള്ളിയാഴ്‌ചയും ഒത്തുവരുന്ന ഒരു ദിവസമാണ്‌ ചിത്രം പ്രദര്‍ശനത്തിന്‌ എത്തിക്കാന്‍ ആദ്യം ആലോചിച്ചത്‌. എന്നാല്‍ ഇതിന്‌ കാലതാമസം ഏറെയുണ്ടാകുമെന്ന്‌ കണ്ടതിനാലാണ്‌ സ്‌മിതയുടെ ജന്‍മദിനംതന്നെ റിലീസിംഗ്‌ ദിനമായി തിരഞ്ഞെടുക്കാന്‍ കാരണം.
സ്‌മിത ഒരുകാലത്ത്‌ ദക്ഷിണേന്ത്യന്‍ യുവാക്കളുടെ ഹരമായിരുന്നു.സംവിധായകര്‍ക്കാകട്ടെ ഭാഗ്യനക്ഷത്രവും. ചിത്രത്തില്‍ എവിടെയങ്കിലും സ്‌മിതയുടെ ഒരു ഡാന്‍സ്‌ ഉള്‍പ്പെടുത്താന്‍ പല സംവിധായകരും ശ്രദ്ധിച്ചിരുന്നു. കുറഞ്ഞപക്ഷം ടൈറ്റില്‍ സോംഗിലെങ്കിലും സ്‌മിതയുടെ ഡാന്‍സ്‌ ഉള്‍പ്പെടുത്തുമായിരുന്നു.
അങ്ങനെയുള്ള സ്‌മിതയ്‌ക്ക്‌ നല്‍കുന്ന ആദരമായിരിക്കും റിലീസിംഗ്‌ തീയതി ഡിസംബര്‍ രണ്ടിനാക്കുന്നതെന്ന്‌ അണിയറ പ്രവര്‍ത്തകര്‍ അവകാശപ്പെടുന്നു. ഏക്‌താകപൂര്‍ അണിയിച്ചൊരുക്കുന്ന ഈ ചിത്രത്തില്‍ സ്‌മിതയായി രംഗത്തെത്തുന്നത്‌ വിദ്യാ ബാലനാണ്‌.
RELATED STORIES

എന്നെ കെട്ടാന്‍ ആളില്ല: മല്ലിക ഷെരാവത്ത്‌

2011-07-30T13:14:00.000+05:30

മുംബൈ: തന്നെ വിവാഹം കഴിക്കാന്‍ തയ്യാറായി ആരും ഇതുവരെ മുന്നോട്ടുവന്നിട്ടില്ലെന്ന്‌ ഹോളിവുഡിലെ ബോളിവുഡ്‌ സാന്നിധ്യമായ മല്ലിക ഷെരാവത്ത്‌. കല്ല്യാണത്തെക്കുറിച്ച്‌ ചിന്തിക്കാന്‍ തുടങ്ങിയിട്ട്‌ കുറച്ചുകാലമായി. കല്ല്യാണം നടത്തേണ്ട സ്ഥലം, വിവാഹവേഷം, സദ്യയില്‍ ഉണ്ടാകേണ്ട വിഭവങ്ങള്‍ തുടങ്ങി എല്ലാ കാര്യങ്ങളും നിശ്ചയിച്ചിട്ടുമുണ്ട്‌. പക്ഷേ വരനെ മാത്രം ഇതുവരെ കണ്ടുകിട്ടിയില്ലെന്നും മല്ലിക പറഞ്ഞു.
ബോളിവുഡില്‍ തനിക്ക്‌ അവസരങ്ങള്‍ കുറവാണ്‌. അതേസമയം ബോളിവുഡിന്‌ പുറത്ത്‌, തെക്കേന്ത്യയിലും ഹോളിവുഡിലുമെക്കെ അവസരങ്ങള്‍ കുടുതല്‍ കിട്ടുന്നുമുണ്ട്‌. ജാക്കിചാന്‍ മുതല്‍ കമലഹാസന്‍ വരെയുള്ളവരുടെ നായികയായി ഇതിനകം അഭിനയിച്ചു. ഏറ്റവും പുതിയ ഹോളിവുഡ്‌ ചിത്രം `പൊളിറ്റിക്‌സ്‌ ഓഫ്‌ ലവ്‌' ഓഗസ്‌റ്റ്‌ 26 ന്‌ അമേരിക്കയില്‍ പ്രദര്‍ശനത്തിനെത്തുന്നുണ്ട്‌.
ഇന്ത്യന്‍ മാധ്യമങ്ങള്‍ തന്നോട്‌ നീതികാണിച്ചിട്ടില്ല. ഒരു അഭിനേതാെവന്ന നിലയില്‍ തന്റെ മരണം നിരവധിതവണ അവര്‍ റിപ്പോര്‍ട്ട്‌ ചെയ്‌തുകഴിഞ്ഞതാണ്‌. എന്നിട്ടും ഞാന്‍ സിനിമാ മേഖലയില്‍ സജീവമായിതന്നെ നിലനില്‍ക്കുന്നുണ്ട്‌. മല്ലികയെക്കാള്‍ ഹോട്ട്‌ ജാക്വലിനാണെന്ന മഹേഷ്‌ ഭട്ടിന്റ പരാമര്‍ശത്തോടുള്ള ചോദ്യത്തിന്‌ അത്‌ തീരുമാനിക്കേണ്ടത്‌ ഞാനല്ല, കാണികളാണെന്നായിരുന്നു മറുപടി.
RELATED STORIES

പുതുമുഖ നടന്‍ അജയ്‌ ആത്മഹത്യചെയ്‌തു

2011-07-29T18:11:00.000+05:30

ചെന്നൈ: പ്രണയ നൈരാശ്യത്തെ തുടര്‍ന്ന്‌ തമിഴിലെ പുതുമുഖ നടന്‍ അജയ്‌ ആത്മഹത്യ ചെയ്‌തു. ആദ്യസിനിമയായ `അമ്പുലി' പ്രദര്‍ശനത്തിനെത്താനിരിക്കെയാണ്‌ നായക നടന്‍ ആത്മഹത്യ ചെയ്‌തത്‌. ആദ്യ സിനിമയിലെ നായികയാണ്‌ നായകന്റെ പ്രണയാഭ്യര്‍ത്ഥന തള്ളിയത്‌.
സനം ആണ്‌ ചിത്രത്തിലെ നായിക. ഷൂട്ടിംഗ്‌ വേളയിലാണ്‌ അജയ്‌ക്ക്‌ സനത്തോട്‌ പ്രണയം തോന്നിയത്‌. ഇത്‌ ആദ്യം കുട്ടിക്കളിയായി കാണുകയായിരുന്നു സനം. പക്ഷേ അജയ്‌ സീരിയസ്‌ ആണെന്ന്‌ കണ്ടപ്പോള്‍ ആ അഭ്യര്‍ത്ഥന സനം നിരസിക്കുകയും ചെയ്‌തു. ഇതാണ്‌ അജയെ ആത്മഹത്യക്ക്‌ പ്രേരിപ്പിച്ചതെന്ന്‌ കരുതുന്നതായി പോലീസ്‌ പറയുന്നു.
പ്രദര്‍ശനത്തിന്‍ൊരുങ്ങുന്ന 3ഡി ചിത്രമാണ്‌ അമ്പുലി. ഹരീഷ്‌ നാരായണന്‍, ഹരിശങ്കര്‍ എന്നിവരാണ്‌ സംവിധായകര്‍.
RELATED STORIES

ലക്ഷ്‌മി റായിയോ??? അതാരായെന്ന്‌ സതീഷ്‌ കൗശിക്‌

2011-07-29T09:34:00.001+05:30

മുംബൈ: സൗത്ത്‌ ഇന്ത്യന്‍ ഗ്ലാമര്‍താരം ലക്ഷ്‌മി റായ്‌ പുതിയ വിവാദത്തില്‍. ബോളിവുഡിലേക്ക്‌ പ്രേവശനത്തിന്‌ തയ്യാറെടുക്കുന്ന ലക്ഷ്‌മി റായ്‌ നടത്തിയ വെളിപ്പെടുത്തലുകളാണ്‌ ഇപ്പോള്‍ താരത്തിനെതന്നെ തിരിഞ്ഞുകൊത്തുന്നത്‌. താരത്തിന്റെ വാദങ്ങള്‍ കള്ളമെന്ന്‌ പറഞ്ഞ്‌ സംവിധായകന്‍ രംഗത്തെത്തിയിരിക്കുകയാണ്‌ ഇപ്പോള്‍.
ബോളിവുഡില്‍ തന്റെ രംഗപ്രവേശം ഉടന്‍ ഉണ്ടാകുമെന്ന്‌ ലക്ഷ്‌മി റായ്‌ മാസങ്ങള്‍ക്ക്‌ മുമ്പ്‌ വെളിപ്പെടുത്തിയിരുന്നു. നടനും സംവിധായകനുമായ സതീഷ്‌ കൗശിക്കിന്റെ പുതിയ ചിത്രം `തേരേ ബിനാ ജിയാ നഹീ ജായേ' യില്‍ നായികയായി താന്‍ ബോളിവുഡിലേക്ക്‌ പ്രവേശിക്കുകയാണെന്നായിരുന്നു ലക്ഷ്‌മി റായ്‌ പറഞ്ഞിരുന്നത്‌.
എന്നാല്‍ ഇത്‌ ലക്ഷ്‌മിതന്നെ ദിവസങ്ങള്‍ക്ക്‌ മുമ്പ്‌ മാറ്റിപ്പറഞ്ഞു. ആ സിനിമയുടെ സ്‌ക്രിപ്‌റ്റ്‌ വായിച്ചപ്പോള്‍ തനിക്ക്‌ ചേരാത്ത വേഷമാണെന്നു കണ്ടെന്നും അതിനാല്‍ സിനിമയില്‍നിന്നും പിന്‍മാറിയെന്നുമാണ്‌ ലക്ഷ്‌മി പറഞ്ഞത്‌. ആദ്യ സിനമയില്‍ ശ്രദ്ധിക്കപ്പെടണമെന്നുള്ളതിനാലാണ്‌ ഈ തീരുമാനം. മറ്റൊരു നല്ല അവസരം ലഭിക്കുമെന്ന്‌ പ്രതീക്ഷിക്കുന്നുവെന്നും ലക്ഷ്‌മി പറഞ്ഞു.
ഇതേതുടര്‍ന്നാണ്‌ മാധ്യമപ്രവര്‍ത്തകര്‍ സതീഷ്‌ കൗശിക്കിനെ ബന്ധപ്പെട്ടത്‌. വാര്‍ത്തകേട്ട്‌ ശരിക്കും അത്ഭുതപ്പെട്ടുപോയ കൗശിക്‌, ലക്ഷ്‌മിറായിയെ താന്‍ അറിയുകപോലുമില്ലെന്ന്‌ ആണയിട്ടു. ഈ പറയുന്ന പേരില്‍ ഒരു ചിത്രം താന്‍ ആലോചിച്ചിട്ടുപോലുമില്ലെന്നാണ്‌ സതീഷ്‌ കൗശിക്കിന്റെ നിലപാട്‌.
RELATED STORIES

സിനിമാ മേഖലയില്‍ വൃത്തികെട്ട മത്സരം: സഞ്‌ജയ്‌ ദത്ത്‌

2011-07-28T11:16:00.000+05:30

മുംബൈ: സിനിമാ മേഖലയില്‍ വൃത്തികെട്ട മത്സരമാണ്‌ പലപ്പോഴും നടക്കുന്നതെന്ന്‌ സഞ്‌ജയ്‌ ദത്ത്‌. പണ്ടത്തെപ്പോലെയല്ല കാര്യങ്ങളിപ്പോള്‍. പതുക്കെയാണെങ്കിലും പ്രകടമായ മാറ്റം കാണുന്നുണ്ട്‌. വൃത്തികെട്ട കിടമത്സരങ്ങള്‍ കാണുമ്പോള്‍ വിഷമം തോന്നാറുണ്ടെന്നും 30 വര്‍ഷമായി ബോളിവുഡില്‍ നായകനാവുന്ന സഞ്‌ജയ്‌ ദത്ത്‌ പരിഭവിക്കുന്നു.
നായകര്‍ക്കിടയിലെ മത്സരം പണ്ടുമുണ്ടായിരുന്നു. എന്നാല്‍ പരസ്‌പരം ബഹുമാനിക്കാന്‍ ആര്‍ക്കും മടിയില്ലായിരുന്നു. 1981 ലാണ്‌ റോക്കിയിലൂടെ ഞാന്‍ ബോളിവുഡില്‍ എത്തിയത്‌. അന്നൊക്കെ ഒരു കുടുംബത്തെപ്പോലെയായിരുന്നു സിനിമാ മേഖല. ഇപ്പോള്‍ കുടുംബത്തെപ്പോലെ അല്ലെന്നതുമാത്രമല്ല കാര്യം, വൃത്തികെട്ട കളികളും കാണേണ്ടിവരുന്നു.
ഈ കളികളില്‍ പങ്കുചേരാന്‍ എനിക്ക്‌ താത്‌പര്യമില്ല. പങ്കുചേരുകയുമില്ല. ഞാന്‍ എന്റെ കാര്യങ്ങളേ നോക്കുന്നുള്ളൂ. പക്ഷേ മറ്റുകാര്യങ്ങള്‍ ശ്രദ്ധിക്കുന്നുമുണ്ട്‌. അവയൊക്കെ എന്നെ വേദനിപ്പിക്കുന്നുവെന്ന്‌ പറയാതിരിക്കാനാവില്ല. മറ്റ്‌ നടന്‍മാരെയൊക്കെ ഞാന്‍ എന്റെ സഹോദരന്‍മാരായാണ്‌ കാണുന്നത്‌. ഷാറൂഖും സല്‍മാനുമൊക്കെ എന്നെ ബഹുമാനിക്കുന്നുണ്ട്‌. അതുകൊണ്ടുതന്നെ അവരെ ഞാനും ബഹുമാനിക്കുന്നുണ്ട്‌. സിനിമാ മേഖലയെ ഇപ്പോഴും ഒരു കുടുംബമായി തന്നെയാണ്‌ താന്‍ കാണുന്നതെന്നും 51 കാരനായ സഞ്‌ജയ്‌ പറയുന്നു.
RELATED STORIES

പാട്ടിന്റെ പകര്‍പ്പവകാശം മ്യൂസിക്‌ കമ്പനികള്‍ക്ക്‌

2011-07-27T10:18:00.000+05:30

മുംബൈ: പാട്ടിന്റെ പകര്‍പ്പവകാശം പൂര്‍ണമായും മ്യൂസിക്‌ കമ്പനികള്‍ക്ക്‌ അവകാശപ്പെട്ടതാണെന്ന്‌ മുംബൈ ഹൈക്കോടതി വിധിച്ചു. ഈ വിധി അനുസരിച്ച്‌ പാട്ടുകളില്‍ പകര്‍പ്പവകാശം ആവശ്യപ്പെടാന്‍ സംഗീത സംവിധായകര്‍ക്കും ഗാനരചയിതാക്കള്‍ക്കും ഇനി അവകാശമുണ്ടായിരിക്കില്ല.
ജസ്റ്റിസ്‌ എസ്‌ ജെ വസ്‌ദിഫറാണ്‌ വിധി പ്രസ്‌താവിച്ചത്‌. ഇതോടെ ഇക്കാര്യത്തില്‍ നിലനിന്നിരുന്ന തര്‍ക്കം പുതിയ തലത്തിലേക്ക്‌ കടക്കുകയാണ്‌.
എഫ്‌ എം റേഡിയോ സ്റ്റേഷനുകള്‍ക്കായിരിക്കും മുംബൈ ഹൈക്കോടതി വിധി ഏറ്റവും അധികം ഗുണം ചെയ്യുക. നേരത്തെ സംഗീത സംവിധായകരും മ്യൂസിക്‌ കമ്പനികളും തങ്ങളുടെ പാട്ടില്‍ പ്രത്യേകം പകര്‍പ്പവകാശം വേണമെന്ന്‌ എഫ്‌ എം സ്റ്റേഷനുകളോട്‌ ആവശ്യപ്പെട്ടിരുന്നു. ഇനി മ്യൂസിക്‌ കമ്പനികള്‍ക്ക്‌ മാത്രം പകര്‍പ്പവകാശം നല്‍കിയാല്‍ മതിയാകും.
RELATED STORIES

ഇംഗ്ലിഷല്ല; അറിയേണ്ടത്‌ നന്നായി പെരുമാറാന്‍: ജയസൂര്യ

2011-07-26T17:06:00.000+05:30

കോട്ടയം: ഇംഗ്ലീഷ്‌ ഭാഷയറിയുമോ എന്നതിലല്ല, മറിച്ച്‌ നന്നായി പെരുമാറാന്‍ അറിയുമോ എന്നതിലാണ്‌ കാര്യമെന്ന്‌ നടന്‍ ജയസൂര്യ. എത്ര ഭാഷ അറിയാമെന്നതോ എത്ര സര്‍വകലാശാലകളില്‍ പഠിച്ചുവെന്നതോ അല്ല കാര്യം. സ്വഭാവം നന്നായിരിക്കണം. മറ്റുള്ളവരോട്‌ ഹൃദയം തുറന്ന്‌, കളങ്കമില്ലാതെ സംസാരിക്കാന്‍ കഴിയണം. മറ്റുള്ളവരെ മനസിലാക്കാന്‍ കഴിയണം. ഇതാണ്‌ ഏറ്റവും വലിയ പഠനം. അല്ലാതെയുള്ള പഠനമൊക്കെ വെറുതെയാണ്‌. പേരിനൊപ്പം ചേര്‍ക്കാവുന്ന ജാഡയുടെ അക്ഷരങ്ങളായേ അവയെ കാണാന്‍ കഴിയൂവെന്നും ജയസൂര്യ പറയുന്നു.
മംഗളം വാരികയ്‌ക്ക്‌ നല്‍കിയ അഭിമുഖത്തിലാണ്‌ ജയസൂര്യ പരോക്ഷമായി പൃഥിരാജിനും ഭാര്യക്കുമെതിരെ പ്രതികരിക്കുന്നത്‌.
കഴിവാണ്‌ എല്ലാത്തിലും പ്രധാനം. വ്യക്തികള്‍ക്ക്‌ സ്ഥാനം പിന്നീടേ വരുന്നുള്ളൂ. കഴിവുള്ളവരെ തടഞ്ഞുനിര്‍ത്താന്‍ ആര്‍ക്കും കഴിയില്ല. പുതുതലമുറയുടെ വരവിനെ സൂപ്പര്‍ താരങ്ങള്‍ തടയുന്നുവെന്നൊക്കെ പറയുന്നത്‌ വെറുതെയാണ്‌. സ്വന്തം കഴിവില്‍ വിശ്വാസമില്ലാത്തവരാണ്‌ അങ്ങനെയൊക്കെ പറയുന്നത്‌.
മമ്മൂക്കയും ലാലേട്ടനുമൊക്കെ മഹാ സംഭവങ്ങളാണ്‌. തങ്ങള്‍ക്ക്‌ പാകമാകാത്തതെന്ന്‌ അവര്‍ക്ക്‌ തോന്നുന്ന വേഷങ്ങളില്‍ അവര്‍ അഭിനയിക്കാറില്ല. അതുകൊണ്ടുതന്നെ അവരോട്‌ മാറിനില്‍ക്കാന്‍ പറയാനുള്ള അധികാരം ആര്‍ക്കുമില്ലെന്നും ജയസൂര്യ പറഞ്ഞു.
RELATED STORIES

എല്ലാം തെറ്റിച്ചത്‌ പരിക്ക്‌: ധോണി

2011-07-26T13:31:00.000+05:30

ലണ്ടന്‍: ടീമംഗങ്ങളുടെ പരിക്കുകാരണം കണക്കുകൂട്ടലുകളൊക്കെ തെറ്റിയതാണ്‌ എല്ലാം തെറ്റാന്‍ കാരണമെന്ന്‌ ഇന്ത്യന്‍ക്രിക്കറ്റ്‌ ടീം ക്യാപ്‌ടന്‍ മഹേന്ദ്രസിംഗ്‌ ധോണി. ഇംഗ്ലണ്ടിനെതിരായ ആദ്യ ടെസ്‌റ്റില്‍ പരാജയപ്പെട്ട ശേഷം സംസാരിക്കുകയായിരുന്നു ധോണി.
ഞങ്ങള്‍ക്ക്‌ ഒന്നും ചെയ്യാന്‍ കഴിഞ്ഞില്ല. സഹീര്‍ ഖാന്‍ പരുക്കേറ്റ്‌ മടങ്ങിയതോടെ മൂന്ന്‌ ബൗളര്‍മാരെ വച്ച്‌ പന്തെറിയിക്കേണ്ടിവന്നു. ഒരു ബൗളര്‍കൂടി ടീമിലുണ്ടായിരുന്നെങ്കില്‍ കഥ മറ്റൊന്നാവുമായിരുന്നു.
അതുപോലെതന്നെ ബാറ്റ്‌സ്‌മാന്‍മാരുടെ കാര്യവും. സച്ചിനും ഗാംഭീറും പരിക്കിന്റെ പിടിയിലായപ്പോള്‍ ബാറ്റ്‌സ്‌മാന്‍മാരുടെ ഓഡറില്‍ മാറ്റം വരുത്തേണ്ടിവന്നു. ഇത്‌ അവരുടെ സ്വാഭാവിക ശൈലിയെ പ്രതികൂലമായി ബാധിക്കുകയും ചെയ്‌തു. ഓപ്പണറായ ഗാംഭീറിന്‌ പകരം ദ്രാവിഡ്‌ ആ സ്ഥാനത്തേക്ക്‌ വന്നു. പനി കാരണം സച്ചിന്‍ പിന്നോട്ടിറങ്ങിയപ്പോള്‍ ലക്ഷമണിന്‌ നേരത്തേ ക്രീസിലിറങ്ങേണ്ടിവന്നു. ഇതിന്‌ ആരേയും കുറ്റം പറയാനാകില്ല. ഞങ്ങളുടെ കയ്യിലെ വിഭവങ്ങള്‍ വളരെ കുറവായിരുന്നു. അതുവച്ച്‌ ഒന്നും ചെയ്യാന്‍ കഴിയാത്ത സാഹചര്യവുമായിരുന്നു - ധോണി പറഞ്ഞു.
RELATED STORIES

ആകര്‍ഷിക്കുന്നത്‌ ബാംഗ്ലൂരിലെ പബ്ബുകള്‍: ഇവാലിന്‍

2011-07-26T09:41:00.003+05:30

ബാംഗ്ലൂര്‍: റോസാപൂക്കളുടെ നഗരത്തിലെ പബ്ബുകള്‍ കാണാന്‍ ആഗ്രഹമുണ്ടെന്ന്‌ പ്രശസ്‌ത മോഡലും അഭിനേതാവുമായ ഇവാലിന്‍. ഒരു സ്വര്‍ണാഭരണ ശാലയുടെ പരസ്യത്തിലാഭിനയിക്കാനായി ബാംഗ്ലൂരില്‍ എത്തിയപ്പോഴാണ്‌ ഇവാലിന്‍ തന്റെ മനസ്‌ തുറന്നത്‌. ഇവിടത്തെ കലാവസ്ഥ മനോഹരമാണ്‌. അതുകൊണ്ടുതന്നെ ഈ നഗരത്തില്‍ പുരതിയ കണ്ടുപിടത്തങ്ങള്‍ക്ക്‌ എന്റെ മനസ്‌ കൊതിക്കുന്നു. ഇവിടത്തെ പബ്ബുകളെയും റസ്‌റ്റോറന്റുകളേയും കുറിച്ച ധാരാളം കേട്ടിട്ടുണ്ട്‌. അവയൊക്കെ സന്ദര്‍ശിക്കണമെന്നാണ്‌ ആഗ്രഹമെന്നും ഇവാലിന്‍ പറഞ്ഞു.
ഒരു വിദേശിയെന്ന്‌ അറിയപ്പെടാന്‍ ആഗ്രഹമില്ല. അമ്മ ജര്‍മന്‍കാരിയും അച്ഛന്‍ ഇന്ത്യാക്കാരനുമാണ്‌്‌. ജനിച്ചുവളര്‍ന്നത്‌ ജര്‍മിനിയിലാണെങ്കിലും ഇവിടെയാണ്‌ തന്റെ വേരുകളെന്നും ദലേര്‍ മെഹന്ദിയുടെ ഷീലാ ഹോ യാ മുന്നി എന്ന ആലബത്തിലൂടെ ആരാധക ഹൃദയം കവര്‍ന്ന ഇവാലിന്‍ ലക്ഷ്‌മി ശര്‍മ പറയുന്നു.
ബോളിവുഡില്‍ അരങ്ങേറ്റം കുറിക്കുകയാണ്‌ ലക്ഷ്യം. അതിനായി ഇന്ത്യയിലെ ഒരു ഫിലിം ഇന്‍സ്‌റ്റിറ്റിയുട്ടില്‍ നാല്‌ മാസം പഠിച്ചു. ഹിന്ദിയും പഠിക്കുന്നുണ്ട്‌. നന്നായി സംസാരിക്കില്ലെങ്കിലും ഒരു സ്‌ക്രിപ്‌റ്റ്‌ വായിച്ചു മനസിലാക്കാനൊക്കെ തനിക്കിപ്പോള്‍ കഴിയുമെന്നും ഇവാലിന്‍ വ്യക്തമാക്കുന്നു.
RELATED STORIES

2ജി: അനുമതി നല്‍കിയത്‌ ചിദംബരം; സാക്ഷി മന്‍മോഹനെന്ന്‌ രാജ

2011-07-25T13:53:00.000+05:30

ന്യൂഡല്‍ഹി: ധനമന്ത്രിയായിരുന്ന പി ചിദംബരത്തിന്റെ അനുമതിയോടെയാണ്‌ 2ജി സ്‌പെക്‌ട്രം വില്‍പന നടത്തിയതെന്നു സ്‌പെക്‌ട്രം അഴിമതി കേസില്‍ അറസ്‌റ്റിലായ മുന്‍ ടെലികോം മന്ത്രി എ രാജ. പ്രധാനമന്ത്രിയുടെ സാന്നിധ്യത്തിലാണ്‌ ചിദംബരം അനുമതി നല്‍കിയത്‌. അങ്ങനെയല്ലെങ്കില്‍ പ്രധാനമന്ത്രി അതു നിഷേധിക്കട്ടെ എന്നും എ.രാജ പറഞ്ഞു. ഡല്‍ഹിയിലെ പ്രത്യേക സി ബി ഐ കോടിതിയിലാണ്‌ രാജ ഇക്കാര്യങ്ങള്‍ വെളിപ്പെടുത്തിയത്‌.
2ജി ഇടപാടില്‍ താന്‍ തെറ്റൊന്നും ചെയ്‌തിട്ടില്ലെന്നും രാജ ആവര്‍ത്തിച്ചു. പ്രധാനമന്ത്രിയുടെ സാന്നിധ്യത്തില്‍ ധനമന്ത്രിയാണു സ്‌പെക്‌ട്രം വിതരണത്തിന്‌ അനുമതി നല്‍കിയത്‌. ഡി ബി റിയാലിറ്റീസുമായുള്ള കരാര്‍ പ്രധാനമന്ത്രിയുടെ സാന്നിധ്യത്തിലാണ്‌ ഒപ്പിട്ടത്‌. യൂണിടെക്കുമായുള്ള കരാറില്‍ അധാര്‍മികമായി ഒന്നും ചെയ്‌തിട്ടില്ല. എന്‍ ഡി എ സര്‍ക്കാരിന്റെ സ്‌പെക്‌ട്രം വിതരണ നയം തുടരുക മാത്രമാണു ചെയ്‌തത്‌. ഗൂഢാലോചന, വഞ്ചന തുടങ്ങി തനിക്കെതിരെ സിബിഐ ചുമത്തിയ എല്ലാ കുറ്റങ്ങളും രാജ സി ബി ഐ പ്രത്യേക കോടതിയില്‍ നിഷേധിച്ചു.
RELATED STORIES

സിദ്ധാര്‍ത്ഥ്‌ സ്വന്തമായി വീടില്ലാത്തയാള്‍: ദീപിക

2011-07-25T11:49:00.000+05:30

മുംബൈ: സ്വന്തമായൊരു വീടുപോലുമില്ലാത്തയാളാണ്‌ സിദ്ധാര്‍ത്ഥ്‌ മല്ല്യയെന്ന്‌ ദീപിക പദുക്കോണ്‍. കോടീശ്വരനായ അച്ഛന്‍ വിജയ്‌ മല്ല്യയുടെ വീടുകളിലാണ്‌ സിദ്ധാര്‍ത്ഥ്‌ താമസിക്കുന്നത്‌. അങ്ങനെയുള്ള ഒരാള്‍ തനിക്ക്‌ വീടുവാങ്ങിത്തന്നുവെന്ന്‌ പറയുന്നതില്‍ എന്ത്‌ അര്‍ത്ഥമാണുള്ളതെന്ന്‌ ദീപിക ചോദിക്കുന്നു. ദീപികയുടെ ജന്‍മദിനത്തില്‍ സിദ്ധാര്‍ത്ഥ്‌ മല്ല്യ നല്‍കിയത്‌ ഒരു വീടാണെന്ന്‌ വാര്‍ത്തയുണ്ടായിരുന്നു. ഇതിനോട്‌ പ്രതികരിക്കുകയായിരുന്നു ദീപിക.
വീട്‌ എന്റെ സ്വന്തമാണ്‌. എന്റെ സ്വപ്‌നമായിരുന്നു ഒരു വീട്‌. അത്‌ സ്വന്തമാക്കുന്നതിന്‌ മാതാപിതാക്കളെപോലും ആശ്രയിക്കാന്‍ തനിക്ക്‌ താത്‌പര്യമില്ലായിരുന്നുവെന്നും ദീപിക പറഞ്ഞു. തന്റെ വീടിന്റെ വാതിലിന്‌ മുന്നില്‍ റോസാ പൂവുമായി എത്താന്‍ നീല്‍ നിതിന്‍ മുകേഷിന്‌ എന്താണ്‌ തടസമെന്ന്‌ അറിയില്ലെന്നും മറ്റൊരു ചോദ്യത്തിന്‌ ഉത്തരമായി ദീപിക പറഞ്ഞു. ദീപിക എന്‍ഗേജ്‌ഡ്‌ അല്ലെങ്കില്‍ പ്രണയാഭ്യര്‍ത്ഥനയുമായി അവരുടെ വീടിനു മുന്നില്‍ റോസാപൂവും പിടിച്ച്‌ ആദ്യമെത്തുക താനായിരിക്കുമെന്ന്‌ നീല്‍ നിതിന്‍ മുകേഷ്‌ അടുത്തിടെ പറഞ്ഞിരുന്നു. നീലിനെ എന്താണ്‌ തടയുന്നതെന്ന്‌ അറിയില്ല. എപ്പോള്‍ വേണമെങ്കിലും നീലിന്‌ അവിടെ വരാം. പിന്നെ എപ്പോഴും കടന്നുചിന്തിക്കുന്ന ആളാണ്‌ നീല്‍ എന്നും ദീപിക ഓര്‍മിപ്പിച്ചു.
RELATED STORIES

രാജസ്ഥാനില്‍ 32 പുരുഷന്‍മാര്‍ പ്രസവിച്ചു

2011-07-23T22:37:00.001+05:30

ഉദയ്‌പൂര്‍: രാജസ്ഥാനിലെ ഒരു പ്രാദേശിക ആശുപത്രിയില്‍ ഒരുവര്‍ഷത്തിനിടെ പ്രസവിച്ച പുരുഷന്‍മാരുടെ എണ്ണം 32. ഇതില്‍ പലരും ഒന്നില്‍കൂടുതല്‍ തവണ പ്രസവിച്ചിട്ടുണ്ട്‌. 60 കഴിഞ്ഞ ഒരു സ്‌ത്രീ ഒരു വര്‍ഷത്തിനിടെ രണ്ട്‌ തവണയാണ്‌ പ്രസവിച്ചത്‌. മറ്റൊരു സ്‌ത്രീ ഒരു വര്‍ഷത്തിനിടെ 24 കുട്ടികള്‍ക്കാണ്‌ ജന്‍മം നല്‍കിയത്‌.
ഇതൊക്കെ രേഖകളിലാണെന്നു മാത്രം. കേന്ദ്രസര്‍ക്കാര്‍ സഹായം തട്ടിയെടുക്കാനായി തയ്യാറാക്കിയ രേഖകളിലാണ്‌ ഈ വൈരുദ്ധ്യം. രാജസ്ഥാന്‍ കോട്ടയിലെ ഗോഗുന്‍ഡാ കമ്യൂണിറ്റി ഹെല്‍ത്ത്‌ സര്‍വീസിലെ റെക്കോഡുകളിലാണ്‌ ഈ വിരോധാഭാസം മുഴുവന്‍ എഴുതിവച്ചിരിക്കുന്നത്‌.
ദാരിദ്ര്യരേഖയ്‌ക്ക്‌ താഴെയുള്ളവര്‍ക്ക്‌ കേന്ദ്രസര്‍ക്കാരിന്റെ ജനനി സുരക്ഷാ യോജന പദ്ധതി പ്രകാരം നല്‍കുന്ന സഹായമാണ്‌ ഇങ്ങനെ വ്യാജരേഖകള്‍ ചമച്ച്‌ ഉദ്യോഗസ്ഥര്‍ തട്ടിയെടുത്ത്‌. ഇതേക്കുറിച്ച്‌ അന്വേഷിക്കാന്‍ എത്തിയവരോട്‌ ഇവിടത്തെ ഹെഡ്‌ നഴ്‌സ്‌ അവകാശപ്പെട്ടത്‌ അവര്‍തന്നെ ഒരുവര്‍ഷം 11 കുട്ടികള്‍ക്ക്‌ ജന്‍മം നല്‍കിയിട്ടുണ്ടെന്നാണ്‌.
ഒരു പ്രസവത്തിന്‌ 1,700 രൂപയാണ്‌ കേന്ദ്രസഹായമായി പ്രസവിക്കുന്ന സ്‌ത്രീക്ക്‌ നല്‍കുന്നത്‌. ഈ പണമാണ്‌ ഇല്ലാത്ത അവകാശവാദങ്ങളിലൂടെ ചിലര്‍ തട്ടിയെടുത്ത്‌. സംഭവം വിശദമായി അന്വേഷിച്ച്‌ റിപ്പോര്‍ട്ട്‌ നല്‍കാന്‍ സര്‍ക്കാര്‍ മൂന്നംഗ കമ്മിറ്റിയെ നിയോഗിച്ചിട്ടുണ്ട്‌.
RELATED STORIES

ഇന്ത്യയുടെ സാധ്യത സഹീര്‍ ഇല്ലാതാക്കി: കപില്‍

2011-07-23T11:30:00.000+05:30

ന്യൂഡല്‍ഹി: ഇംഗ്ലണ്ടിനെതിരായ ലോര്‍ഡ്‌സ്‌ ക്രിക്കറ്റ്‌ ടെസ്‌റ്റില്‍ ഇന്ത്യയുടെ സാധ്യത ഇല്ലാതാക്കിയതിന്റെ ഉത്തരവാദിത്വം സഹീര്‍ഖാനാണെന്ന്‌ മുന്‍ ക്യാപ്‌ടന്‍ കപില്‍ ദേവ്‌. മത്സരം ആരംഭിക്കുംമുമ്പുതന്നെ തന്റെ കായികക്ഷമതയെക്കുറിച്ച്‌ സഹീര്‍ അറിയണമായിരുന്നു.
ഇന്ത്യയെ സമ്മര്‍ദ്ദത്തിലാക്കിയത്‌ സഹീറാണ്‌. ഇന്ത്യയുടെ വിജയസാധ്യതയാണ്‌ നഷ്ടമായത്‌. ടെസ്‌റ്റ്‌ തുടങ്ങി മണിക്കൂറുകള്‍ക്കുശേഷം സഹീര്‍ പിന്‍മാറിയതുവഴി ഇന്ത്യക്ക്‌ ഒരു ബൗളറുടെ സേവനം നഷ്ടമായി. ഇനിയുള്ള മത്സരങ്ങളിലെങ്കിലും കായികക്ഷമത ഉറപ്പുവരുത്താതെ ടീമംഗമാകാന്‍ സഹീര്‍ തയ്യാറാവരുതെന്നും കപില്‍ പറഞ്ഞു.
ക്യാപ്‌റ്റന്‍ മഹേന്ദ്ര സിംഗ്‌ ധോണി ബോള്‍ ചെയ്‌തതിനെയും കപില്‍ ദേവ്‌ കുറ്റപ്പെടുത്തി. ഇത്‌ ടെസ്‌റ്റ്‌ ക്രിക്കറ്റിനെ പരിഹസിക്കലാണ്‌. ടെസ്‌റ്റ്‌ മത്സരത്തിന്റെ രണ്ടാം ദിവസം ഇത്തരമൊരു ബോളിംഗ്‌ അംഗീകരിക്കാന്‍ കഴിയില്ലെന്നും കപില്‍ ദേവ്‌ പറഞ്ഞു.
RELATED STORIES

ക്രെഡിറ്റ്‌ കാര്‍ഡുമായി ഗൂഗിള്‍

2011-07-22T11:52:00.000+05:30

സാന്‍ഫ്രാന്‍സിസ്‌കോ: തങ്ങളുടെ ഉപഭോക്താക്കള്‍ക്കായി ക്രെഡിറ്റ്‌ കാര്‍ഡ്‌ എന്ന പുതിയ പദ്ധതിയുമായി ഗൂഗിള്‍ എത്തുന്നു. ഗൂഗിള്‍ ആഡ്‌വേര്‍ഡ്‌ ഉപഭോക്താക്കള്‍ക്കായാണ്‌ പുതിയ ക്രെഡിറ്റ്‌ കാര്‍ഡ്‌ ഗൂഗിള്‍ അവതരിപ്പിക്കുന്നത്‌.
ആദ്യഘട്ടത്തില്‍ അമേരിക്കയില്‍ മാത്രമായിരിക്കും കാര്‍ഡ്‌ ലഭ്യമാക്കുക. പിന്നീട്‌ ലോകം മുഴുവന്‍ വ്യാപിപ്പിക്കും. ഗൂഗിള്‍ സെര്‍ച്ചിലെ പരസ്യങ്ങള്‍ വാങ്ങാന്‍ ഈ കാര്‍ഡ്‌ ഉപയോഗിക്കാം. ആകര്‍ഷകമായ പലിശനിരക്കായിരിക്കും പ്രഖ്യാപിക്കുക. കാര്‍ഡിന്‌ വാര്‍ഷിക ഫീസ്‌ ഉണ്ടാവില്ലെന്നത്‌ മറ്റൊരു പ്രത്യേകത. അതേസമയം ക്രെഡിറ്റിന്‌ പരിധിയുണ്ടാവുമെന്ന്‌ വാര്‍ത്താ ഏജന്‍സിയായ റോയിട്ടര്‍ റിപ്പോര്‍ട്ട്‌ ചെയ്യുന്നു.
RELATED STORIES

കമലഹാസനോ!!! നായികയാവന്‍ ഞങ്ങളില്ല

2011-07-22T09:53:00.001+05:30

ചെന്നൈ: തെന്നിന്ത്യന്‍ സൂപ്പര്‍താരം കമലഹാസന്റെ നായികയാവാന്‍ ബോളിവുഡ്‌ നടിമാര്‍ക്ക്‌ മടി. സോനക്ഷിമുതല്‍ വിദ്യവരെ, പ്രിയങ്ക മുതല്‍ ദീപികവരെയുള്ളവര്‍ ഇതിനകംതന്നെ കമലഹാസനോട്‌ നിഷേധാത്മക മറുപടി പറഞ്ഞുകഴിഞ്ഞു. രജനീകാന്തിന്റെ നായികയാവാന്‍ മത്സരിക്കുന്ന നടിമാരാണ്‌ കമലഹാസനോട്‌ തിരക്കുമൂലം സഹകരിക്കാനാവില്ലെന്ന്‌ പറഞ്ഞ്‌ രക്ഷപ്പെടുന്നത്‌.
പുതിയ ചിത്രം വിശ്വരൂപത്തിനായാണ്‌ നായികയെത്തപ്പി കമലഹാസന്‍ ബോളിവുഡിലെത്തിയത്‌. ചിത്രത്തില്‍ ബോളിവുഡിലെ ഏതെങ്കിലും താരസുന്ദരി നായികയായി എത്തണമെന്നാണ്‌ കമലഹാസന്‍ ആഗ്രഹിച്ചതും.
ആദ്യം കണ്ടത്‌ ദബംഗ്‌ ഫേം സോനാക്ഷി സിന്‍ഹയെ. പക്ഷേ സോനാക്ഷിക്ക്‌ ഡേറ്റ്‌ ഒഴിവില്ല. പിന്നീട്‌ ദീപികാ പദുക്കോണിന്റെ വീട്ടിലേക്ക്‌. അവിടെനിന്ന്‌ പ്രിയങ്കചോപ്രയുടെ അടുത്തേക്ക്‌. പക്ഷേ എല്ലാവര്‍ക്കും ഒരേമറുപടി. ഇതിനിടെ വിദ്യാബാലനും നായികാപദവി വാഗ്‌ദാനം ചെയ്‌തു. അടുത്ത രണ്ട്‌ മൂന്ന്‌ മാസത്തേക്ക്‌ സമയമേയില്ല എന്നായിരുന്നു വിദ്യയുടെ മറുപടി.
ഫലത്തില്‍ ഓഗസ്‌റ്റില്‍ വിശ്വരൂപത്തിന്റെ ചിത്രീകരണം തുടങ്ങാനാവാത്ത അവസ്ഥയാണ്‌. നായികയെ ഇനിയും കണ്ടെത്താനാവാത്തതിനാല്‍ ചിത്രീകരണം എന്ന്‌ തുടങ്ങുമെന്നുപോലും പറയാനാവാത്ത അവസ്ഥ. ഇതിനകം ചിത്രത്തിന്‌ ഡേറ്റ്‌ നല്‍കിയ മറ്റ്‌ അഭിനേതാക്കളാണ്‌ ഇപ്പോള്‍ പെട്ടത്‌. ഓഗസ്‌റ്റില്‍ ചിത്രീകരണം തുടങ്ങിയില്ലെങ്കില്‍ പിന്നെ ചിത്രവുമായി സഹകരിക്കാന്‍ ഇവര്‍ക്കും ഡേറ്റ്‌ പ്രശ്‌നമാവും. മെഗാഹിറ്റായ ദശാവതാരത്തിനുശേഷം കമലഹാസന്‍ ഒരുക്കുന്ന ബിഗ്‌ ബജറ്റ്‌ ചിത്രമായതിനാല്‍ വിശ്വരൂപത്തിലെ ചാന്‍സ്‌ വേണ്ടന്നുവയ്‌ക്കാനും ഇവര്‍ക്കാവുന്നില്ല.
RELATED STORIES

അമലാപോളിന്റെ ചൂടന്‍ രംഗങ്ങള്‍ പോസ്‌റ്ററില്‍

2011-07-21T09:58:00.000+05:30

ചെന്നൈ: വിക്രമിന്റെ ദൈവത്തിരുമകളിലൂടെ തമിഴകമനം കവര്‍ന്ന അമലാപോളിന്റെ സെക്‌സ്‌ സിനിമ തമിഴകത്ത്‌ പുതിയ വിവാദമാകുന്നു. സിന്ധു സാമവേലിയെന്ന ഈ ചിത്രം ദൈവത്തിരുമകള്‍ റിലീസ്‌ ചെയ്‌ത ദിവസംതന്നെ റീ-റിലീസ്‌ നടത്തിയതാണ്‌ സിനിമാ പ്രവര്‍ത്തകരെ ഞെട്ടിച്ചത്‌. ആദ്യ റിലീസില്‍ ശ്രദ്ധിക്കപ്പെടാതെപോയ ചിത്രമായിരുന്നു സിന്ധു സാമവേലി.
ഈ ചിത്രത്തില്‍ ടൈറ്റില്‍ റോളിലാണ്‌ അമല പോള്‍ പ്രത്യക്ഷപ്പെട്ടത്‌. അമലയുടെ ചൂടന്‍ രംഗങ്ങള്‍ പോസ്‌റ്ററില്‍ പ്രത്യക്ഷപ്പെട്ടതോടെ ശരിക്കും ഞെട്ടിയത്‌ അമല തന്നെയാണ്‌. താന്‍ ഇത്തരം രംഗങ്ങളില്‍ അഭിനയിച്ചിട്ടില്ലെന്നും ഈ സിനിമയില്‍ ഇത്തരം രംഗങ്ങള്‍ ഇല്ലായിരുന്നുവെന്നും അമല അവകാശപ്പെടുന്നു.
പോസ്‌റ്റര്‍ ശ്രദ്ധയില്‍പ്പെട്ടപ്പോള്‍തന്നെ അമല സംവിധായകനെ വിളിച്ചു. ഇതൊരു ഞെട്ടിക്കുന്ന പോസ്‌റ്റായിരുന്നുവെന്ന്‌ സംവിധായകന്‍ സാമി പറഞ്ഞു. ഇത്തരം രംഗങ്ങള്‍ താന്‍ ഷൂട്ട്‌ ചെയ്‌തിട്ടില്ലെന്ന്‌ തറപ്പിച്ചു പറഞ്ഞ സാമി നിര്‍മാതാവ്‌ മൈക്കല്‍ റോയപ്പനുമായി ബന്ധപ്പെട്ടു. താന്‍ സിനിമ നേരത്തേതന്നെ വിറ്റുവെന്നും ഇപ്പോഴത്തെ സംഭവവുമായി തനിക്ക്‌ ബന്ധമൊന്നുമില്ലെന്നായിരുന്നു മൈക്കല്‍ റോയപ്പന്റെ നിലപാട്‌.
ഇത്‌ മോര്‍ഫിംഗിലൂടെ ഉണ്ടാക്കിയ പോസ്‌റ്ററാണെന്നാണ്‌ സാമി പറയുന്നത്‌.
ആദ്യ റിലീസില്‍ ചിത്രം കണ്ടവരും ഈവാദം ശരിവയ്‌ക്കുന്നുണ്ട്‌. സെക്‌സ്‌ എന്നുപറയാവുന്ന ഒരു ചെറിയ രംഗംപോലും ചിത്രം ആദ്യം റിലീസായപ്പോള്‍ ഉണ്ടായിരുന്നില്ലെന്നാണ്‌ അവര്‍ ചൂണ്ടിക്കാട്ടുന്നത്‌.
RELATED STORIES

നഗ്നയാവാന്‍ വാഗ്‌ദാനം 1 മില്ല്യണ്‍ ഡോളര്‍

2011-07-20T11:02:00.000+05:30

മെല്‍ബണ്‍: നഗ്നയായി ഫോട്ടോയ്‌ക്ക്‌ പോസ്‌ ചെയ്യാന്‍ ഓസ്‌ട്രേലിയന്‍ മോഡലും അഭിനേതാവുമായ സോഫി മോങ്കിന്‌ ലഭിച്ചത്‌ 1 മില്ല്യണ്‍ ഡോളറിന്റെ വാഗ്‌ദാനം. പ്ലേ ബോയ്‌ മാഗസിന്‍ ആണ്‌ ഈ വാഗ്‌ദാനവുമായി ഗായിക കൂടിയായ സോഫിയെ സമീപിച്ചത്‌. മാഗസിന്റെ കവര്‍ പേജിനായാണ്‌ പോസ്‌ ചെയ്യേണ്ടത്‌.
സോഫി തന്നെയാണ്‌ ഇക്കാര്യം വെളിപ്പെടുത്തിയത്‌. ഓസ്‌ട്രേലിയന്‍ റേഡിയോ സ്‌റ്റേഷനായ 2ഡേ എഫ്‌ എമ്മില്‍ ഒരു പരിപാടിക്കിടെയാണ്‌ സോഫി മനസ്‌ തുറന്നത്‌. തനിക്ക്‌ ലഭിച്ച വാഗ്‌ദാനം ഹരം പകരുന്നതാണ്‌. അതേസമയം ഈ വാഗ്‌ദാനം സ്വീകരിക്കണമോ എന്ന കാര്യത്തില്‍ ഒരു തീരുമാനവും എടുത്തിട്ടില്ല.
ഈ തുക വാഗ്‌ദാനം ചെയ്‌ത അവര്‍ക്ക്‌ അറിയേണ്ടത്‌ ഞാന്‍ എത്രത്തോളം നഗ്നയാവും എന്നാണ്‌. പേ്‌ലാ ബോയ്‌ മാഗസിന്റെ കവര്‍ ആകുന്നതില്‍ തെറ്റൊന്നും കാണുന്നില്ല ഞാന്‍. മുമ്പായിരുന്നെങ്കില്‍ രണ്ടുകൈയും നീട്ടി സ്വീകരിച്ചേനെ. പക്ഷേ ഇപ്പോള്‍ എന്റെ ഏജന്റ്‌ പറയുന്നത്‌ വാഗ്‌ദാനം സ്വീകരിക്കണ്ട എന്നാണ്‌.
പ്ലേബോയ്‌ മാഗസിനില്‍ ചിത്രം വന്നാല്‍ എനിക്ക്‌ ലഭിക്കുന്ന സിനിമകളില്‍ കുറവുണ്ടാകും എന്നാണ്‌ ഏജന്റ്‌ പറയുന്നത്‌. അതേസമയം 1 മില്ല്യണ്‍ ഡോളര്‍ എന്നത്‌ കൊതിപ്പിക്കുന്ന തുകയുമാണ്‌ - സോഫി പറഞ്ഞു.
RELATED STORIES

സച്ചിന്‍ ലോകത്തെ മികച്ച ബാറ്റ്‌സ്‌മാന്‍: ലാറ

2011-07-19T11:18:00.000+05:30

ലണ്ടന്‍: സച്ചിന്‍ ലോകത്തെ മികച്ച ബാറ്റ്‌സ്‌മാനെന്ന്‌ വെസ്‌റ്റ്‌ഇന്‍ഡീസ്‌ ഇതിഹാസം ബ്രയാന്‍ ലാറ. അതേസമയം ആധുനികലോകത്തെ ബ്രാഡ്‌മാനാണ്‌ സച്ചിനെന്ന്‌ ഇംഗ്ലണ്ട്‌ ടീമിന്റെ മുന്‍ ക്യാപ്‌ടന്‍ അലക്‌സ്‌ സ്‌റ്റിയുവര്‍ട്ട്‌. ഹോട്ടല്‍ ഹില്‍ട്ടണ്‍ പാര്‍ക്ക്‌ ലൈനില്‍ നടന്ന ഒരു പാനല്‍ ചര്‍ച്ചയിലാണ്‌ ഇരുവരും തങ്ങളുടെ അഭിപ്രായം വെളിപ്പെടുത്തിയത്‌.
സച്ചിന്‍ തന്റെ 16ാം വയസില്‍ ടെസ്‌റ്റ്‌ ക്രിക്കറ്റ്‌ കളിക്കാന്‍ തുടങ്ങിയതാണെന്ന്‌ ലാറ ഓര്‍മിപ്പിച്ചു. ഇപ്പോള്‍ സച്ചിന്‌ 38 വയസായി. ഇത്രയുംകാലം ഫോമില്‍ കളിക്കാന്‍ കഴിഞ്ഞ വേറെയൊരു കളിക്കാരനേയും നമ്മള്‍ കണ്ടിട്ടില്ല. അതുകൊണ്ടുതന്നെ സച്ചിന്‍ ലോകത്തെ മികച്ച ബാറ്റ്‌സ്‌മാനാകുന്നു - ലാറ പറഞ്ഞു.
തൊണ്ണൂറുകളില്‍ മികച്ച കളിക്കാരന്‍ ലാറയായിരുന്നുവെന്ന്‌ അലക്‌സ്‌ സ്‌റ്റിയുവര്‍ട്ട്‌ പറഞ്ഞു. പക്ഷേ ഇന്ന്‌ നോക്കുമ്പോള്‍ ലാറയെക്കാള്‍ കേമന്‍ സച്ചിന്‍ തന്നെയെന്നും സ്‌റ്റിയുവര്‍ട്ട്‌ വ്യക്തമാക്കി. ഇത്തവണ ഇന്ത്യ 2-1 ന്‌ പരമ്പര നേടുമെന്ന്‌ പ്രവചിക്കാനും സ്‌റ്റിയുവര്‍ട്ട്‌ മറന്നില്ല.
RELATED STORIES

ഞാന്‍ പാതി ബ്രട്ടിഷെങ്കില്‍ രാഹുല്‍ പാതി ഇറ്റാലിയന്‍: കത്രീന കൈഫ്‌

2011-07-19T10:10:00.000+05:30

മുംബൈ: തന്നെ പകുതി ബ്രിട്ടന്‍കാരിയെന്ന്‌ ആക്ഷേപിക്കുന്നവര്‍ രാഹുല്‍ ഗാന്ധി പകുതി ഇറ്റാലിയന്‍ ആണെന്ന്‌ മറക്കരുതെന്ന്‌ കത്രീന കൈഫ്‌. എന്റെ പൗരത്വം സംബന്ധിച്ച ഒരു വിവരവും ഞാന്‍ മറച്ചുവച്ചിട്ടില്ല. പകുതി ഏഷ്യനും പകുതി ബ്രട്ടീഷുമായ ലോകത്തെ ഏക വ്യക്തിയും ഞാനല്ല. ഇത്‌ എന്തിന്‌ വിവാദമാക്കാന്‍ ആളുകള്‍ ശ്രമിക്കുന്നുവെന്നാണ്‌ മനസിലാകാത്തത്‌.
എന്റെ പാസ്‌പോര്‍ട്ടിന്റെ പകര്‍പ്പ്‌ എക്‌സ്‌ക്‌ളൂസിവായി ചില മാധ്യമങ്ങള്‍ ടെലികാസ്‌റ്റ്‌ ചെയ്‌തു. അവര്‍ക്ക്‌ ഇത്‌ എങ്ങനെ കിട്ടി എന്ന്‌ തിരക്കാനൊന്നും ഞാന്‍ പോയില്ല. അതിന്റെ ആവശ്യവുമില്ല. എന്റെ പൗരത്വം സംബന്ധിച്ച്‌ എനിക്ക്‌ ഒന്നും ഒളിക്കാനുമില്ല.
പക്ഷേ എന്റെ അമ്മയുടെ പേരും ഞാന്‍ ജനിച്ച സ്ഥലവുമൊക്കെ പാസ്‌പോര്‍ട്ടിലുള്ളത്‌ ആ ബ്രേക്കിംഗ്‌ ന്യൂസുകാര്‍ക്ക്‌ ലഭിക്കാതെ പോയത്‌ എന്തുകൊണ്ടാണെന്ന്‌ മനസിലായില്ല. പാസ്‌പോര്‍ട്ടില്‍ എവിടെയാക്കെ എന്റെ പേരുണ്ടോ അവിയൊക്കെ അതിനൊപ്പം അമ്മയുടെ പേരും ഉണ്ടാവണമല്ലോയെന്നും കത്രീന ചോദിച്ചു. തന്റെ അമ്മ ബ്രട്ടീഷ്‌ ആണെന്നത്‌ താന്‍ എന്തിന്‌ മറച്ചുവയ്‌ക്കണമെന്നുകൂടി ആരെങ്കിലും പറഞ്ഞുതന്നാല്‍ ന്നനായിരുന്നുവെന്നും കത്രീന പറഞ്ഞു.
RELATED STORIES

പുകവലിക്കാത്ത വിദ്യാബാലന്‍ വലിച്ചത്‌ 10 സിഗരറ്റ്‌

2011-07-18T17:15:00.000+05:30

ഹൈദ്രാബാദ്‌: പുകവലിക്കാത്ത വിദ്യാബാലന്‍ വലിച്ചുതീര്‍ത്തത്‌ 10 സിഗരറ്റ്‌. സില്‍ക്ക്‌ സ്‌മിതയെ വെള്ളിത്തിരയില്‍ അവതരിപ്പിക്കുന്നതിനുവേണ്ടിയാണ്‌ വിദ്യ ഈ സാഹസത്തിന്‌ മുതിര്‍ന്നത്‌.സിനിമയില്‍ പുകവലി രംഗങ്ങള്‍ ഉണ്ടാവരുതെന്ന്‌ സെന്‍സര്‍ബോര്‍ഡ്‌ നിഷ്‌കര്‍ഷിച്ചിട്ടുണ്ടെങ്കിലും സില്‍ക്ക്‌ സ്‌മിതയുടെ കഥ പറയുന്ന `ദ ഡെര്‍ട്ടി പിക്‌ച്വര്‍' എന്ന ഈ സിനിമയില്‍ പുകവലി രംഗം ഒഴിവാക്കാന്‍ പറ്റില്ലെന്ന നിലപാടിലാണ്‌ സംവിധായകന്‍ മിലന്‍.
അങ്ങനെയാണ്‌ ജീവിതത്തില്‍ ഒരിക്കല്‍ പോലും പുകവലിച്ചിട്ടില്ലാത്ത വിദ്യാബാലന്‍ ആദ്യമായി ഒരു സിഗരറ്റ്‌ ചുണ്ടത്തുവച്ചത്‌. ആദ്യ പുകതന്നെ വിദ്യാബാലനെ കുഴക്കി. ചുമച്ചുതളര്‍ന്നതുകാരണം ഷൂട്ടിംഗ്‌ കുറച്ചുനേരം നിര്‍ത്തിവയക്കേണ്ടിയും വന്നു. പിന്നീട്‌ ചിത്രീകരണം തുടര്‍ന്നെങ്കിലും റീടേക്കുകളുടെ ബഹളമായിരുന്നു. സ്വാഭാവികമായി സിഗരറ്റ്‌ വലിക്കുന്ന ഒരാളെ പോലെ തോന്നിക്കാന്‍ നിരവധി റീടേക്കുകള്‍ വേണ്ടിവന്നു. ഒടുവില്‍ സംവിധായകന്‍ ഓകെ പറയുമ്പോഴേക്കും 10 സിഗരറ്റുകള്‍ കത്തിതെരിഞ്ഞിരുന്നു.
RELATED STORIES

ഐറ്റം ഡാന്‍സറായി ഹര്‍ഭജന്റെ കാമുകി

2011-07-18T14:02:00.001+05:30

മുംബൈ: ഹര്‍ഭജന്‍ സിംഗിന്റെ കാമുകി ബോളിവുഡില്‍ ഐറ്റം നര്‍ത്തകിയാകുന്നു. ആനന്ദ്‌ കുമാര്‍ സംവിധാനം ചെയ്യുന്ന പുതിയ ചിത്രം സില്ല ഗസിയാബാദ്‌ എന്ന ചിത്രത്തിലാണ്‌ ഹര്‍ഭജന്റെ കാമുകി ഗീതാ ബസ്‌റ ഐറ്റം നര്‍ത്തകിയായി രംഗത്തെത്തുന്നത്‌. സഞ്‌ജയ്‌ ദത്താണ്‌ നൃത്തരംഗത്തില്‍ ഗീതയ്‌ക്കൊപ്പം പ്രത്യക്ഷപ്പെടുന്നത്‌.
നൃത്തരംഗത്തിന്റെ ചിത്രീകരണം അടുത്ത ആഴ്‌ച മുംബൈയില്‍ നടക്കും. ഇതിനായുള്ള വസ്‌ത്രം പ്രത്യേകം തയ്യറാക്കിക്കഴിഞ്ഞു. പ്രമുഖ ഡിസൈനറായ അര്‍ച്ചന കൊച്ചാനാണ്‌ ഗീതയുടെ വസ്‌ത്രയം രൂപകല്‌പന ചെയ്‌തത്‌. വിനോദ്‌ ബച്ചനാണ്‌ ചിത്രത്തിന്റെ നിര്‍മാതാവ്‌.
RELATED STORIES

ജെന്നിഫര്‍ ലോപസ്‌ വിവാഹമോചിതയാവുന്നു

2011-07-16T11:06:00.001+05:30

ന്യൂയോര്‍ക്ക്‌സിറ്റി: ഹോളിവുഡ്‌ താരസുന്ദരി ജെന്നിഫര്‍ ലോപസ്‌ വിവാഹമോചനം തേടുന്നു. പോപ്‌ ഗായകന്‍ മാര്‍ക്ക്‌ ആന്റണിയുമായി ഏഴു വര്‍ഷം നീണ്ട ദാമ്പത്യത്തിനാണ്‌ തിരശീല വീഴുന്നത്‌. വിവാഹമോചന വാര്‍ത്ത ഇരുവരും സംയുക്തമായാണ്‌ ലോകത്തെ അറിയിച്ചത്‌.
വിവാഹമോചനത്തിനുള്ള തീരുമാനം വേദനാജനകമായിരുന്നു. എന്നാല്‍ ഇതല്ലാതെ മറ്റ്‌ വഴികള്‍ മുന്നിലില്ല. അതേസമയം തങ്ങളുടെ സുഹൃദ്‌ബന്ധത്തിനു കോട്ടമൊന്നുമുണ്ടാവില്ലെന്നും മാര്‍ക്കും ജെന്നിഫറും പറഞ്ഞു. സ്വകാര്യതയെ പരസ്‌പരം മാനിക്കുന്നുവെന്നും അവര്‍ കൂട്ടിച്ചേര്‍ത്തു. മൂന്നു വയസ്‌ പ്രായമുള്ള ഇരട്ടക്കുട്ടികളാണ്‌ ഇവര്‍ക്കുള്ളത്‌.
ജെന്നിഫര്‍ ലോപസിന്റെ മൂന്നാമത്തേയും മാര്‍ക്ക്‌ ആന്റണിയുടെ രണ്ടാമത്തേയും വിവാഹമോചനമാണിത്‌. നടി, ഗായിക, നിര്‍മാതാവ്‌, അവതാരക, ഫാഷന്‍ ഡിസൈനര്‍ അങ്ങനെ ഹോളിവുഡിലെ സര്‍വകലാവല്ലഭയായി വാഴുന്ന ജെന്നിഫറിഅവസാന ആല്‍ബം കഴിഞ്ഞ ഏപ്രിലിലാണ്‌ പുറത്തിറങ്ങിയത്‌. നാല്‌ വര്‍ഷത്തെ നിശബ്ദതയ്‌ക്കു ശേഷമുള്ള ജനിഫറിന്റെ മടങ്ങിവരവായിരുന്നു ഹിറ്റായ ലൗ എന്ന ആല്‍ബം. സിനിമയ്‌ക്കൊപ്പം ടെലിവിഷന്‍ അവതാരകയായും തിളങ്ങുന്ന ഈ നാല്‍പത്തിയൊന്നുകാരി ഇനി ആല്‍ബങ്ങളില്‍ സജീവമാകുമെന്നാണ്‌ സൂചന.
RELATED STORIES

രതിനിര്‍വേദത്തില്‍ ലൈംഗികതയെ വില്‍ക്കാന്‍ ശ്രമം: സിബി മലയില്‍

2011-07-15T09:32:00.002+05:30

കോട്ടയം: രതിനിര്‍വേദം പുനസൃഷ്ടിച്ചപ്പോള്‍ ലൈംഗികതയെ വില്‍ക്കാനുള്ള ശ്രമമാണ്‌ മുഴച്ചുനിന്നതെന്ന്‌ സംവിധായകന്‍ സിബിമലയില്‍. കോട്ടയത്തുനിന്നും പറുത്തിറങ്ങുന്ന ഒരു വാരികയ്‌ക്ക്‌ നല്‍കിയ അഭിമുഖത്തിലാണ്‌ ഇക്കാര്യം സിബി പറഞ്ഞത്‌.
രതിനിര്‍വേദം പുനര്‍നിര്‍മ്മിച്ചതിലൂടെ ലൈംഗികതയെ വില്‍ക്കാനാണ്‌ അണിയറ പ്രവര്‍ത്തകര്‍ ശ്രമിച്ചത്‌. പത്മരാജന്‍ ഒരു സെക്‌സ്‌ സിനിമയായല്ല രതിനിര്‍വേദം രൂപപ്പെടുത്തിയത്‌. കുടുംബ ബന്ധങ്ങളിലെ സങ്കീര്‍ണത വെളിപ്പെടുത്തുന്ന ചിത്രമായിരുന്നു പത്മരാജന്റേത്‌. അതുകൊണ്ടുതന്നെ ആ സിനിമ കണ്ടത്‌ കുടുംബ പ്രേക്ഷകരായിരുന്നുവെന്നും സിബി ഓര്‍മിപ്പിച്ചു.
രതിനിര്‍വേദം പുനരവതരിച്ചപ്പോള്‍ സെക്‌സ്‌ വില്‍ക്കാനുള്ള ശ്രമമാണ്‌ നടന്നത്‌. തകരയും അവളുടെ രാവുകളും മറ്റും ഇതേപാതയില്‍ പുനരവതരിപ്പിക്കുമ്പോള്‍ പറ്റാവുന്ന അപകടം കാണാതെ പോകരുതെന്നും സിബി അഭ്യര്‍ത്ഥിക്കുന്നു.

RELATED STORIES

എനിക്ക്‌ എന്റെ സ്വകാര്യത വേണം: നയന്‍താര

2011-07-14T09:57:00.002+05:30

ചെന്നൈ: തന്റെ ജീവിതം മറ്റൊരു ഘട്ടത്തിലേക്ക്‌ കടക്കുകയാണെന്ന്‌ തെന്നിന്ത്യന്‍ താരസുന്ദരി നയന്‍താര. ജീവിതത്തിന്റെ അടുത്ത ഘട്ടത്തിലേക്ക്‌ കടക്കുകയാണ്‌ ഞാനിപ്പോള്‍. സെലിബ്രിറ്റികളുടെ വ്യക്തി ജീവിതത്തിന്‌ പിന്നാലെ മാധ്യമങ്ങള്‍ ഉണ്ടാകുമെന്ന്‌ എനിക്കറിയാം. പക്ഷേ എനിക്കിപ്പോള്‍ സ്വകാര്യത ആവശ്യമാണ്‌. എന്റെ ജീവിതത്തില്‍ എന്തെങ്കിലും സംഭവിക്കുന്നുണ്ടെങ്കില്‍ അത്‌ ഞാന്‍ തന്നെ മാധ്യമങ്ങളെ അറിയിച്ചുകൊള്ളാം - നയന്‍സ്‌ പറയുന്നു.
പ്രഭുദേവയുമായുള്ള വിവാഹത്തെക്കുറിച്ച്‌ പ്രതികരിക്കാന്‍ നയന്‍സ്‌ തയ്യറായില്ല. അതേസമയം താന്‍ വെജിറ്റേറിയന്‍ ആയതും സ്ഥിരമായി ക്ഷേത്രങ്ങള്‍ സന്ദര്‍ശിക്കുന്നതും സിനിമയ്‌ക്ക്‌ വേണ്ടിയാണെന്നും നയന്‍സ്‌ ഓര്‍മിപ്പിച്ചു. ദേവതകളുടെ വേഷങ്ങള്‍ സിനിമയില്‍ അവതരിപ്പിക്കുമ്പോള്‍ ഡൂട്ടിംഗ്‌ തീരുംവരെ ക്ഷേത്രത്തില്‍പോകുന്നതും നോണ്‍വെജ്‌ ഉപേക്ഷിക്കുന്നതും എല്ലാ നടിമാരുടെയും സ്വഭാവമാണ്‌. ഞാന്‍ മാത്രം ആ സ്വഭാവത്തില്‍നിന്ന്‌ മാറിനില്‍ക്കേണ്ടതുണ്ടോ? രാമരാജ്യത്തില്‍ സീതയുടെ വേഷത്തില്‍ അഭിനയിച്ച നയന്‍താര ചോദിച്ചു.
സിനിമ അഭിനയം അവസാനിപ്പിച്ചുവെന്ന്‌ പറഞ്ഞിട്ടില്ല. രാമരാജ്യത്തിനുശേഷം മറ്റൊരു കരാറിലും ഒപ്പിവച്ചിട്ടില്ലെന്നേ പറഞ്ഞിട്ടുള്ളൂ. എനിക്ക്‌ എന്ത്‌ ചെയ്യണമെന്ന്‌ തോന്നുന്നോ അത്‌ ചെയ്യാന്‍ ഒരു തടസവുമില്ല. ഇപ്പോള്‍ ജീവിതം ഒരു മാറ്റത്തിലാണ്‌. ആ മാറ്റം ഞാന്‍ ആസ്വദിക്കുകയും ചെയ്യുന്നു - നയന്‍സ്‌ പറഞ്ഞു.

RELATED STORIES

അശ്ലീല സി ഡി: സണ്‍ ടി വിക്കെതിരെ രഞ്‌ജിത

2011-07-13T11:16:00.002+05:30

ചെന്നൈ: സ്വാമി നിത്യാനന്ദയുമായുള്ള തന്റെ കിടപ്പറ രംഗം സംപ്രേക്ഷണം ചെയ്‌ത സണ്‍ ടി വിക്കെതിരെ നടി രഞ്‌ജിത പരാതി നല്‍കി. ചെന്നൈ സിറ്റി പൊലീസ്‌ കമ്മിഷണര്‍ ഓഫീസില്‍ നേരിട്ടെത്തിയാണ്‌ പരാതി നല്‍കിയത്‌. വ്യാജ സി ഡിയാണ്‌ സണ്‍ ടി വി സംപ്രേക്ഷണം ചെയ്‌തത്‌. തന്റെ മുഖം മോര്‍ഫ്‌ ചെയ്‌താണ്‌ സി ഡിയില്‍ ഉള്‍പ്പെടുത്തിയതെന്നും രഞ്‌ജിത പരാതിയില്‍ പറയുന്നു. ദിനകരന്‍ പത്രം, നക്കീരന്‍ വാരിക എന്നിവയ്‌ക്കെതിരെയും പരാതി നല്‍കിയിട്ടുണ്ട്‌.
സംഭവത്തില്‍ ഇതുവരെ പരാതി നല്‍കാന്‍ തയ്യറാവാതിരുന്നത്‌ ജീവനില്‍ പേടിയുള്ളതിനാലായിരുന്നു. ഭരണമാറ്റത്തോടെ ആ പേടിയൊഴിഞ്ഞതായി രഞ്‌ജിത മാധ്യമപ്രവര്‍ത്തകരോട്‌ പറഞ്ഞു. വന്‍ തുക നല്‍കിയാല്‍ വ്യാജ സി ഡി സംപ്രേക്ഷണം ചെയ്യാതിരിക്കാമെന്ന്‌ ചിലര്‍ തന്നോട്‌ പറഞ്ഞതായും രഞ്‌ജിത വെളിപ്പെടുത്തി. എന്നാല്‍ പണം ആവശ്യപ്പെട്ടവര്‍ ആരെന്ന്‌ വ്യക്തമാക്കാന്‍ അവര്‍ തയ്യാറായില്ല.
മാധ്യമങ്ങള്‍ തന്നെ വ്യക്തിപരമായി അപകീര്‍ത്തിപ്പെടുത്തുകയായിരുന്നു. സ്‌ത്രീത്വതത്തിന്‌ വില കല്‍പ്പിക്കാത്ത രീതിയിലാണ്‌ ചില മാധ്യമങ്ങള്‍ അപവാദ പ്രചരണം നടത്തിയത്‌. കഴിഞ്ഞ ഒന്നര വര്‍ഷമായി ഈ മാധ്യമങ്ങള്‍ തന്നെ വേട്ടയാടുകയായിരുന്നുവെന്നും രഞ്‌ജിത കുറ്റപ്പെടുത്തി.
RELATED STORIES

ചട്ടമ്പിനാടും ശിക്കാറും പറ്റിയ അബദ്ധം: മൈഥിലി

2011-07-12T12:11:00.001+05:30

തിരുവനന്തപുരം: ചട്ടമ്പിനാടിലും ശിക്കാറിലുമൊക്കെ അഭിനയിച്ചത്‌ തനിക്ക പറ്റിയ അബദ്ധമായിരുന്നുവെന്ന്‌ നടി മൈഥിലി. ഇനിമുതല്‍ സഹോദരി വേഷങ്ങള്‍ സ്വീകരിക്കില്ലെന്നും ഒരു വാരികയ്‌ക്ക്‌ നല്‍കിയ അഭിമുഖത്തില്‍ മൈഥിലി പറഞ്ഞു. പലേരിമാണിക്യത്തിനുശേഷം ശ്രദ്ധക്കപ്പെടുന്ന ഒരു വേഷവും തനിക്ക്‌ ഭിച്ചിട്ടില്ല.
മലയാള നടിമാര്‍ അന്യഭാഷയിലേക്ക്‌ ചേക്കേറാന്‍ കാരണം ഇവിടത്തെ നായകന്‍മാരാണ്‌. ഇവിടെ നായികയെ നിശ്ചയിക്കുന്നത്‌ സംവിധായകനല്ല, മറിച്ച്‌ നായകന്‍മാരാണ്‌. എനിക്ക്‌ വന്ന പല നായിക കഥാപാത്രങ്ങളും ഈ നായകന്‍മാര്‍ തട്ടിത്തെറിപ്പിച്ചിട്ടുണ്ട്‌. അത്‌ എനിക്കറിയാം. ഇപ്പോള്‍ ഇങ്ങനെ പറയുന്നതുകൊണ്ട്‌ ഇനി ഒരു വേഷവും കിട്ടിയില്ലെങ്കിലും എനിക്ക്‌ വിഷമമില്ല - മൈഥിലി പറയുന്നു.
RELATED STORIES

രാഹുലിന്റെ പത്‌നിയാകണമെന്ന്‌ ബോബി ഡാര്‍ലിംഗ്‌

2011-07-11T14:38:00.002+05:30

ന്യൂഡല്‍ഹി: ഇന്ത്യന്‍ ക്രിക്കറ്റ്‌ താരം മുനാഫ്‌ പട്ടേലിനെ വിട്ട്‌ ബോബി ഡാര്‍ലിംഗ്‌ പുതിയ മോഹവുമായി രംഗത്ത്‌. ഇത്തവണ ക്രോണിക്‌ ബാച്ചിലറായ രാഹുല്‍ ഗാന്ധിയിലാണ്‌ ബോബി ഡാര്‍ലിംഗിന്റെ കണ്ണ്‌. തന്റെ ആഗ്രഹം രാഹുലിനെ അറിയിക്കാനുള്ള തയ്യാറെടുപ്പിലാണ്‌ ഹോളിവുഡ്‌താരം ബോബി ഡാര്‍ലിംഗ്‌ ഇപ്പോള്‍.
എനിക്ക്‌ രാഹുല്‍ ഗാന്ധിയോട്‌ കടുത്ത ആരാധനയാണ്‌. എനിക്ക്‌ രാഹുലിനെ ഏറെ ഇഷ്ടവുമാണ്‌. രാഹുലിന്‍െ വിവാഹം കഴിച്ച്‌ മിസിസ്‌ രാഹുല്‍ ആകുകയാണ്‌ എന്റെ ഇപ്പോഴത്തെ സ്വപ്‌നം. ഒരു തവണയെങ്കിലും നേരില്‍ കാണാന്‍ അവസരം ലഭിച്ചാല്‍ എനിക്ക്‌ രാഹുലിനെ എത്രത്തോളം ഇഷ്ടമാണെന്ന്‌ മനസിലക്കിക്കൊടുക്കുമെന്നും ബോബി ഡാര്‍ലിംഗ്‌ പറയുന്നു.
RELATED STORIES

ആളുകള്‍ക്ക്‌ ഞങ്ങളോട്‌ അസൂയ: ശില്‍പ ഷെട്ടി

2011-07-08T17:00:00.002+05:30

മുംബൈ: ആളുകള്‍ക്ക്‌ തങ്ങളോട്‌ അസൂയയാണെന്ന്‌ ശില്‍പ ഷെട്ടി. തങ്ങളുടെ സന്തോഷം അവര്‍ക്ക്‌ അംഗീകരിക്കാനാവുന്നില്ല. അതുകൊണ്ടാണ്‌ താനും രാജ്‌കുന്ദ്രേയും വഴിപിരിയുന്നുവെന്ന ഗോസിപ്പുകള്‍ അവര്‍ ഇറക്കുന്നത്‌.
ഈ ഗോസിപ്പില്‍ സത്യമില്ലെന്ന്‌ ഞങ്ങള്‍ക്കറിയാം. രാജിന്റെ അസിസ്‌റ്റന്റാണ്‌്‌ കഥയിലെ പ്രതിനായിക. കഥകള്‍കേട്ട്‌ അവള്‍ വല്ലാതെ പേടിച്ചുപോയി. ഞാന്‍ ദുബായില്‍ പോയപ്പോള്‍ അവളെ കണ്ടിരുന്നു. ഒരു പാവം സുന്ദരിക്കുട്ടിയാണ്‌ അവളെന്നും ശില്‍പ പറഞ്ഞു.
ഈ കഥകള്‍ക്ക്‌ പിന്നില്‍ ദുബായിലെ ഒരു ഡോക്ടറാണെന്ന്‌ രാജ്‌കുന്ദ്രേ പറഞ്ഞു. ആ ഡോക്ടറുടെ ക്ലനിക്കില്‍ ജോലി ചെയ്‌തിരുന്ന കുട്ടിയാണ്‌ തന്റെ കമ്പനിയില്‍ ചേര്‍ന്നത്‌. മൂന്ന്‌ മാസമായി അവള്‍ തങ്ങള്‍ക്കൊപ്പം പ്രവര്‍ത്തിച്ചുവരുകയാണെന്നും രാജ്‌ പറഞ്ഞു.

RELATED STORIES

ബേനസിറില്‍ പ്രണയം എനിക്കായിരുന്നില്ല: ഇമ്രാന്‍ഖാന്‍

2011-07-08T12:03:00.001+05:30

ഇസ്ലഘാമാബാദ്‌: കൊല്ലപ്പെട്ട ബേനസിര്‍ അലി ഭൂട്ടോയില്‍ താത്‌പര്യമുണ്ടായിരുന്നത്‌ തന്റെ കസിനാണെന്ന്‌ പാക്‌ ക്രിക്കറ്റ്‌ ടീമിന്റെ മുന്‍ നായകന്‍ ഇമ്രാന്‍ഖാന്‍. തന്റെ പുതിയ ജീവചരിത്രത്തിലാണ്‌ ഇമ്രാന്‍ ഇക്കാര്യം വെളിപ്പെടുത്തുന്നത്‌.
ബേനസിറുമായി തനിക്ക്‌ നല്ല സൗഹൃദമുണ്ടായിരുന്നു. ഞങ്ങള്‍ രണ്ടാളും പരസ്‌പരം ബഹുമാനിച്ചുമിരുന്നു. പക്ഷേ പ്രണയമായിരുന്നില്ല. എന്റെ ഒരു കസിനാണ്‌ ബോനസിറിനോട്‌ താത്‌പര്യമുണ്ടായിരുന്നത്‌. കസിനെ പരിചയപ്പെടുത്തിയപ്പോള്‍ അതേ താത്‌പര്യം ബേനസിറിലും കണ്ടാതായി ഇമ്രാന്‍ പറഞ്ഞുവെന്ന്‌ ജീവചരിത്രകാരനായ ഫ്രാങ്ക്‌ ഹുസൂര്‍ വെളിപ്പെടുത്തി.
ഇമ്രാന്‍ വെഴ്‌സസ്‌ ഇമ്രാന്‍ എന്ന പുസ്‌തകത്തില്‍ ബേനസിറിനെ വാനോളം പുകഴ്‌ത്തുന്നുണ്ട്‌ ഇമ്രാന്‍ഖാന്‍.

റീമയെ ഒഴിവാക്കിയതിന്‌ പിന്നില്‍ ഞാനല്ല: സഞ്‌ജന

2011-07-06T11:08:00.002+05:30

ബാംഗ്ലൂര്‍: ഷാജി കൈലാസിന്റെ മമ്മൂട്ടി ചുത്രത്തില്‍നിന്നും റീമയെ ഒഴിവാക്കിയതിന്‌ പിന്നില്‍ താനല്ലെന്ന്‌ കാസനോവ നായിക സഞ്‌ജന. റീമയെ ഒഴിവാക്കിയത്‌ എന്തിനാണെന്നും എനിക്കറിയില്ല. ഞാന്‍ ഹൈദ്രാബാദില്‍ ആയിരിക്കുമ്പോഴാണ്‌ ചിത്രത്തില്‍ നായികയായി അഭിനയിക്കാന്‍ പറ്റൂമോയെന്ന്‌ ഷാജി കൈലാസ്‌ വിളിച്ചുചോദിച്ചത്‌. മമ്മൂട്ടിയുടെ നായികയാവാനുള്ള ക്ഷണം നിരസിക്കണമെങ്കില്‍ എനിക്ക്‌ വട്ടായിരിക്കണം.
മോഹന്‍ലാലിന്റെ നായികയായാണ്‌ ഞാന്‍ മലയാളത്തില്‍ ആദ്യം വന്നത്‌. രണ്ടാമത്തെ മലയാളചിത്രത്തില്‍ മമ്മൂട്ടിയുടെ നായികയാകാന്‍ കഴിയുകയെന്നത്‌ ഭാഗ്യമാണ്‌ മമ്മൂട്ടിയും മോഹന്‍ലാലും മലയാളത്തിലെ ഷാറൂഖും സല്‍മാനുമാണ്‌. അങ്ങനെയുള്ളവരുടെ നായികയാവാന്‍ അവസരം ലഭിച്ചാല്‍ അത്‌ എങ്ങനെ നിരസിക്കും.
റീമ എന്റെ സുഹൃത്താണ്‌. എന്റെ അവസ്ഥ റീമയ്‌ക്ക്‌ മനസിലാവുമെന്ന്‌ പ്രതീക്ഷിക്കുന്നു. റീമയെ അവര്‍ ഒഴിവാക്കിയ സ്ഥിതിക്ക്‌ ഞാനല്ലങ്കില്‍ വേറെ ആരെങ്കിലും ആ വേഷം അഭിനയിക്കും. പിന്നെ ഇതൊക്കെ സിനിമാ രംഗത്ത്‌ സര്‍വസാധാരണമാണെന്ന്‌ റീമ തിരിച്ചറിയണമെന്നും സഞ്‌ജന പറഞ്ഞു.

RELATED STORIES

വിദേശകളിക്കാര്‍ വേണ്ടെന്ന്‌ ശ്രീലങ്കന്‍ പ്രീമിയര്‍ ലീഗ്‌

2011-07-05T17:35:00.001+05:30

കൊളംബോ: ഐ പി എല്‍ മാതൃകയില്‍ നടത്തുന്ന ശ്രീലങ്കന്‍ പ്രീമിയര്‍ ലീഗില്‍ വിദേശകളിക്കാര്‍ ഉണ്ടാകില്ല. വിദേശ കളിക്കാര്‍ക്ക്‌ നല്‍കേണ്ടിവരുന്ന ഭീമമായ പ്രതിഫലമാണ്‌ ഇത്തരത്തിലൊരു തീരുമാനത്തിലേയ്‌ക്ക്‌ ശ്രീലങ്കന്‍ ക്രിക്കറ്റ്‌ ബോര്‍ഡിനെ നയിച്ചത്‌. ഇതോടെ ശ്രീലങ്കന്‍ പ്രീമിയര്‍ ലീഗിന്‌ നിറം മങ്ങുമെന്ന്‌ ഉറപ്പായി.
ഇന്ത്യ, പാകിസ്ഥാന്‍, ഓസ്‌ട്രേലിയ, വെസ്‌റ്റ്‌ ഇന്‍ഡീസ്‌, ന്യൂസിലാന്‍ഡ്‌ തുടങ്ങിയ രാജ്യങ്ങളില്‍നിന്നും 19 താരങ്ങളാണ്‌ ശ്രീലങ്കന്‍ പ്രീമിയര്‍ ലീഗില്‍ കളിക്കാന്‍ സമ്മതമറിയിച്ചിരുന്നത്‌. എന്നാല്‍ മത്സരത്തില്‍നിന്നും ഇന്ത്യന്‍ താരങ്ങള്‍ക്ക്‌ ബി സി സി ഐ വിലക്ക്‌ ഏര്‍പ്പെടുത്തിയ നടപടിയാണ്‌ ശ്രീലങ്കന്‍ ലീഗിന്‌ തിരിച്ചടിയായത്‌.
ഇന്ത്യന്‍ താരങ്ങളില്ലെങ്കില്‍ ക്രിക്കറ്റ്‌ മതമായി മാറിയ ഇന്ത്യയില്‍ മത്സരം കാണാന്‍ ആളുണ്ടാവില്ല. അത്‌ പരസ്യവരുമാനത്തെ പ്രതികൂലമായി ബാധിക്കും. ടെലിവിഷന്‍ സംപ്രേക്ഷണാവകാത്തിലൂടെ ലഭിക്കുന്ന വരുമാനവും കുറയും. ഈ സ്ഥിതിയില്‍ വിദേശതാരങ്ങള്‍ക്ക്‌ അവര്‍ ചോദിക്കുന്ന പ്രതിഫലം നല്‍കാന്‍ കഴിയില്ല. അതുകൊണ്ടാണ്‌ വിദേശതാരങ്ങളെ ഒഴിവാക്കുന്നതെന്ന്‌ ശ്രീലങ്കന്‍ ക്രിക്കറ്റ്‌ ബോര്‍ഡ്‌ വൃത്തങ്ങള്‍ അറിയിച്ചു.

RELATED STORIES

പ്രഭുദേവയ്‌ക്ക്‌ വിവാഹമോചനം രണ്ട്‌ ദിവസത്തിനകം

2011-07-05T14:19:00.001+05:30

ചെന്നൈ: നയന്‍താരയുമായി വിവാഹത്തിനൊരുങ്ങുന്ന പ്രഭുദേവയ്‌ക്ക വിവാഹമോചനം ഉടന്‍ ലഭിക്കം. ആദ്യഭാര്യ റംലത്തില്‍നിന്നും പ്രഭുദേവയ്‌ക്ക്‌ ചൈന്നൈ കോടതിയില്‍നിന്നും വിവാഹമോചനം അനുവദിച്ചുകൊണ്ടുള്ള ഉത്തരവ്‌ ദിവസങ്ങള്‍ക്കകം വരുമെന്നാണ്‌സൂചന. ഇതോടെ നയന്‍താരയുമായുള്ള വിവാഹത്തിന്‌ തടസങ്ങള്‍ നീങ്ങും.
റംലത്തും പ്രഭുദേവയും സംയുക്തമായി നല്‍കിയ ഹര്‍ജി ചെന്നൈ കുടുംബകോടതി ഈമാസം ഏഴിന്‌ പരിഗണിക്കും. അന്നുതന്നെ വിധിയും ഉണ്ടാകുമെന്നാണ്‌ പ്രതീക്ഷിക്കപ്പെടുന്നത്‌.
കഴിഞ്ഞ ജൂണ്‍ 30 ന്‌ ഇരുവരും സംയുക്തമായി ഹര്‍ജി നല്‍കാനാണ്‌ നേരത്തേ തീരുമാനിച്ചിരുന്നത്‌. എന്നാല്‍ 30ന്‌ റംലത്ത്‌ കോതിയില്‍ എത്തിയില്ല. പിന്നീട്‌ നടന്ന ചര്‍ച്ചകളു െഅടിസ്ഥാനത്തില്‍ രണ്ട്‌ ദിസത്തിനുശേഷം ഇരുവരും സംയുക്തമായി അപേക്ഷ നല്‍കുകയായിരുന്നു.

RELATED STORIES

അച്ഛന്‌ കണ്ണും സഹോദരന്‌ കിഡ്‌നിയും നല്‍കാനായി 12 കാരി ആത്മഹത്യ ചെയ്‌തു

2011-07-04T11:11:00.002+05:30

നഡിയ: അച്ഛന്‌ കണ്ണും സഹോദരന്‌ കിഡ്‌നിയും നല്‍കാനായി 12കാരി ആത്മഹത്യ ചെയ്‌തു. പക്ഷേ ആത്മഹത്യാ കുറിപ്പ്‌ കണ്ടെടുക്കാന്‍ താമസിച്ചതിനാല്‍ 12 കാരിയുടെ ആഗ്രഹം സഫലമാകാതെപോയി.
ധന്‍തലായിലെ ത്സോര്‍പാറയിലാണ്‌ സംഭവം. കഴിഞ്ഞ ജൂണ്‍ 27 നാണ്‌ ആറാം ക്ലാസ്‌ വിദ്യാര്‍ഥിനിയായ മുംപി സര്‍ക്കാര്‍ വിഷം കഴിച്ചത്‌. മുംപിയുടെ അച്ഛന്‍ മൃദുല്‍ സര്‍ക്കാര്‍ ദിവസവേതനക്കാരനാണ്‌. ദൂരക്കാഴ്‌ച നഷ്ടപ്പെട്ട മൃദുലിന്‌ കാഴ്‌ച ശരിയാകാന്‍ ഓപറേഷന്‍ വേണമെന്നാണ്‌ ഡോക്ടര്‍മാര്‍ പറഞ്ഞത്‌. കിഡ്‌നി തകരാറിലായ സഹോദരനും ശസ്‌ത്രക്രിയ ആവശ്യമുണ്ട്‌.
ഇത്‌ സംബന്ധിച്ച മുതിര്‍ന്നവരുടെ സംഭാഷണം കേട്ട മുംപി അച്ഛന്‌ കണ്ണും സഹോദരന്‌ കിഡ്‌നിയും നല്‍കാനായി സ്വയം ജീവനൊടുക്കാന്‍ തീരുമാനിച്ചു. എട്ടാം ക്ലാസില്‍ പഠിക്കുന്ന സഹോദരിയോട്‌ ഇതേക്കുറിച്ച്‌ പറഞ്ഞെങ്കിലും അവള്‍ ചിരിച്ചുതള്ളുകയായിരുന്നു. തുടര്‍ന്നാണ്‌ വീട്ടില്‍ ആരും ഇല്ലാത്ത സമയത്ത്‌ മുംപി കീടനാശിനി കഴിച്ചത്‌.
പിന്നീട്‌ അച്ഛന്റെ അടുത്തേക്ക പോയ മുംപി ഒരാള്‍ തന്നെ ബലം പ്രയോഗിച്ച്‌ കീടനാശിനി കഴിപ്പിച്ചുവെന്നും വയറ്‌ വേദനിക്കുന്നുമെവന്നും പറഞ്ഞു. ഉടന്‍തന്നെ മംപിയെ അടുത്തുള്ള ആശുപത്രിയില്‍ മൃദുല്‍ എത്തിച്ച്‌ ചികിത്സ ലഭ്യമാക്കിയെങ്കിലും ഫലമുണ്ടാകാതെപോയി. മുംപിയുടെ സംസ്‌കാര ചടങ്ങുകള്‍ എല്ലാം കഴിഞ്ഞാണ്‌ ആത്മഹത്യാ കുറിപ്പ്‌ വീട്ടുകാരുടെ കയ്യില്‍ ലഭിച്ചത്‌.

മരിയ എന്റെ നായിക

2011-07-02T12:15:00.002+05:30

ന്യൂഡല്‍ഹി: നീരജ്‌ ഗ്രോവര്‍ വധക്കേസില്‍ ശിക്ഷ കഴിഞ്ഞ പുറത്തിറങ്ങിയ കന്നഡനടി മരിയ സൂസൈരാജായിരിക്കും തന്റെ പുതിയ നായികയെന്ന്‌ രാം ഗോപാല്‍ വര്‍മ്മ. മരിയയെ നായികയാക്കി ചിത്രമെടുക്കുന്നതിന്‌ അവരുമായി കരാറില്‍ ഏര്‍പ്പെടാന്‍ താന്‍ ശ്രമിക്കുകയാണെന്ന്‌ രാംഗോപാല്‍ വര്‍മ്മ തന്റെ ട്വിറ്റിലൂടെ അറിയിച്ചു. ഒരു നടിയെന്ന നിലയില്‍ പേരെടുക്കാന്‍ ആഗ്രഹിച്ച മരിയക്ക്‌ കൊലപാതകകേസിലെ പ്രതിയെന്ന കുപ്രസിദ്ധിയാണ്‌ ലഭിച്ചത്‌. ഇപ്പോള്‍ മരിയ ജയില്‍ മോചിതയായി. അവരുമായി ഒരു കരാറുണ്ടാക്കണമെന്നാണ്‌ തന്റെ ആഗ്രഹമെന്നും രാംഗോപാല്‍ വര്‍മ്മ പറയുന്നു. വര്‍മ്മയുടെ നോട്ട്‌ എ ലവ്‌ സ്‌റ്റോറി എന്ന സിനിമ നീരജ്‌ ഗ്രോവര്‍ വധക്കേസിനെ ആസ്‌പദമാക്കി നിര്‍മ്മിച്ചതായിരുന്നു.
RELATED STORIES

മര്‍ഡര്‍ 2 ല്‍ മല്ലികയെ വേണ്ട: മഹേഷ്‌ ഭട്ട്‌

2011-07-01T17:27:00.001+05:30

മുംബൈ: മര്‍ഡര്‍ 2 ല്‍ മല്ലിക ഷെരാവത്തിന്റെ ആവശ്യമില്ലെന്ന്‌ സംവിധായകന്‍ മഹേഷ്‌ഭട്ട്‌. ഞങ്ങള്‍ക്ക്‌ മല്ലികയെ ഈ സിനിമയിലേക്ക്‌ ആവശ്യമില്ല. മര്‍ഡറില്‍ മല്ലിക വേണമായിരുന്നു. അത്‌ നായികാ പ്രാധാന്യമുള്ള സിനിമയായിരുന്നു. മര്‍ഡര്‍ 2 ആകട്ടെ നായക പ്രാധാന്യമുള്ള സിനിമയാണ്‌. അതുകൊണ്ടുതന്നെ മല്ലിക ഷെരാവത്തിനെ ഈ സിനിമയില്‍ ആവശ്യവുമില്ല. മര്‍ഡര്‍ 3, മര്‍ഡര്‍ 4 ഒക്കെ പ്ലാന്‍ ചെയ്യുന്നുണ്ട്‌. ആ സിനിമകളിലും മല്ലിക വേണ്ടിവരുമെന്ന്‌ തോന്നുന്നില്ലെന്നും മഹേഷ്‌ഭട്ട്‌ പറഞ്ഞു.
ശ്രീലങ്കന്‍ നടി ജാക്വലിന്‍ ഫെര്‍ണാണ്ടസ്‌ ആണ്‌ മര്‍ഡര്‍ 2 ല്‍ നായികയായി എത്തുന്നത്‌. കഥാപാത്രത്തിന്‌ തീര്‍ത്തും അനുയോജ്യയെന്ന കണ്ടതിനാലാണ്‌ ജാക്വിലിനെ തിരഞ്ഞെടുത്തത്‌. വളരെ ബോള്‍ഡായ രംഗങ്ങളില്‍ അഭിനയിക്കാന്‍ ഇന്ത്യന്‍ നായികമാര്‍ക്ക്‌ മടിയാണെന്നതും ഈ തിരഞ്ഞെടുക്കലിന്‌ കാരണമായതായി അദ്ദേഹം വ്യക്തമാക്കി.

RELATED STORIES

പഞ്ചാബിലെ വിദ്യാലയങ്ങളില്‍ ലതര്‍ ഷൂവിന്‌ നിരോധനം

2011-07-01T13:22:00.002+05:30

ചണ്ഡിഗഡ്‌: പഞ്ചാബിലെ സര്‍ക്കാര്‍ ഉടമസ്ഥതയിലുള്ള സ്‌കൂളുകളില്‍ മൃഗങ്ങളുടെ തോല്‍ ഉപയോഗിച്ച്‌ നിര്‍മിക്കുന്ന ഷൂവിന്‌ നിരോധനം. ഇത്‌ സംബന്ധിച്ച നിര്‍ദ്ദേശം പഞ്ചാബിലെ ഡയറക്ടര്‍ ഓഫ്‌ പബ്ലിക്‌ ഇന്‍സ്‌ട്രക്ഷന്‍ (ഡി പി ഐ) എല്ലാ സ്‌കൂള്‍ മേധാവികള്‍ക്കും നല്‍കിക്കഴിഞ്ഞു.
പ്യൂപ്പിള്‍ ഫോര്‍ ദ എത്തിക്കല്‍ ട്രീറ്റ്‌മെന്റ്‌ ഓഫ്‌ അനിമല്‍ (പേട്ട) പഞ്ചാബ്‌ മുഖ്യമന്ത്രി പ്രകാശ്‌ സിംഗ്‌ ബാദലിന്‌ നല്‍കിയ അപേക്ഷ പരിഗണിച്ചാണ്‌ ഈ നടപടി. ഷൂ നിര്‍മാണത്തിനുള്ള തോല്‍ ലഭിക്കാനായി മൃഗങ്ങളെ കൊന്നൊടുക്കുന്നത്‌ തടയാനുള്ള നടപടിയുടെ ഭാഗമാണ്‌ ഇപ്പോഴത്തെ നിര്‍ദ്ദേശം. തോല്‍ ഉപയോഗിച്ചുളള ഷൂവിനു പകരം കാന്‍വാസ്‌ ഉപയോഗിക്കാനാണ്‌ നിര്‍ദ്ദേശം. കുട്ടികള്‍ക്ക്‌ കൂടുതല്‍ സൗകര്യവും അതായിരിക്കുമെന്നും അധികൃതര്‍ ചൂണ്ടിക്കാട്ടിയിട്ടുണ്ട്‌.
കാള, എരുമ, ആട്‌ തുടങ്ങിയ മൃഗങ്ങളുടെ തോലും വന്‍തോതില്‍ രാസവസ്‌തുക്കളും ഉപയോഗിച്ചാണ്‌ തോല്‍ കൊണ്ടുള്ള ഷൂ നിര്‍മിക്കുന്നത്‌. ഇത്തരം ഷൂ നിര്‍മാണ യൂണിറ്റുകളില്‍ പ്രവര്‍ത്തിക്കുന്നവരില്‍ കാന്‍സര്‍ അടക്കമുള്ള നിരവധി ആരോഗ്യ പ്രശ്‌നങ്ങളും പ്രത്യക്ഷപ്പെടുന്നുണ്ടെന്ന്‌ പേട്ട വക്താവ്‌ ഹിമാനി ഷെട്ടി ചൂണ്ടിക്കാട്ടുന്നു.

RELATED STORIES

ഐ പി എല്‍ പാര്‍ട്ടികള്‍ കാരണം കളിമറക്കും: ഒറാം

2011-05-23T14:35:00.001+05:30

വെല്ലിംഗ്‌ടണ്‍: ഐ പി എല്‍ പാര്‍ട്ടികള്‍ കാരണം കളിക്കാര്‍ കളിമറക്കുന്ന അവസ്ഥയുണ്ടാകുമെന്ന്‌ രാജസ്ഥാന്‍ റോയല്‍സിന്റെ വിദേശതാരം ജേക്കബ്‌സ്‌ ഒറാം. പാര്‍ട്ടികള്‍ കാരണം ക്രിക്കറ്റ്‌ കളിക്കാനാണ്‌ തങ്ങള്‍ എത്തിയതെന്ന കാര്യംപോലും മറക്കുമെന്നും ഈ ന്യൂസിലാന്‍ഡ്‌ താരം പറയുന്നു.
ഓരോ മത്സരങ്ങള്‍ കഴിയുമ്പോഴും ഐ പി എല്‍ പാര്‍ട്ടികളുണ്ടാവും. അത്‌ മറ്റൊരു ലോകമാണ്‌. ബോഡിവുഡ്‌ താരങ്ങള്‍ മുഴുവന്‍ ഉണ്ടാകും. ഫാഷന്‍ പരേഡ്‌ നടക്കുന്നുണ്ടാവും. ആര്‍ക്കും സൗജന്യമായി എത്രവേണേലും മദ്യപിക്കാം. ചുറ്റും ചിയര്‍ഗേള്‍സും. നമ്മള്‍ അതില്‍ മതിമറന്നുപോകും. യാഥാര്‍ത്ഥ്യത്തില്‍നിന്നും വളരെയകലെയാണ്‌ ആ ലോകം.
ഇവിടെ എത്തിയത്‌ ക്രിക്കറ്റ്‌ കളിക്കാനാണെന്ന കാര്യംപോലും മറന്നുപോകും. ശരിയായി പരിശീലനം നടക്കില്ല. എതിര്‍ടീമുകളുടെ പ്രകടനം ടി വിയില്‍കണ്ട്‌ വിലയിരുത്തലും നടക്കില്ലെന്നും ഒറാം ചൂണ്ടിക്കാട്ടുന്നു.

RELATED STORIES

വൃദ്ധന്റെ റോളോ!!! അടി: രണ്‍ബീര്‍

2011-05-23T08:07:00.002+05:30

മുംബൈ: തന്റെ പ്രായത്തില്‍കൂടുതല്‍ തോന്നിക്കുന്ന വേഷങ്ങളോട്‌ ബോളിവുഡ്‌ സൂപ്പര്‍താരം രണ്‍ബീറിന്‌ വെറുപ്പാണ്‌. എത്ര നല്ല വേഷമായിരുന്നാലും അത്തരം വേഷങ്ങളുമായി തന്റെ മുന്നില്‍ എത്തരുതെന്നാണ്‌ രണ്‍ബീര്‍തന്നെ സൂചിപ്പിച്ചിട്ടുള്ളത്‌. തന്റെ ഗ്ലാമറിന്‌ കോട്ടംതട്ടിക്കുന്ന ഒരുവേഷവും എടുക്കില്ലത്രേ.
അടുത്തിടെ ഒരു നിര്‍മ്മാതാവ്‌ പുതിയ കഥയുമായി രണ്‍ബീറിനെ കാണാനെത്തി. വീര്‍ സാറ മാതൃകയിലെ കഥയുമായാണ്‌ നിര്‍മ്മാതാവ്‌ എത്തിയത്‌. കഥ രണ്‍ബീറിന്‌ ഇഷ്ടപ്പെട്ടു. പക്ഷേ ഉണ്ടായ ഇഷ്ടമൊക്കെ വേഷത്തെക്കുറിച്ച്‌ കേട്ടപ്പോള്‍ പോയി. ആടിപ്പാടി പ്രണയിച്ചുനടക്കുന്ന കോളജുകുമാരനായാണ്‌ ആദ്യപകുതിയില്‍ രണ്‍ബീര്‍ എത്തേണ്ടത്‌. എന്നാല്‍ രണ്ടാം പകുതിയില്‍ പ്രായം ചെന്നയാളാവണം.
കേട്ടപാതി കേള്‍ക്കാത്തപാതി ഒരലര്‍ച്ചയോടെ രണ്‍ബീര്‍ ചാടിയെണീറ്റു. അടികിട്ടാതെ അവിടെനിന്നും രക്ഷപ്പെടാനായത്‌ നിര്‍മ്മാതാവിന്റെ ഭാഗ്യം.

RELATED STORIES

സ്ലെഡ്‌ജിംഗിന്‌ പരിഹാരം ഐ പി എല്‍: വോണ്‍

2011-05-21T16:23:00.001+05:30

മുംബൈ: ക്രിക്കറ്റിലെ മാന്യതയില്ലാത്ത പെരുമാറ്റത്തിന്‌ അവസാനം കുറിക്കാന്‍ ഐ പി എല്ലിന്‌ കഴിയുമെന്ന്‌ രാജസ്ഥാന്‍ റോയല്‍സിന്റെ സ്ഥാനമൊഴിയുന്ന ക്യാപ്‌ടന്‍ ഷെയ്‌ന്‍ വോണ്‍. ഐ പി എല്‍ മത്സര സമയത്ത്‌ മറ്റ്‌ മത്സരങ്ങള്‍ നടത്താതിരിക്കാന്‍ ഐ സി സി ശ്രദ്ധിക്കണമെന്നും വോണ്‍ പറയുന്നു.
എല്ലാ രാജ്യങ്ങളിലേയും കളിക്കാര്‍ക്ക്‌ ഐ പി എല്ലില്‍ കളിക്കാന്‍ അവസരം ലഭിക്കണം. അതിന്‌ ഐ പി ല്‍ നടക്കുന്ന സമയത്ത്‌ മറ്റ്‌ മത്സരങ്ങള്‍ ഉണ്ടാവാതെ കലണ്ടര്‍ ക്രമീകരിക്കാ ഐ സി സി തയ്യാറാവണം. അങ്ങനെ ചെയ്‌താല്‍ ക്രിക്കറ്റിലെ മാന്യതയില്ലാത്ത പൊരുമാറ്റങ്ങള്‍ക്ക്‌ പരിഹാരം കാണാനാവും.
ഐ പി എല്ലില്‍ വിവിവധ ടീമുകളിലായാവും വിദേശ കളിക്കാര്‍ എത്തുക. ഇങ്ങനെ ഇടകലര്‍ന്ന്‌ കളിക്കുകവഴി ഒരു സൗഹൃദം ഈ കളിക്കാര്‍ക്കിടയില്‍ ഉണ്ടാകും. ഇതിലൂടെ എതിരാളിയെ അസഭ്യം പറയുന്നതടക്കമുള്ള അമാന്യ പ്രവൃത്തികള്‍ക്ക്‌ കുറവുണ്ടാകുകയും ചെയ്യുമെന്നും വോണ്‍ പറയുന്നു.

RELATED STORIES

ബിപാഷയോട്‌ മാപ്പ്‌ ചോദിക്കുന്നു: അമര്‍സിംഗ്‌

2011-05-21T11:10:00.001+05:30

മുംബൈ: മാധ്യമങ്ങള്‍ പുറത്തുവിട്ട ബിപാഷ - അമര്‍സിംഗ്‌ ടെലിഫോണ്‍ സംഭാഷ ടേപ്പ്‌ വ്യാജമാണെന്ന്‌ അമര്‍സിംഗ്‌. ഇക്കാര്യത്തില്‍ ബിപാഷയ്‌ക്കുണ്ടായ മാനസിക വിഷമത്തിന്‌ താന്‍ നിര്‍വ്യാജം ക്ഷമചോദിക്കുന്നതായും അമര്‍ സിംഗ്‌ വ്യക്തമാക്കി. ഇരുവരും അശ്ലീലചുവയോടെ സംസാരിക്കുന്ന ടേപ്പാണ്‌ മാധ്യമങ്ങള്‍ പുറത്തുവിട്ടത്‌.
ടേപ്പിലെ സംഭാഷണങ്ങള്‍ തന്റെതു തന്നെയാണെന്ന്‌ അമര്‍ സിംഗ്‌ സമ്മതിച്ചു. എന്നാല്‍ മറ്റൊരിടത്ത്‌ പറഞ്ഞ കാര്യങ്ങള്‍ വേടെയാരുടേയോ സംസാരവുമായി കൂട്ടിച്ചേര്‍ക്കുകയായിരുന്നുവെന്നാണ്‌ അമര്‍സിംഗിന്റെ പക്ഷം.
ഞാന്‍ വയസായ ഒരാളാണ്‌. സത്രീകളില്‍ എനിക്ക്‌ താത്‌പര്യവുമില്ല. എന്നിട്ടും ഇങ്ങനെ ചെയ്യുന്നത്‌ ശരിയല്ല. ആ സി ഡിയിലെ സംഭാഷണം എങ്ങനെയാണ്‌ ബിപാഷയുടേതാണെന്ന്‌ മാധ്യമങ്ങള്‍ ഉറപ്പിച്ചത്‌ എന്ന്‌ മനസിലാകുന്നില്ല. ഈ കൃത്രിമ സി ഡിക്കു പിന്നില്‍ പ്രവര്‍ത്തിച്ചത്‌ ആരാണെന്ന്‌ എനിക്കറിയാം. സിനിമയില്‍ തിളക്കം മങ്ങിനില്‍ക്കുന്ന ഒരു അഭിനേതാവാണ്‌. എന്നെയും ബിപാഷയേയും കുറിച്ച്‌ തെറ്റായ വാര്‍ത്തകള്‍ പ്രചരിപ്പിക്കുന്നതിന്‌ പിന്നില്‍ ആ അഭിനേതാവാണ്‌. മനൃഷ്യന്‍ തീര്‍ത്തും നിസഹായകനായിപ്പോകുന്ന അവസ്ഥയിലാണ്‌ താനെന്നും അമര്‍ സിംഗ്‌ പറഞ്ഞു.

RELATED STORIES

കുറ്റം ഏല്‍ക്കുന്നു. എന്നോടു ക്ഷമിക്കൂ: പൃഥ്വിരാജ്‌

2011-05-17T23:35:00.001+05:30

തിരുവനന്തപുരം: ഞാന്‍ കുറ്റം ഏല്‍ക്കുന്നു. എന്നോടു ക്ഷമിക്കൂ. എന്റെ വിവാഹം ഒരു മീഡിയാ ഈവന്റാക്കാന്‍ ആഗ്രഹമില്ലാഞ്ഞിട്ടാണ്‌ ഞാനത്‌ രഹസ്യമാക്കി വെച്ചത്‌''- നടന്‍ പൃഥ്വിരാജ്‌ വിശദീകരിച്ചു. പ്രസ്‌ക്ലബില്‍ നടന്ന മുഖാമുഖം പരിപാടിയില്‍ സംസാരിക്കുകയായിരുന്നു പൃഥ്വിരാജ്‌.
സ്വാകാര്യതയെ ഏറെ ഇഷ്‌ടപ്പെടുന്നതിനാലാണ്‌ തന്റെ വിവാഹം മാധ്യമങ്ങളില്‍ നിന്ന്‌ രഹസ്യമാക്കിവച്ചത്‌. വിവാഹം സംബന്‌ധിച്ച ചോദ്യത്തിന്‌ ഉത്തരം പറയാന്‍ താന്‍ ബാധ്യസ്‌ഥാനാണ്‌. യാഥാര്‍ത്ഥത്തില്‍ രണ്ട്‌ കാരണങ്ങള്‍ കൊണ്ടാണ്‌ താന്‍ വിവാഹക്കാര്യം രഹസ്യമാക്കിവച്ചത്‌. തന്റെ ഭാര്യയായ സുപ്രിയാ മേനോന്‍ ഒരു മാധ്യമ പ്രവര്‍ത്തകയാണ്‌. തിരഞ്ഞെടുപ്പ്‌ വാര്‍ത്തകള്‍ എടുക്കാനായി സുപ്രിയയ്‌ക്ക്‌ കേരളത്തിലും വരേണ്ടി വരും. താന്‍ പേര്‌ വെളിപ്പെടുത്തിയാല്‍ അത്‌ സുപ്രിയയുടെ ജോലിയെ ബാധിക്കും.
താനിഷ്‌ടപ്പെടുന്ന പെണ്‍കുട്ടിയെ താലിക്കെട്ടുന്നത്‌ അച്‌ഛന്റെ ഫോട്ടോയുടെ മുന്നില്‍ വച്ചായിരിക്കണമെന്നും ചടങ്ങിന്‌ സാക്ഷിയാകാന്‍ വളരെ അടുത്ത ബന്‌ധുക്കള്‍ മാത്രമെ പാടുള്ളൂ എന്നതും ആഗ്രഹമായിരുന്നു.
പ്രതീക്ഷാ മേനോന്‍ എന്ന മുംബയിലെ മാധ്യമ പ്രവര്‍ത്തകയുമായി പ്രണയത്തിലല്ല എന്നാണ്‌ ഞാന്‍ അഭിമുഖങ്ങളില്‍ പറഞ്ഞിരുന്നത്‌. ഭാര്യയ്‌ക്കും തനിക്കും തുല്ല്യ പങ്കാളിത്തമുള്ള ദാമ്പത്യ ജീവിതമാണ്‌ നയിക്കുന്നതെന്നും പൃഥ്വിരാജ്‌ പറഞ്ഞു. വിവാഹം കഴിഞ്ഞുവെന്നു കരുതി സിനിമയില്‍ തന്റെ മാര്‍ക്കറ്റിന്‌ കുറവൊന്നും സംഭവിച്ചിട്ടില്ലെന്നും മാധ്യമപ്രവര്‍ത്തകരുടെ ചോദ്യത്തിന്‌ പൃഥ്വി മറുപടി പറഞ്ഞു.

RELATED STORIES

ശ്വേതാ മേനോന്‍ വിവാഹിതയാവുന്നു

2011-05-12T08:32:00.000+05:30

തിരുവനന്തപുരം: നടി ശ്വേതാ മോഹന്‍ വിവാഹിതയാവുന്നു. വള്ളത്തോളിന്റെ ചെറുമകന്‍ ശ്രീവത്സന്‍ മേനോനാണ്‌ വരന്‍. മുംബൈയില്‍നിന്നും പുറത്തിറങ്ങുന്ന ഒരു മാഗസിന്റെ എഡിറ്ററാണ്‌ ശ്രീവത്സന്‍. ഇരും കഴിഞ്ഞ കുറേ നാളുകളായി പ്രണയത്തിലായിരുന്നു.
ഈമാസം 18 ന്‌ വളാഞ്ചേരിയിലാണ്‌ കല്ല്യാണചടങ്ങുകള്‍ നടക്കുക. ശ്വേതയുടെ അമ്മയുടെ തറവാട്‌ വളാഞ്ചേരിയിലാണ്‌. വിവാഹവാര്‍ത്തയോട്‌ ഇരുവരും ഇതുവരെ പ്രതികരിച്ചിട്ടില്ല. ഒരു സ്‌റ്റേജ്‌ ഷോയുമായി ബന്ധപ്പെട്ട്‌ ശ്വേത ഇപ്പോള്‍ അമേരിക്കയിലാണ്‌.
കരിയറിലെ മികച്ച സമയത്തിലാണ്‌ ശ്വേത ഇപ്പോള്‍. പുനര്‍ജനിക്കുന്ന രതിനിര്‍വേദത്തില്‍ രതീ ടീച്ചറായി ശ്വേത മികച്ച അഭിനയമാണ്‌ കാഴ്‌ചവച്ചിട്ടുള്ളത്‌. ഈ സിനിമ ഉടന്‍ പുറത്തിറങ്ങും.

RELATED STORIES

മമ്മൂട്ടിയുടേയും ലാലിന്റെയും നായികയാവാനില്ല: നിത്യ

2011-05-07T07:32:00.001+05:30

കോട്ടയം: മലയയാള സിനിമയിലെ താരചക്രവര്‍ത്തിമാരായ മമ്മൂട്ടിയുടേയും മോഹന്‍ലാലിന്റെയും നായികയായി അഭിനയിക്കാന്‍ താനില്ലെന്ന്‌ ഉറുമി ഫെയിം നിത്യാ മേനോന്‍. കന്യക വനിതാ മാഗസിന്‌ നല്‍കിയ അഭിമുഖത്തിലാണ്‌ നിത്യ ഇക്കാര്യം വെളിപ്പെടുത്തിയത്‌.
പ്രായക്കൂടുതലുള്ള നടന്‍മാരുടെ നായികയായി അഭിനയിക്കാന്‍ താത്‌പര്യമില്ല. അങ്ങനെ ചെയ്‌താല്‍ ഒട്ടും നന്നാവില്ലെന്നത്‌ തന്നെ കാരണം. തന്റെ ആദ്യചിത്രമായ ആകാശഗോപുരത്തില്‍ മോഹന്‍ലാലിന്റെ നായികയാണ്‌. അങ്ങനെ ചെയ്‌തത്‌ കഥ ആവശ്യപ്പെട്ടതുകൊണ്ടാണ്‌. 40 വയസുകാരനും 20 വയസുകാരിയും പ്രണയിക്കുന്ന കഥയാണത്‌.
ചെറുപ്പക്കാരുടെ നായിയാവാനാണ്‌ തനിക്ക്‌ താത്‌പര്യമെന്നും നിത്യ വ്യക്തമാക്കുന്നു. ഉറുമിക്കുശേഷം നിരവധി ഓഫറുകളാണ്‌ ലഭിക്കുന്നത്‌. എല്ലാത്തിലും നയകര്‍ ചെറുപ്പക്കാര്‍തന്നെ. പുതുതലമുറയിലുള്ളവര്‍ക്കൊപ്പം അഭിനയിക്കുമ്പോള്‍ കൂടുതല്‍ നന്നായി തോന്നും.
പ്രായത്തിന്റെ കെമസ്‌ട്രിയാണ്‌ അതില്‍ സന്തോഷം. ഒന്നിച്ച്‌ തമാശ പറഞ്ഞ്‌, ഭക്ഷണം കഴിച്ച്‌, ഒരു ജോളി മൂഡ്‌. സീനിയര്‍ ആര്‍ട്ടിസ്‌റ്റുകള്‍ക്കൊപ്പം അഭിനയിക്കുമ്പോള്‍ ഈ മൂഡ്‌ കിട്ടില്ലെന്നാണ്‌ നിത്യാ മേനോന്റെ കണ്ടെത്തല്‍.

RELATED STORIES

ഒസാമയും ബോളിവുഡ്‌ സിനിമയാവുന്നു

2011-05-06T09:54:00.001+05:30

മുംബൈ: ദിവസങ്ങള്‍ക്ക്‌ കൊല്ലപ്പെട്ട ഒസാമ ബിന്‍ ലാദന്റെ കഥയും സിനിമയാകുന്നു. അമേരിക്കന്‍ താത്‌പര്യങ്ങള്‍ സംരക്ഷിക്കുന്ന ഹോളിവുഡിലല്ല, കച്ചവട താത്‌പര്യം മാത്രമുള്ള ബോളിവുഡിലാണ്‌ ലാദന്റെ കഥ സിനിമയാകാന്‍ വീണ്ടും അരങ്ങൊരുകുന്നത്‌. രാംഗോപാല്‍ വര്‍മ്മയാണ്‌ ചിത്രം അഭ്രപാളിയിലെത്തിക്കാനുള്ള സാധ്യതകള്‍ ആരാഞ്ഞുതുടങ്ങിയത്‌.
ഒസാമയുടെ മരണത്തെക്കുറിച്ച്‌ ഹോളിവുഡിലും സിനിമ തയ്യാറാകുന്നുണ്ട്‌. ആഗോള ഭീകരനായ ഒസാമയെ കമാന്‍ഡോകള്‍ വധിക്കുന്നതാണ്‌ കാത്‌റീന്‍ സംവിധാനം ചെയ്യുന്ന ഹോളിവുഡ്‌ ചിത്രത്തിന്റെ പ്രമേയം. എന്നാല്‍ ഒസാമയുടെ ഭാഗത്തുനിന്നുള്ള ഒരു നോക്കിക്കാഴ്‌ചയാണ്‌ രാംഗോപാല്‍ വര്‍മ്മ ലക്ഷ്യമിടുന്നത്‌.
RELATED STORIES

27 അല്ല; ഞാന്‍ വെറും 23 കാരി: സറൈന്‍

2011-05-05T18:38:00.001+05:30

മുംബൈ: തന്നെപ്പറ്റി പരക്കുന്ന വാര്‍ത്തകളില്‍ പലതും അസത്യമാണെന്ന്‌്‌ വീര്‍ സിനിമയിലെ നായിക സറൈന്‍ ഖാന്‍. എനിക്ക്‌ 27 വയസായിയെന്ന്‌ ചിലര്‍ പ്രചരിപ്പിക്കുന്നുണ്ട്‌. അത്‌ ശരിയല്ല. വെറും 23 വയസേ ആയിട്ടുള്ളൂ.
അതുപോലെ ഞാന്‍ ബ്രിട്ടനില്‍ ജനിച്ചുവളര്‍ന്ന കുട്ടിയാണെന്നും എനിക്ക്‌ ഹിന്ദി സംസാരിക്കാന്‍ അറിയില്ലെന്നും ചിലര്‍ പറയുന്നുണ്ട്‌. അതും ശരിയല്ല. മുംബൈയില്‍ ജനിച്ചുവളര്‍ന്ന കുട്ടിയാണ്‌ താനെന്നും സറൈന്‍ വ്യക്തമാക്കുന്നു.
ആദ്യ സിനിമ സല്‍മാന്‍ നായകനായ വീര്‍ ആയിരുന്നു. കത്രീന കൈഫുമായുള്ള രൂപസാദൃശ്യമാണ്‌ എന്നെ അന്ന്‌ ശ്രദ്ദേശയയാക്കിയത്‌. എന്നാല്‍ വീര്‍ ഒരു നഷ്ടക്കച്ചവടമായി. സിനിമ നന്നായി ഓടിയില്ല. അതോടെ പുതിയ ചിത്രങ്ങളില്ലാത്ത അവസ്ഥയിലുമായി താന്‍.
കത്രീനയെപ്പോലെ ഞാനും യു കെയില്‍നിന്നും വന്നതാണ്‌, ഹിന്ദി അറിയില്ല തുടങ്ങിയ പ്രചരണങ്ങള്‍കൂടിയായതോടെ പുതിയ നിര്‍മാതാക്കളും തന്നെ തേടിവരാത്ത സ്ഥിതിയുണ്ടായെന്നും സറൈന്‍ ഖാന്‍ പരിഭവിക്കുന്നു.

RELATED STORIES

വോണിന്‌ മതിയായി; പന്തെറിയല്‍ മതിയാക്കുന്നു

2011-05-04T18:56:00.001+05:30

ബാംഗ്ലൂര്‍: ഷെയ്‌ന്‍ വോണിന്‌ ഐ പി എല്ലിലെ മത്സരങ്ങളും മടുത്തുവെന്ന്‌ റിപ്പോര്‍ട്ട്‌. ഐ പി എല്ലിന്റെ ഈ സീസണോടെ കളിക്കളത്തില്‍നിന്നും പൂര്‍ണമായും മാറി നില്‍ക്കാനാണ്‌ വോണിന്റെ തീരുമാനമത്രേ. അതേസമയം രാജസ്ഥാന്‍ റോയല്‍സിന്റെ കോച്ച്‌ എന്ന നിലയില്‍ അദ്ദേഹം തുടര്‍ന്നേയ്‌ക്കും.
വോണിന്റെ കാമുകി എലിസബത്ത്‌ ഹാര്‍ലിയാണ്‌ ഒരു മാസികയ്‌ക്ക്‌ നല്‍കിയ അഭിമുഖത്തില്‍ ഇക്കാര്യം വെളിപ്പെടുത്തിയത്‌. ഇതിനോട്‌ വോണ്‍ പ്രതികരിച്ചിട്ടില്ല. അതേസമയം അടുത്ത സീസണില്‍ കളിക്കാരനെന്ന നിലയില്‍ വോണ്‍ ടീമിനൊപ്പം ഉണ്ടാകില്ലെന്ന്‌ രാജസ്ഥാന്‍ റോയല്‍സ്‌ വൃത്തങ്ങള്‍ പറയുന്നു.
അന്താരാഷ്‌ട്ര മത്സരങ്ങളില്‍നിന്ന്‌ വര്‍ഷങ്ങള്‍ക്ക്‌ മുമ്പേ വിരമിച്ച വോണ്‍ കഴിഞ്ഞ നാല്‌ വര്‍ഷമായി ഐ പി എല്ലില്‍ മാത്രമാണ്‌ കളിക്കുന്നത്‌. അടുത്ത സുഹൃത്തായ ശില്‍പാ ഷെട്ടിയാണ്‌ വോണിനെ റോയല്‍സില്‍ എത്തിച്ചത്‌. അന്നുമുതല്‍ ടീമിന്റെ ക്യാപ്‌ടനും കോച്ചുമാണ്‌ വോണ്‍. കഴിഞ്ഞ സീസണില്‍തന്നെ കളി അവസാനിപ്പിക്കാന്‍ വോണ്‍ തീരുമാനിച്ചിരുന്നു.
ടീമിനെ ശക്തമായ നിലയിലെത്തിച്ചശേഷമാവാം കളി അവസാനിപ്പിക്കുകയെന്ന ശില്‍പയടക്കമുള്ളവരുടെ അഭ്യര്‍ത്ഥന കണക്കിലെടുത്താണ്‌ ഈ വര്‍ഷം അദ്ദേഹം കളത്തിലിറങ്ങിയത്‌. നിലവില്‍ പോയിന്റ്‌ നിലയില്‍ മൂന്നാം സ്ഥാനത്താണ്‌ റോയല്‍സ്‌. ആദ്യ സീസണിലേതുപോലെ ഇത്തവണയും ടീമിനെ ചാമ്പ്യന്‍മാരാക്കിക്കൊണ്ട്‌ കളിയില്‍നിന്നും വിടവാങ്ങാനാണ്‌ വോണ്‍ ലക്ഷ്യമിടുന്നത്‌. തന്റെ സഹതാരങ്ങളോട്‌ അദ്ദേഹം ഇക്കാര്യം വ്യക്തമാക്കിയതായും സൂചനയുണ്ട്‌.
സാമ്പത്തികമായി ഏറെ തകര്‍ന്ന അവസ്ഥയിലാണ്‌ ടീം. അതുകൊണ്ടുതന്നെ ചെലവുകുറയ്‌ക്കല്‍ നടപടികളിലേയ്‌ക്കും ടീം മാനേജ്‌മെന്റ്‌ നീങ്ങുന്നുണ്ട്‌.

RELATED STORIES

ഗാംഗുലി പൂനെ വാരിയേഴ്‌സിലേയ്‌ക്ക്‌

2011-05-03T10:38:00.001+05:30

മുംബൈ: കൊച്ചി ടീമിന്റെ ആരാധകരെ നിരാശയിലാഴ്‌ത്തിക്കൊണ്ട്‌ സൗരവ്‌ ഗാംഗുലി പൂനൈ വാരിയേഴ്‌സ്‌ ടീമിനായി ഐ പി എല്‍ കളിക്കും. നാല്‌ ലക്ഷം രൂപ അടിസ്ഥാന വിലയുള്ള ഗാംഗുലിയെ പരുക്കേറ്റ ആശിഷ്‌ നെഹ്‌റയ്‌ക്ക്‌ പകരമായാണ്‌ വാരിയേഴ്‌സ്‌ സ്വന്തമാക്കിയത്‌.
നാളെ നടക്കുന്ന മത്സരത്തില്‍ ഗാംഗുലി പാഡണിയും. ആദ്യ ജയങ്ങള്‍ക്കുശേഷം ബാറ്റിംഗ്‌ സൈഡില്‍ മോശമായ വാരിയേഴ്‌സിന്‌ ഗാംഗുലിയുടെ വരവ്‌ കരുത്തുപകരുമെന്നാണ്‌ പ്രതീക്ഷ.
നേരത്തേ ഗാംഗുലിക്കായി കൊച്ചിന്‍ ടസ്‌കേഴ്‌സ്‌ രംഗത്തെത്തിയിരുന്നു. ഇതിന്‌ മറ്റു ടീമുകള്‍ വിലങ്ങുനിന്നതോടെ അത്‌ നടക്കാതെപോയി. എങ്കിലും ഈ സീസണില്‍ കൊച്ചി ടീമിനായി ഗാംഗുലി കളത്തിലിറങ്ങുമെന്നായിരുന്നു റിപ്പോര്‍ട്ടുകള്‍.
ഈമാസം 18 ന്‌ മഹേല ജയവര്‍ധനയ്‌ക്ക്‌ ശ്രീലങ്കയിലേയ്‌ക്ക്‌ മടങ്ങേണ്ടതുണ്ട്‌. ഈ സമയത്ത്‌ ജയവര്‍ധനയ്‌ക്ക്‌ പകരക്കാരനായി ഗാംഗുലി ടസ്‌കേഴ്‌സിലെത്തുമെന്നായിരുന്നു കഴിഞ്ഞദിവസംവരെ കേട്ടിരുന്ന വാര്‍ത്ത.

RELATED STORIES

ശ്രീശാന്ത്‌ ശാന്തന്‍: ജയവര്‍ധന

2011-05-03T08:02:00.001+05:30

ന്യൂഡല്‍ഹി: ശ്രീശാന്തിനെക്കുറിച്ച്‌ ചോദിച്ചാല്‍ മിസ്‌റ്റര്‍ കൂള്‍ എന്നറിയപ്പെടുന്ന ഇന്ത്യന്‍ ക്രിക്കറ്റ്‌ ടീം ക്യാപ്‌ടന്‍ മഹേന്ദ്രസിംഗ്‌ ധോണിപോലും ചൂടായിപ്പോകും. അത്രയേറെ വികൃതികളാണ്‌ ശ്രീ കാട്ടിക്കൂട്ടിയിട്ടുള്ളത്‌. എന്നാല്‍ അതേ ശ്രീശാന്ത്‌ വെറും ശാന്തനാണെന്നാണ്‌ കൊച്ചിന്‍ ടസ്‌കേഴ്‌സ്‌ കേരളയുടെ ക്യാപ്‌ടന്‍ ശ്രീലങ്കന്‍ താരമായ മഹേല ജയവര്‍ധനയുടേത്‌. വെറുതെ പറയുകയല്ല, താന്‍ ക്യാപ്‌ടനായ ഐ പി എല്‍ ടീമിന്റെ കഴിഞ്ഞുപോയ ഒന്‍പത്‌ മത്സരങ്ങളില്‍ ഒരിക്കല്‍ പോലും ജയവര്‍ധനയ്‌ക്ക്‌ ശ്രീ തലവേദന സൃഷ്ടിച്ചിട്ടില്ല.
ശ്രീശാന്തിന്റെ അക്രമണോത്സകതയ്‌ക്ക്‌ കുറച്ചുകുറവ്‌ വന്നിട്ടുണ്ടെന്ന്‌ മഹേലതന്നെ പറയുന്നു. കുറച്ചൊക്കെ ആഹ്ലാദം പ്രകടിപ്പിക്കാന്‍ ശ്രീശാന്തിനെ അനുവദിക്കണം. അതിനോടൊപ്പം ശ്രീയോട്‌ എപ്പോഴും സംസാരിക്കാനും ശ്രമിക്കണം. എങ്കില്‍ ശ്രീ കൈവിട്ടുപോകില്ല. കഴിഞ്ഞ രണ്ട്‌ മത്സരങ്ങളിലും വളരെ മികച്ച പ്രകടനമാണ്‌ ശ്രീയില്‍നിന്നും ഉണ്ടായതെന്നും മഹേല ചൂണ്ടിക്കാട്ടുന്നു.
കൊച്ചിയിലെ പിച്ചിനെതിരെ ജയവര്‍ധനയും ഇന്നലെ രംഗത്തെത്തി. ഒരു ഹോം ടീമിന്‌ അനുയോജ്യമായ പിച്ചല്ല കൊച്ചിയിലേത്‌. എവേ മത്സരങ്ങളില്‍ ജയിക്കുമ്പോഴും ഹോം ഗ്രൗണ്ടില്‍ വിജയം കാണാനാകാതെ പോകുന്നത്‌്‌ അതുകൊണ്ടാണ്‌. പല കളികളിലും അവസാന രണ്ട്‌ ഓവറുകളാണ്‌ ഞങ്ങളെ പരാജയപ്പെടുത്തിയിട്ടുുള്ളത്‌. ഒരു ടീമെന്ന നിലയില്‍ ടസ്‌കേഴ്‌സ്‌ പൊരുത്തപ്പെട്ടുകഴിഞ്ഞു. തങ്ങള്‍ ഓരോ മത്സരവും ആസ്വദിക്കുന്നുമുണ്ടെന്നും മഹേല ജയവര്‍ധന പറഞ്ഞു.

RELATED STORIES

നയന്‍താര-പ്രഭുദേവ വിവാഹം ജൂണില്‍

2011-04-29T07:34:00.001+05:30

ചെന്നൈ: നയന്‍താരയും പ്രഭുദേവയും വരുന്ന ജൂണില്‍ വിവാഹിതരാകും. തീയതിയും സ്ഥലവും ഇനിയും തീരുമാനിച്ചിട്ടില്ല. എങ്കിലും ജൂണ്‍ അവസാനത്തോടെ ഇവരുടെ വിവാഹം നടക്കുമെന്നാണ്‌ അടുത്ത സുഹൃത്തുക്കള്‍ നല്‍കുന്ന സുചന.
ഭാര്യ റംലത്തുമായുള്ള പ്രഭുദേവയുടെ വിവാഹബന്ധം ഉടന്‍ ഒഴിഞ്ഞേക്കും. കോടതിക്കുപുറത്ത്‌ കാര്യങ്ങളില്‍ തീര്‍പ്പുണ്ടാക്കിയ സ്ഥിതിക്ക്‌ ഇരുവരും സംയുക്തമായി വിവാഹമോചനത്തിന്‌ ഹര്‍ജിനല്‍കി വേര്‍പിരിയും.
നയന്‍താരയും പ്രഭുദേവയും തങ്ങളുടെ ജോലികളില്‍ മുഴുകിയിരിക്കുകയാണിപ്പോള്‍. തെലുങ്ക്‌ ചിത്രം രാമരാജ്യത്തിന്റെ ചിത്രീകരണത്തിലാണ്‌ നയന്‍സ്‌. ജയം രവിയും ഹന്‍സികയും നായികാനായകന്‍മാരാകുന്ന ചിത്രത്തിന്റെ ഷൂട്ടിംഗ്‌ പൂര്‍ത്തിയാക്കി പ്രദര്‍ശനത്തിക്കാനുള്ള തിരക്കിലാണ്‌ പ്രഭുദേവ.

RELATED STORIES

കാര്‍ത്തി വിവാഹിതനാവുന്നു; ജൂലൈ മൂന്നിന്‌

2011-04-28T08:58:00.001+05:30

ചെന്നൈ: തമിഴകത്തെ പുത്തന്‍ താരം കാര്‍ത്തി വിവാഹിതനാവുന്നു. വരുന്ന ജൂലൈ മൂന്നിനാണ്‌ കാര്‍ത്തിയുടെ വിവാഹം. ചെന്നൈയിലെ ഒരു പ്രമുഖ കോളജില്‍നിന്നും ഇംഗ്ലീഷ്‌ ലിറ്ററേച്വറില്‍ സ്വര്‍ണമെഡലോടെ എം എ പാസായ രഞ്‌ജനിയാണ്‌ വധു.
വിവാഹം നിശ്ചയിച്ചതില്‍ താന്‍ സന്തോഷവാനാണെന്ന്‌ കാര്‍ത്തി പറഞ്ഞു. അമ്മ എനിക്കായി വധുവിനെ തിരയുകയായിരുന്നു. ഒടുവില്‍ കണ്ടെത്തിയതില്‍ സന്തോഷമാണ്ടെന്നും കാര്‍ത്തി പറഞ്ഞു. സിരുതായ്‌ കൂടി വിജയിച്ചതോടെ തമിഴിലെ ഏറ്റവും ജനപ്രീതിയുള്ള യുവനടന്‍മാരില്‍ ഒരാളായി മാറിയിരിക്കുകയാണ്‌ കാര്‍ത്തി ഇപ്പോള്‍.
ഇറോഡ്‌ സ്വദേശിനിയാണ്‌ രഞ്‌ജനി. കാര്‍ത്തി കോയമ്പത്തൂര്‍ക്കാരനും. വിവാഹക്കാര്യത്തില്‍ ജേഷ്‌ഠന്‍ സൂര്യയുടെ വഴി പിന്തുടരാന്‍ കാര്‍ത്തി തയ്യാറായിരുന്നില്ല. ഏറെക്കാലം നീണ്ട പ്രണയത്തിനുശേഷമാണ്‌ സൂര്യ തന്റെ വാമഭാഗമായി ജ്യോതികയെ കൊണ്ടുവന്നത്‌. കാര്‍ത്തിയും തമന്നയും പ്രണയത്തിലാണെന്ന്‌ വിശ്വാസക്കാരായിരുന്നു ആരാധകര്‍. ഇരുവരും ആ വാര്‍ത്ത നിഷേധിച്ചിരുന്നെങ്കിലും ആരാധകര്‍ പ്രതീക്ഷ കൈവിട്ടിരുന്നില്ല. ഈ വാര്‍ത്തകള്‍ക്കും വിരാമമിട്ടുകൊണ്ടാണ്‌ അമ്മ കണ്ടെത്തിയ പെണ്‍കുട്ടിയെ വിവാഹം കഴിക്കാന്‍ കാര്‍ത്തി തീരുമാനിച്ചത്‌.

RELATED STORIES

ഡങ്കന്‍ ഫ്‌ളെച്ചര്‍ ഇന്ത്യന്‍ ക്രിക്കറ്റ്‌ ടീം കോച്ച്‌

2011-04-27T13:25:00.001+05:30

മുംബൈ: ഇംഗ്ലണ്ട്‌ ക്രിക്കറ്റ്‌ ടീമിന്റെ മുന്‍കോച്ച്‌ ഡങ്കണ്‍ ഫ്‌ളെച്ചര്‍ ഇന്ത്യന്‍ ടീമിന്റെ പുതിയ കോച്ച്‌. ഇന്ത്യയയ്‌ക്ക്‌ ലോകകപ്പ്‌ നേടിക്കൊടുത്ത കോച്ച്‌ ഗാരികേഴ്‌സറ്റന്റെ പിന്‍ഗാമിയായാണ്‌ ഫ്‌ളെച്ചറെ ബി സി സി ഐ നിയമിച്ചത്‌. ആന്‍ഡി ഫ്‌ളവറുടെ പേരാണ്‌ നേരത്തേ കേട്ടിരുന്നത്‌. എന്നാല്‍ നറുക്ക്‌ വീണത്‌ സിംബാബ്‌വേയ്‌ക്കാരനായ ഫ്‌ളെച്ചര്‍ക്കാണ്‌.
1999, 2007 വര്‍ഷങ്ങളില്‍ ഇംഗ്ലണ്ട്‌ ടീമിന്റെ കോച്ചായിരുന്നു ഫ്‌ളെച്ചര്‍. 1983 ലെ ലോകകപ്പില്‍ സിംബാബ്‌വേ ടീമിന്റെ നായകനുമായിരുന്നു. രണ്ടുവര്‍ഷത്തേയ്‌ക്കാണ്‌ ബി സി സി ഐയുമായി ഫ്‌ളെച്ചര്‍ കരാറില്‍ ഏര്‍പ്പെട്ടിട്ടുള്ളത്‌. ഇന്ത്യന്‍ ടീമിന്റെ വെസ്‌റ്റ്‌ ഇന്‍ഡീസ്‌ പര്യടനത്തിനു ശേഷമാവും ഫ്‌ളെച്ചര്‍ ചുമതലയേല്‍ക്കുക. നേരത്തേയുള്ള ചില ജോലികള്‍ തീര്‍ക്കാനുള്ളതിനാല്‍ കൂടുതല്‍ സമയം ഫ്‌ളെച്ചര്‍ ആവശ്യപ്പെടുകയായിരുന്നു.
കേഴ്‌സറ്റണ്‍ മടങ്ങിയെങ്കിലും അദ്ദേഹത്തിനൊപ്പം വന്ന ബൗളിംഗ്‌ കോച്ച്‌ എറിക്‌ സിമ്മണ്‍സ്‌ ആ സ്ഥാനത്ത്‌ തുടരും. അദ്ദേഹവുമായുള്ള കരാര്‍ പുതുക്കുന്നുണ്ട്‌.

RELATED STORIES

സത്യമായിട്ടും എന്റെ കല്ല്യാണം കഴിഞ്ഞിട്ടില്ല: കിരണ്‍

2011-04-27T09:33:00.001+05:30

മുംബൈ: വല്ലാത്ത ഒരു അവസഥയിലായിരുന്നു രണ്ടുദിവസം നടി കിരണ്‍. കുറേ സുഹൃത്തുക്കള്‍ വിളിച്ചു, ന്നായി വഴക്കുപറഞ്ഞു. സൗഹൃദം ഉപേക്ഷിക്കുമെന്നുപോലും ഭീക്ഷണിപ്പെടുത്തിയവരുണ്ട്‌. അവരെ വിളിക്കാതെ താന്‍ ഒഴിവാക്കിയത്‌ വളരെ മോശമായിപ്പോയെന്നും കുറ്‌പ്പെടുത്തി. ഇതിനിടെ ചിലര്‍ സന്തോഷകരമായി പുതിയ ജീവിതം ആശംസിക്കുകയും ചെയ്‌തു.
എന്താണ്‌ സംഭവിക്കുന്നത്‌ എന്നറിയാതെ ഞാന്‍ കുഴങ്ങിപ്പോയി. ഒടുവില്‍ നെറ്റില്‍ പരതുന്നതിനിടെയാണ്‌ അത്‌ കണ്ടത്‌, ഞാന്‍ വിവാഹിതയായെന്ന വാര്‍ത്ത. സത്യത്തില്‍ ഞട്ടിപ്പോയി. ഞാന്‍പോലും അറിയാതെ എന്റെ വിവാഹം കഴിഞ്ഞെന്നോ?
ആരാ ഇത്തരം വാര്‍ത്തകള്‍ സൃഷ്ടിക്കുന്നത്‌. എന്തിനാണ്‌ ഇത്‌. സത്യത്തില്‍ എന്റെ വിവാഹം കഴിഞ്ഞിട്ടില്ല. അടുത്തിടെയൊന്നും വിവാഹം കഴിക്കാന്‍ ഉദ്ദേശിക്കുന്നുമില്ല. മൂന്ന്‌ വര്‍ഷം മുമ്പുവരെ കാമുകനുമായുള്ള വിവാഹത്തെക്കുറിച്ച്‌ ചിന്തിച്ചിരുന്നു. എന്നാല്‍ കരിയറിന്‌ കൂടുതല്‍ പ്രാധാന്യം നല്‍കാന്‍ തീരുമാനിച്ചപ്പോള്‍ ആ ബന്ധം ഒഴിവാക്കുകയും ചെയ്‌തുവെന്നും ഗജിനി ഫെയിം കിരണ്‍ വെളിപ്പെടുത്തുന്നു.

RELATED STORIES

പൃഥ്വിരാജ്‌ വിവാഹിതനായി

2011-04-25T11:42:00.000+05:30

കൊച്ചി: മലയാളത്തിന്റെ സൂപ്പര്‍താരം പൃഥ്വിരാജ്‌ വിവാഹിതനായി. പാലക്കാട്‌ സ്വദേശിനിയും ബി ബി സി റിപ്പോര്‍ട്ടറുമായ സൃപ്രിയ മേനോനെയാണ്‌ പൃഥ്വി വിവാഹം കഴിച്ചത്‌. നാല്‌ വര്‍ഷം നീണ്ട പ്രണയമാണ്‌ വിവാഹത്തിലെത്തിയത്‌.
ഇന്ന്‌ രാവിലെ വധുവിന്റെ തറവാടായ പാലക്കാട്‌ കണ്ണാടിയിലാണ്‌ വിവാഹം നടന്നത്‌. ഇവിടെ കുടുംബക്ഷേത്രത്തിലായിരുന്നു വിവാഹം. സുപ്രിയയുടെ അമ്മൂമ്മയുടെ ആഗ്രഹപ്രകാരമായിരുന്നു വിവാഹം പാലക്കാട്ടേക്ക്‌ മാറ്റിയത്‌.
മെയ്‌ ഒന്നിന്‌ എറണാകുളം ലേ മെറിഡിയനിലായിരിക്കും വിവാഹ സത്‌കാര പരിപാടികള്‍ അരങ്ങേറുക. ഇതിനുള്ള ഒരുക്കങ്ങള്‍ പൂര്‍ത്തിയായിവരുന്നു. 2000 പേര്‍ക്കാണ്‌ ചടങ്ങിലേക്ക്‌ ക്ഷണം ലഭിക്കുന്നത്‌.

ഞാന്‍ ശ്രീശാന്തിനൊപ്പം!!! ഭാവനവേണ്ടെന്ന്‌ റിയാ

2011-04-24T19:23:00.001+05:30

മുംബൈ: ശ്രീശാന്തിനൊപ്പം താന്‍ ഡേറ്റിംഗ്‌ നടത്തിയെന്ന വാര്‍ത്തകള്‍ തെറ്റാണെന്ന്‌ ചലച്ചിത്ര നടി റിയാ സെന്‍. ദയവായി ഇക്കാര്യത്തില്‍ നിങ്ങളുടെ ഭാവന വിടര്‍ത്തരുതെന്നും മുണ്‍മൂണ്‍ സെന്നിന്റെ മകളായ റിയ അഭ്യര്‍ത്ഥിച്ചു. കൊച്ചി ഐ പി എല്‍ ടീമിന്റെ മൂന്ന്‌ മത്സരങ്ങള്‍ കാണാന്‍ പോയിട്ടുണ്ട്‌. അത്രമാത്രമേ സംഭവിച്ചിട്ടുള്ളൂവെന്നും റിയ തന്റെ ട്വിറ്ററില്‍ കുറിച്ചിട്ടു.
റിയയും ശ്രീശാന്തും പ്രണയത്തിലാണെന്ന്‌ നേരത്തേ വാര്‍ത്തകളുണ്ടായിരുന്നു. എന്നാല്‍ ഈ വാര്‍ത്ത ശ്രീശാന്ത്‌ നിഷേധിക്കുകയും ചെയ്‌തു. അതേസമയം റിയയുമായി നല്ല സൗഹൃദത്തിലാണ്‌ താന്നെനും തങ്ങള്‍ പരസ്‌പരം സൗഹൃദം ആസ്വദിച്ചിട്ടുണ്ടെന്നും ഒരു അഭിമുഖത്തില്‍ ശ്രീശാന്ത്‌ വ്യക്തമാക്കുകയും ചെയ്‌തു. ഇതേതുടര്‍ന്നാണ്‌ റിയയോട്‌ സുഹൃത്തുക്കള്‍ ചോദ്യവുമായി എത്തിയത്‌. മറുപടി പറഞ്ഞ്‌ മടുത്തപ്പോള്‍ ട്വിറ്ററിനെതന്നെ റിയ അഭയം പ്രാപിക്കുകയായിരുന്നു.

RELATED STORIES